ປີ 2018 ນະຄອນຫລວງ ສາມາດເກັບລາຍຮັບງົບປະມານ ໄດ້ບັນລຸເປົ້າຫມາຍ

ອີງ​ຕາມ​ບົດ​ລາຍ​ງານ​ຂອງ​ທ່ານ ສິນ​ລະ​ວົງ ຄຸດ​ໄພທູນ ເຈົ້າ​ຄອງ​ນະຄອນຫຼວງ​ວຽງ​ຈັນ ກ່ຽວ​ກັບ​ຜົນ​ຂອງ​ການຈັດຕັ້ງ​ປະຕິບັດ​ແຜນ​ພັດທະນາ​ເສດຖະກິດສັງຄົມ ແລະ ແຜນ​ພັດທະນາ​ວຽກ​ງານ​ຈຸດ​ສຸມ​ພົ້ນ​ເດັ່ນ ຂອງ​ອົງການ​ປົກຄອງ​ນະ​ຄອງ​ຫຼວງ​ວຽງ​ຈັນ ປີ 2018 ແລະ ສະເໜີ​ແຜນ​ວຽກ​ຈຸດ​ສຸມ ປີ 2019

ໄດ້​ສະເໜີ​ຕໍ່​ກອງ​ປະຊຸມ​ສະໄໝ​ສາມັນ​ເທື່ອ 6 ຂອງ​ສະພາ​ປະຊາຊົນ ນະຄອນຫຼວງ​ວຽງ​ຈັນ ຊຸດ​ທີ I ໂດຍ​ສັງ​ລວມ​ຜົນ​ການຈັດຕັ້ງ​ປະຕິບັດ 6 ແຜນ​ຈຸດ​ສຸມ ແລະ 13 ຄາດໝາຍ​ຕົ້ນຕໍ ບາງ​ຕອນ​ວ່າ:

ປີ 2018 ນະຄອນຫຼວງ​ຍັງ​ເປັນ​ອີກ​ບ່ອນ​ໜຶ່ງ​ທີ່​ມີ​ການ​ລົງທຶນ​ຢ່າງ​ຄຶກຄື້ນ ຕົວ​ເລກ​ການ​ອະນຸມັດ​ການ​ລົງທຶນ (ທັງ​ສູນ​ກາງ ແລະ ທ້ອງຖິ່ນ) ບັນລຸ​ເຖິງ 18.000 ຕື້​ກີບ GDP ເຕີບ​ໂຕ 9,3% ສະເລ່ຍ​ຫົວ​ຄົນ​ບັນລຸ 5.300 ໂດ​ລາ​ສະຫະລັດ ຫຼື ປະມານ 45.261.311 ກີບ ການ​ຈັດ​ເກັບ​ລາຍ​ຮັບ​ເຂົ້າ​ງົບປະມານ​ບັນລຸ​ຄາດໝາຍ​ຂອງ​ແຜນການ​ປີ 1.222,71 ຕື້​ກີບ.

 

ບັນດາ​ຂະແໜງການ​ຜະລິດ ແລະ ຫົວໜ່ວຍ​ທຸລະ​ກິດ ເຖິງ​ວ່າ​ຈະ​ປະ​ເຊີນ​ກັບ​ຜົນ​ກະທົບ​ຈາກ​ໄພພິບັດ​ທຳ​ມະ​ຊາດ ຫົວໜ່ວຍ​ຈຳນວນ​ໜຶ່ງ​ຢຸດ​ຈຶ້ງ​ແຕ່​ສ່ວນ​ໃຫຍ່​ຄົງ​ຕົວ​ຢູ່​ໄດ້ ແລະ ມີ​ຫຼາຍ​ຫົວໜ່ວຍ​ໃໝ່​ເກີດ​ຂຶ້ນ ພວກ​ເຮົາ​ໄດ້​ປະຕິບັດ​ຕາມ​ນະໂຍບາຍ​ຂອງ​ລັດຖະບານ ໃນ​ການ​ສົ່ງເສີມ​ສິນຄ້າ ODOP SMEs ເສດຖະກິດ​ຄອບຄົວ

ປະຕິບັດ 8 ມາດ​ຕະການ​ຊຸກຍູ້​ເສດຖະກິດ​ແຫ່ງ​ຊາດ ເປັນຕົ້ນ​ແມ່ນ ການ​ອຳນວຍ​ຄວາມ​ສະດວກ​ໃນ​ການ​ດຳເນີນ​ທຸລະ​ກິດ​ແບບ​ປະຕູ​ດຽວ ວ່ອງໄວ ໂປ່ງ​ໃສ ຂຶ້ນ​ຕື່ມ.

ໄດ້​ເລີ່ມ​ຈັດ​ຕັ້ງ​ປະຕິບັດ​ມະຕິ​ຂອງ​ສະພາ ກ່ຽວ​ກັບ​ການ​ປັກ​ຫຼັກ​ໝາຍ​ເຂດ​ດິນ​ກະສິກຳ​ຢູ່ 3 ເມືອງ: ເມືອງ​ຫາດ​ຊາຍ​ຟອງ ໄຊ​ເຊດ​ຖາ ແລະ ໄຊ​ທານີ ໄດ້​ສຳເລັດ​ການ​ຍົກ​ຮ່າງ​ດຳລັດ ແລະ ອອກ​ແບບແຜນ​ຜັງ​ການ​ພັດທະນາ ແລະ ການ​ຄຸ້ມ​ຄອງ​ເຂດ​ລຸ່ມ​ບຶງ​ທາດຫຼວງຫ້ວຍ​ໝາກ​ຮຽວ (ຄອງ​ນ້ຳ​ວຽງ​ຈັນ) ປັດຈຸບັນ​ພວມ​ສະເໜີ​ລັດຖະບານ​ພິຈາລະນາ ແລະ

 

ພິເສດ​ແມ່ນ​ໄດ້​ເອົາໃຈໃສ່​ຟື້ນ​ຟູ​ການ​ຜະລິດ​ກະສິກຳ ການ​ສ້ອມແປງ​ເສັ້ນທາງ​ຫຼັງ​ນ້ຳ​ຖ້ວມ​ຢູ່​ຫຼາຍ​ເມືອງ ໄດ້​ເຂົ້າ​ຮ່ວມ​ການຈັດຕັ້ງ​ປະຕິບັດ​ໂຄງການ​ໃຫຍ່​ລະດັບ​ຊາດ ໂຄງການ​ທາງ​ລົດໄຟ ໂຄງການ​ກໍ່ສ້າງ​ເສັ້ນທາງ ແລະ ປ້ອງ​ກັນ​ຕາ​ຝັງ​ເຈື່ອນ​ວຽງ​ຈັນ​ຕອນ​ໃຕ້ ສຳເລັດ​ໂດຍ​ພື້ນຖານ ໂຄງການ​ທາງ​ດ່ວນ​ວຽງ​ຈັນວັງ​ວຽງ ໂຄງການ​ທາງ​ດ່ວນ​ວຽງ​ຈັນ ນອກຈາກ​ນີ້ ກໍ່​ໄດ້​ສະເໜີ​ໃນ​ດ້ານ​ແຜນ​ວຽກ​ງານ​ສຳຄັນ​ອື່ນໆ​ຕື່ມ​ອີກ​ດ້ວຍ.

Be the first to comment

Leave a Reply

Your email address will not be published.


*