ທຣັມ ຈະບໍ່ພົບກັບ ປູຕິນ ຈົນກ່ວາຣັດເຊຍຈະປ່ອຍກອງເຮືອຢູເຄຣນ

ສຳນັກຂ່າວຕ່າງປະເທດລາຍງານ ເມື່ອວັນ 13 ທັນວາ 2018 ວ່າ ທ່ານ ຈອນ ໂບລຕັນ ທີ່ປຶກສາດ້ານຄວາມໝັ້ນຄົງແຫ່ງຊາດຂອງສະຫະລັດອາເມຣິກາໄດ້ກ່າວວ່າ ຈະບໍ່ມີການພົບກັນລະຫວ່າງ ທ່ານ ໂດນັລ ທຣັມ ປະທານາທິບໍດີສະຫະລັດ ກັບ ທ່ານ ວະລາດີເມຍ ປູຕິນ ປະທານາທິບໍດີຣັດເຊຍ ຫາກຣັດເຊຍຍັງບໍ່ປ່ອຍເຮືອ ແລະ ທະຫານເຮືອຂອງຢູເຄຣນອອກມາ
ທັງນີ້ ທ່ານໂບຕັນໄດ້ໃຫ້ສໍາພາດລະຫວ່າງການໂອ້ລົມກ່ຽວກັບຍຸດທະສາດອາຟຣິກາໃໝ່ຂອງສະຫະລັດທີ່ສະຖາບັນ Heritage Foundation ໃນນະຄອນວໍຊິງຕັນ ສະຫະລັດອາເມຣິກາວ່າ “ທ່າມກາສະຖານະການເຊັ່ນນີ້ ຂ້າພະເຈົ້າເອງຍັງເບິ່ງບໍ່ເຫັນໂອກາດທີ່ຈະເກີດການພົບປະກັນລະຫວ່າງຜູ້ນໍາທັງສອງໃນອະນາຄົດອັນໃກ້ ຫາກວ່າເຮືອ ແລະ ທະຫານເຮືອຂອງຢູເຄຣນຍັງບໍ່ໄດ້ຮັບການປ່ອຍໂຕອອກມາ”


ນອກຈາກນີ້ທ່ານໂບຕັລຍັງກ່າວອີກວ່າ ຣັດເຊຍພະຍາຍາມທີ່ຈະ “ເພີ່ມອິດທິພົນໃນພູມິພາກນີ້ດ້ວຍການເຮັດຂໍ້ຕົກລົງທາງທຸລະກິດຢ່າງທຸຈະລິດ” ອີກດ້ວຍ

ໃນວັນທີ່ 25 ພະຈິກທີ່ຜ່ານມາ ຣັດເຊຍໄດ້ຍຶດເຮືອຈໍານວນ 3 ລໍາ ຂອງຢູເຄນບໍລິເວນໃຫ້ກັບຊ່ອງແຄບເຄິຣຊ ໂດຍໃຫ້ເຫດຜົນວ່າກອງເຮືອຂອງຢູເຄຣນຕ້ອງການສ້າງເຫດປະທະກັນ ດ້ວຍການປະຕິເສດທີ່ຈະຍອມເຮັດຕາມຄໍາສັ່ງຂອງກອງກໍາລັງຊາຍແດນຣັດເຊຍ ທີ່ໃຫ້ປ່ຽນເສັ້ນທາງເດີນເຮືອໃໝ່ ອອກຈາກບໍລິເວນນ່ານນໍ້າຂອງຣັດເຊຍໄປ

ທາງດ້ານ ຢູເຄຣນກໍ່ປະຕິເສດວ່າກອງເຮືອດັ່ງກ່າວບໍ່ໄດ້ຢູ່ນ່ານນໍ້າຂອງຣັດເຊຍ ພ້ອມຮຽກການກະທໍາຂອງຣັດເຊຍວ່າເປັນ “ພຶດຕິກໍາກ້າວລ້າວ” ແລະ ບັງຄັບໃຫ້ເກີດການໃຊ້ກົດໄອຍາການເສິກໃນບາງພູມິພາກຂອງປະເທດເປັນເວລາ 30 ວັນ ນັບຕັ້ງແຕ່ວັນທີ່ 28 ພະຈິກທີ່ຜ່ານມາ

Be the first to comment

Leave a Reply

Your email address will not be published.


*