ທຣັມ ລົງພື້ນທີ່ຊາຍແດນສະຫະລັດ-ເມັກຊິໂກ

ສໍານັກຂ່າວຕ່າງປະເທດລາຍງານຈາກເມືອງແມກອັລເລນ ລັດເທກຊັສ ປະເທດສະຫະລັດອາເມຣິກາ ເມື່ອວັນທີ່ 10 ມັງກອນ 2019 ວ່າປະທານາທິບໍດີໂດນັລ ທຣັມ ລົງພື້ນທີ່ບໍລິເວນແມ່ນໍ້າຣີໂອແກຣນ ເຊິ່ງເປັນແມ່ນໍ້າທີ່ມີຄວາມຍາວທີ່ສຸດເປັນອັນດັບ 4 ຂອງສະຫະລັດ ແລະ ເປັນຊາຍແດນທໍາມະຊາດລະຫວ່າງລັດເທກຊັສກັບທາງເໜືອຫຼາຍແຫ່ງຂອງເມັກຊິໂກ ເມື່ອວັນພະຫັດ ເພື່ອພົບປະ ແລະ ໃຫ້ກໍາລັງໃຈ ລວມເຖິງສັງເກດການປະຕິບັດງານຂອງເຈົ້າໜ້າທີ່ສໍານັກງານລາດຕະເວຍຊາຍແດນສະຫະລັດ (ຢູເອສບີພີ)


ຫຼັງຈາກນັ້ນ ທຣັມ ຖະແຫຼງທີ່ສໍານັກງານຂອງຢູເອສບີພີປະຈໍາເມືອງແມກອັລເລນ ພ້ອມອາວຸດປືນເຄື່ອງກະສຸນປືນ ເງິນສົດທີ່ສ່ວນໃຫຍ່ເປັນສະກຸນໂດລາສະຫະລັດ ແລະ ຢາເສບຕິດຈໍານວນຫຼາຍເຊິ່ງເຈົ້າໜ້າທີ່ຍຶດໄວ້ເມື່ອບໍ່ດົນມານີ້ ພ້ອມທັງກ່າວວ່າສິ່ງເຫຼົ່ານີ້ເປັນພຽງຕົວຢ່າງຫນ້ອຍດຽວຂອງການທີ່ສະຫະລັດມີເຄື່ອງກັ້ນຊາຍແດນທີ່ບໍ່ແຂງແຮງພໍ ແລະ ເປັນພາລະໜັກໜ່ວງທີ່ເຈົ້າໜ້າທີ່ຂອງຢູເອສບີພີຕ້ອງປະເຊີນມາເປັນໄລຍະເວລາດົນນານ ເຊີ່ງລວມເຖິງການສ່ຽງຊີວິດຕໍ່ສູ້ກັບແກ໊ງຢາເສບຕິດ ແລະ ຂະບວນການຄ້າມະນຸດ


ທັງນີ້ຜູ້ນໍາສະຫະລັດຍັງຄົງຢືນຢັນ “ອໍານາດອັນຊອບທໍາ” ໃນການປະກາດສະຖານະການສຸກເສີນເພື່ອເດີນໜ້າໂຄງການກໍ່ສ້າງກໍາແພງໂດຍບໍ່ຈໍາເປັນຕ້ອງຜ່ານຄວາມເຫັນດີຈາກສະພາຄອງເກຣສ ແຕ່ ທຣັມ ຍັງຫວັງວ່າທ້າຍທີ່ສຸດທໍານຽບຂາວຍັງບໍ່ເຖິງຂັ້ນຕ້ອງດໍາເນີນການຢ່າງນັ້ນ ຢ່າງໃດກໍ່ຕາມ ພັກເດໂມແຄຣດຍັງຄົງຂັດຂວາງການປະຕິເສດຈັດສັນງົບປະມານ 5.700 ລ້ານໂດລາ ໃນການກໍ່ສ້າງກໍາແພງເພື່ອປ້ອງກັນປະເທດ ແລະ ຢືນຢັນວ່າທ່ານຈະບໍ່ມີທາງລົງນາມໃນຮ່າງກົດໝາຍງົບປະມານສະບັບໃໝ່ ຕາບໃດທີ່ຍັງບໍ່ມີເງິນຈໍານວນນີ້


ທຣັມກ່າວດ້ວຍວ່າ ເມັກຊິໂກ “ຈ່າຍທາງອ້ອມ” ຜ່ານການຕົກລົງການຄ້າສະບັບໃໝ່ທີ່ລົນາມຮ່ວມກັນ ດ້ານລັດຖະບານເມັກຊິໂກຍັງສະຫງວນທ່າທີຕໍ່ເລື່ອງດັ່ງກ່າວ ເຊິ່ງສົ່ງຜົນໃຫ້ລັດຖະບານກາງສະຫະລັດຕ້ອງປະສົບກັບພາວະຊັດດາວຂ້າມປີຕັ້ງແຕ່ວັນທີ່ 22 ທັນວາ 2018 ໃກ້ທໍາລາຍສະຖິຕິການຊັດດາວຍາວນານທີ່ສຸດໃນປະຫວັດສາດການເມືອງສະຫະລັດ.

Be the first to comment

Leave a Reply

Your email address will not be published.


*