ລະເບີດສະຫລະຊີບ ໂຈມຕີສໍານັກງານຕໍາຫຼວດອີຣ່ານເສຍຊີວິດ 3 ສົບ

ສໍານັກຂ່າວຕ່າງປະເທດລາຍງານຈາກເມືອງຊາບາຮາຣ ປະເທດອີຣ່ານເມື່ອວັນທີ່ 6 ທັນວາ 2018 ວ່າ ທ່ານ ຣາມເດລ ບາເມຣິ ຮັກສາການເຈົ້າເມືອງຊາບາຣາຣ ເຂດແຂວງຊິສຕັນ-ບາລູເຊສຖານທາງຕາເວັນອອກສຽງໃຕ້ຂອງອີຣ່ານເປີດເຜີຍວ່າ ມີຜູ້ເສຍຊີວິດ ແລະ ບາດເຈັບຈາກເຫດການໂຈມຕີດ້ວຍລະເບີດຊຸກເຊືອງໃນລົດຍົນ ເປົ້າໝາຍສໍານັກງານຕໍາຫຼວດໃນເມືອງຊາຍາຮາຣ ເມື່ອວັນພະຫັດທີ່ 6 ທັນວາ ເຊິ່ງເຈົ້າໜ້າທີ່ຂອງອີຣ່ານເປີດເຜີຍອີກວ່າ ຄົນຮ້າຍຜູ້ກໍ່ເຫດເສຍຊີວິດນຳ ຂະນະທີ່ສະຖານີໂທລະທັດຂອງລັດລາຍງານວ່າມີການຍິງກັນໃນທີ່ເກີດເຫດດ້ວຍ


ສ່ວນ ທ່ານ ໂມຮັມໝັດ ຮາດີ ມາຣາຊິ ເຈົ້າໜ້າທີ່ລະດັບສູງຝ່າຍຄວາມໝັ້ນຄົງເປີດເຜີຍວ່າ ມີຜູ້ເສຍຊີວິດ 2 ສົບເປັນຕໍາຫຼວດ ແລະ ຄົນຮ້າຍອີກ 1 ສົບ ລວມເປັນ 3 ສົບ ສ່ວນຜູ້ບາດເຈັບຈໍານວນ 24 ຄົນ ຍັງບໍ່ມີກຸ່ມໃດອອກມາປະກາດອ້າງຄວາມຮັບຜິດຊອບ


ສໍາລັບແຂວງຊິສຕັນ-ບາລູເຊສຖານເປັນພື້ນທີ່ອາໄສຂອງຊາວສຸໜີ່ໃນປະເທດອີຣ່ານທີ່ມີຊາວຊີອະອາໄສຢູ່ເປັນສ່ວນໃຫຍ່ ຈຶ່ງເປັນພື້ນທີ່ທີ່ເກີດເຫດຮຸນແຮງມາແລ້ວຫຼາຍຄັ້ງຈາກສີມືຂອງກຸ່ມລັກລອບຂົນຢາເສບຕິດ ແລະ ກຸ່ມແບ່ງແຍກດິນແດນ ສ່ວນໃນເມືອງຊາບາຮາຣນັ້ນຢູ່ຫ່າງປະມານ 100 ກມ ທາງຕາເວັນຕົກຂອງຊາຍແດນດ້ານທີ່ຕິດກັບປະເທດປາກີສະຖານ.

Be the first to comment

Leave a Reply

Your email address will not be published.


*