“ຈາກົວ” ກຽມປົດພະນັກງານຄັ້ງໃຫຍ່ຫຼັງຍອດຂາຍໃນຈີນ ຫຼຸດລົງ

ສຳນັກຂ່າວຣອຍເຕີຣລາຍງານ ໃນວັນທີ 11 ມັງກອນ 2019 ວ່າ ຈາກົວຣ ແລນໂຣເວີຣ ຜູ້ປະລິດລົດຍົນລາຍໃຫຍ່ທີ່ສຸດຂອງອັງກິດປະກາດປັບຫຼຸດຈໍານວນພະນັກງານຫຼາຍກວ່າພັນຕໍາແໜ່ງ ໂດຍແຫຼ່ງຂ່າວຈາກຣອຍເຕີຣ ກ່າວວ່າບໍລິສັດກໍາລັງປະເຊີນກັບອຸປະສົງທີ່ຫຼຸດລົງໃນປະເທດຈີນ ແລະ ຍອດຂາຍລົດຍົນຈັກແອັດຊັງໃນຢູໂຣບ

ທັງນີ້ບໍລິສັດສ້າງອັດຕາສ່ວນລົດຍົນໃຫ້ສູງຂື້ນໃນອັງກິດຫຼາຍກວ່າຜູ້ຜະລິດລາຍໃຫຍ່ຫຼືລາຍອື່ນໆ ແລະ ໃຊ້ເງິນຈໍານວນຫຼາຍລ້ານປອນເພື່ອກຽມຄວາມພ້ອມສໍາລັບເບຣັກຊິທໃນກໍລະນີມີການກວດສອບພາສີຫຼືອາກອນ

ຈາກົວ ໄດ້ສູນເສຍເມັດເງິນກວ່າ 354 ລ້ານປອນ ຫຼື ປະມານ 450 ລ້ານໂດລາ ລະຫວ່າງເດືອນເມສາ ແລະ ກັນຍາ ແລະ ໃນປີ 2018 ໄດ້ຫຼຸດພະນັກງານໄປແລ້ວ 1.000 ຕໍາແໜ່ງໃນອັງກິດ ແລະ ປິດໂຮງງານ Solihull ເປັນເວລາສອງອາທິດ ແລະ ປະກາດປິດເປັນເວລາສາມອາທິດທີ່ໄຊ Castle Bromwich

ນອກຈາກນີ້ບໍລິສັດຍັງໄດ້ເປີດເຜີຍແຜນຫຼຸດຕົ້ນທຶນ ແລະ ປັບປຸງກະແສເງິນສົດກວ່າ 2,5 ພັນລ້ານປອນ ລວມທັງການຫຼຸດຕົ້ນທືນຈ້າງງານ ແລະ ລະດັບການຈ້າງງານ ເຊິ່ງແຫຼ່ງຂ່າວກ່າວກັບຣອຍເຕີຣວ່າມີການປັບຫຼຸດພະນັກງານນັບພັນຕໍາແໜ່ງ ແຕ່ເຈົ້າໜ້າທີ່ໃນສາຍຜະລິດຈະບໍ່ໄດ້ຮັບຜົນກະທົບຈາກກໍລະນີນີ້

ສໍາລັບຈ າກົວສ ກາຍມາເປັນຜູ້ຜະລິດລົດຍົນໃຫຍ່ທີ່ສຸດຂອງອັງກິດໃນປີ 2016 ມີການສ້າງຍານພາຫະນະກວ່າ 1 ລ້ານຄັນ ແຕ່ຜົນຜະລິດໃນປີ 2018 ເບິ່ງຄືຈະຫຼຸດລົງ ເນື່ອງຈາກຍອດຂາຍໃນຊ່ວງ 11 ເດືອນທໍາອິດຫຼຸດລົງທີ່ 4,4% ອີກທັງຍອດຂາຍໃນປະເທດຈີນ ເຊິ່ງເປັນຕະຫຼາດທີ່ໃຫຍ່ທີ່ສຸດຂອງບໍລິສັດ ລະຫວ່າງເດືອນກໍລະກົດເຖິງເດືອນກັນຍາຫຼຸດລົງ 44% ຢ່າງໃດກໍ່ຕາມບໍລິສັດ ປະຕິເສດທີ່ຈະສະແດງຄວາມຄິດເຫັນເມື່ອໄດ້ຮັບການຕິດຕໍ່ຈາກສໍານັກຂ່າວຣອຍເຕີຣ.

Be the first to comment

Leave a Reply

Your email address will not be published.


*