ຈີນ ສະເໜີມອບບັດຜູ້ຢູ່ອາໄສຖາວອນໃຫ້ “ອີລອນ ມັສກ”

ສໍານັກຂ່າວຕ່າງປະເທດລາຍງານຈາກນະຄອນປັກກິ່ງ ປະເທດຈີນ ເມື່ອວັນທີ່ 11 ມັງກອນ 2019 ວ່າ ນາຍົກລັດຖະມົນຕີຫລີ່ ເຄີ່ສຽງ ໃຫ້ການຕ້ອນຮັບທ່ານ ອີລອນ ມັສກ ປະທານຄະນະເຈົ້ສໜ້າທີ່ບໍລິຫານ (ຊີອີໂອ) ຂອງບໍລິສັດເທສລາ ທີ່ເຮືອນຮັບຮອງຈົງຫນານໄຫ່ ໃນນະຄອນປັກກິ່ງ ເມື່ອວັນພຸດ ໃນໂອກາດທີ່ ທ່ານມັສກ ຮ່ວມພິທີເປີດໂຮງງານຜະລິດລົດຍົນໄຟຟ້າຂອງເທສລາແຫ່ງທໍາອິດນອກສະຫະລັດ ທີ່ເມືອງຊຽງໄຮ້ ເມື່ອຊ່ວງກາງອາທິດນີ້ ໂດຍລາຍງານຂອງສື່ຈີນຫຼາຍແຫ່ງລະບຸວ່າ ທ່ານອີລອນ ມັສກ ກ່າວກັບນາຍົກລັດຖະມົນຕີຈີນວ່າ ໂຮງງານຂອງເທສລາໃນຈີນສາມາດ “ເປັນຕົວຢ່າງ” ໃຫ້ແກ່ຜູ້ປະກອບການຈາກທົ່ວໂລກຕາເວັນຕົກກ່ຽວກັບໂອກາດຂອງການເຮັດທຸລະກິດໃນຈີນ


ຂະນະດຽວກັນ ທ່ານອີລອນ ມັສກ ກ່າວດ້ວຍວ່າ ທ່ານມັກປະເທດແຫ່ງນີ້ຫຼາຍ ແລະ ຫວັງວ່າອານາຄົດຈະມີໂອກາດເດີນທາງກັບມາຢ້ຽມຢາມຫຼາຍຂື້ນ ເຊິ່ງ ທ່ານຫລີ່ ກ່າວວ່າ ຫາກທ່ານອີລອນ ມັສກ ມີຄວາມຈິງໃຈແທ້ຕາມຄໍາກ່າວນັ້ນ ລັດຖະບານຈີນສາມາດມອບບັດຜູ້ຢູ່ອາໄສຖາວອນ ຫຼື “ໄຊນ່າ ກຣີນ ກາຣດ” ໃຫ້ກັບ ທ່ານອີລອນ ມັສກ ໄດ້ທັງນີ້ຂໍ້ມູນຈາກໄຊນ່າ ເດລີ່ ເຜີຍສະຖິຕິພົນລະເມືອງຕ່າງປະເທດໄດ້ຮັບສະຖານະດັ່ງກ່າວໃນຈີນຜ່ານຫຼັກ 10.000 ຄົນແລ້ວເມື່ອປີ 2016 ໃນຂະນະທີ່ຊາວຕ່າງປະເທດໄດ້ຮັບອະນຸມັດກຣີນ ກາຣດໃນສະຫະລັດຫຼາຍກວ່າ 1 ລ້ານຄົນສະເພາະປີ 2017


ການຢ້ຽມຢາມຈີນຂອງ ທ່ານອີລອນ ມັສກ ເກີດຂື້ນໃນເວລາດຽວກັບທີ່ຄະນະຜູ້ແທນເຈລະຈາການຄ້າສະຫະລັດ ແລະ ຈີນພົບຫາລືທີ່ນະຄອນປັກກິ່ງໃນອາທິດນີ້ ເຊິ່ງຖືເປັນການປະຊຸມຮ່ວມກັນຢ່າງເປັນທາງການຄັ້ງທໍາອິດ ນັບຕັ້ງແຕ່ປະທານາທິບໍດີໂດນັລ ທຣັມ ແລະ ປະທານາທິບໍດີສີ ຈິ້ນຜິງ ບັນລຸຂ້້ຕົກລົງ “ສະຫງົບເສິກການຄ້າ” ເປັນເວລາ 90 ວັນ ນັບຕັ້ງແຕ່ວັນທີ່ 1 ທັນວາ 2018 ຢ່າງໃດກໍ່ຕາມ ການພົບຫາລືເປັນເວລາ 3 ວັນ ກັບບໍ່ປາກົດຜົນທີ່ຊັດເຈນເບິ່ງຄືຍັງຄຸມເຄືອໃນຫຼາຍປະເດັນ ເມື່ອຖະແຫຼງການຂອງກະຊວງການຄ້າຈີນລະບຸພຽງວ່າ “ທັງສອງຝ່າຍມີການແລກປ່ຽນ” ແລະ ຈະມີການຕິດຕາມຜົນໃນອານາຄົດ ສ່ວນສໍານັກງານຜູ້ແທນເຈລະຈາການຄ້າຈາກສະຫະລັດອອກຖະແຫຼງການພຽງວ່າ ຈະພິຈາລະນາຂະບວນການຂັ້ນຕໍ່ໄປຫຼັງລາຍງານຜົນການປະຊຸມທັງໝົດຕໍ່ທໍານຽບຂາວແລ້ວ.

Be the first to comment

Leave a Reply

Your email address will not be published.


*