ທ່ານມາດູໂຣ ສາບານຕົນຮັບຕໍາແໜ່ງຜູ້ນໍາເວເນຊຸເອລາ ສະໄໝທີ່ 2 ທ່າມກາງບັນຍາກາດການເຄັ່ງຕຶງກັບຫລາຍຝ່າຍ

ສໍານັກຂ່າວຕ່າງປະເທດລາຍງານຈາກນະຄອນກາຣາກັສ ປະເທດເວເນຊຸເອລາ ເມື່ອວັນທີ່ 10 ມັງກອນ 2019 ວ່າ ປະທານາທິບໍດີນິໂຄລັສ ມາດູໂຣ ສາບານຕົນຕໍ່ທ່ານໄມເຄິລ ໂມເຣໂນ ປະທານສານດີກາ ທີ່ ສໍານັກງານສານສູງສຸດໃນນະຄອນກາຣາກັສ ເພື່ອຮັບຕໍາແໜ່ງຜູ້ນໍາເວເນຊຸເອລາສະໄໝທີ່ 2 ຫຼື ອີກ 6 ປີ ຢ່າງເປັນທາງການ ເມື່ອວັນພະຫັດ ຫຼັງຊະນະການເລືອກຕັ້ງເຊິ່ງເກີດຂື້ນລ່ວງໜ້າຕັ້ງແຕ່ເດືອນພຶດສະພາ 2018


ຢ່າງໃດກໍ່ຕາມ ພິທີການເກີດຂື້ນທ່າມກາງບັນຍາກາດການເຄັ່ງຕຶງ ເມື່ອສະພານິຕິບັນຍັດແຫ່ງຊາດເຊິ່ງພັກຝ່າຍຄ້ານຄອງສຽງສ່ວນຫຼາຍປະກາດຕັ້ງແຕ່ອາທິດຜ່ານມາ ວ່າບໍ່ຮັບຮອງວາລະການດໍາລົງຕໍາແໜ່ງຜູ້ນໍາປະເທດສະໄໝທີ່ 2 ຂອງທ່ານມາດູໂຣ ຂະນະທີ່ປະເທດຮ່ວມທະວີບອາເມຣິກາໃຕ້ 17 ປະເທດ ຕະຫຼອດຈົນສະຫະລັດ ແລະ ແຄນາດາ ພ້ອມໃຈກັນສະແດງທ່າທີຄັດຄ້ານການຮັບຮອງ ທ່ານມາດູໂຣ ໃນວັນສາບານຕົນ ໂດຍທ່ານຈອນ ໂບລຕັນ ທີ່ປຶກສາດ້ານຄວາມໝັ່ນຄົງແຫ່ງຊາດປະຈໍາທໍານຽບຂາວ ກ່າວວ່າລັດຖະບານສະຫະລັດ ບໍ່ຂໍຍອມຮັບພິທີສາບານຕົນຂອງລັດຖະບານມາດູໂຣ ເຊິ່ງປາສະຈາກຄວາມຊອບທໍາ ແລະ ທ່ານມາດູໂຣ ກ່າວສວນກັບຢ່າງທັນທີໃນພິທີສາບານຕົນວ່າ ສະຫະລັດຄື “ຈັກກະວັດ” ທີ່ຕ້ອງການເຮັດສົງຄາມລົ້ມລ້າງເວເນຊຸເອລາ


ທັງນີ້ ບັນດາຜູ້ນໍາຝ່າຍຊ້າຍໃນພູມິພາກ ທັງປະທານາທິບໍດີມີເກລ ດິແອຊ-ກາເນລ ຜູ້ນໍາຄິວບາ ປະທານາທິບໍດີອີໂວ ໂມຣາເລສ ຜູ້ນໍາໂບລິເວຍ ປະທານາທິບໍດີຊານເຊ ເຊເຣ ຜູ້ນໍາເອລຊັລວາດໍຣ ແລະ ປະທານາທິບໍດີດານຽວ ອອຣເຕດາ ຜຸ້ນໍາກາຣາກົວ ເຂົ້າຮ່ວມເປັນກຽດໃນພິທີດ້ວຍ ເຊັ່ນດຽວກັບຜູ້ແທນການທູດຈາກຈີນ ຣັດເຊຍ ແລະ ຕຸລະກີ


ທ່ານມາດູໂຣ ອາຍຸ 56 ປີ ຍັງຄົງສາມາດຮັກສາຖານອໍານາດທີ່ສໍາຄັນໄວ້ໂດຍສະເພາະຝ່າຍຄວາມໝັ້ນຄົງ ສວນທາງກັບສະຖານະການທາງເສດຖະກິດທີ່ລົ້ມສະຫລາຍທັງທີ່ເປັນປະເທດເຊິ່ງມີປະລິມານນໍ້າມັນດິບສໍາຮອງຫຼາຍທີ່ສຸດໃນໂລກ ຂະນະທີ່ກອງທຶນການເງິນລະຫວ່າງປະເທດ (ໄອເອັມເອຟ) ຄາດການແນວໂນ້ມອັດຕາເງິນເຟີ້ຂອງເວເນຊຸເອລາອາດຈະເພີ່ມສູງຂື້ນເຖິງ 10 ລ້ານເປີເຊັນໃນປີນີ້.

ใส่ความเห็น

อีเมลของคุณจะไม่แสดงให้คนอื่นเห็น ช่องข้อมูลจำเป็นถูกทำเครื่องหมาย *