ກໍາປູເຈຍ ແຫ່ເຮັດທຸລະກິດຂາຍນໍ້າເຊື້ອໝູກ້າມໃຫ່ຍ

ເຟສບຸ໊ກຂອງຟາຣມແຫ່ງໜຶ່ງໃນແຂວງບັນເຕຍ ມຽນເຈຍ ຂອງກໍາປູເຈຍ ນໍາສະເໜີ ຂໍ້ມູນກ່ຽວກັບທຸລະກິດໝູ “ຕັດແຕ່ງພັນທຸກໍາ” (Duroc Cambodia) ທີ່ກໍາລັງເບັ່ງບານສຸດຂີດ ໂດຍໝູທີ່ຢູ່ໃນຄອກທີ່ຮຽງເປັນແຖວມີຮ່າງກາຍໃຫຍ່ໂຕ ກ້າມຊີ້ນເປັນມັດ ເຊິ່ງນອກຈາກຈະລ້ຽງເພື່ອເອົາຊີ້ນຂອງໝູໄປຂາຍໃນຕະຫຼາດຜະລິດເບຄອນແລ້ວ ຍັງຂາຍນໍ້າເຊື້ອພ່ວງຊຸດປະສົມທຽມດ້ວຍການຕັດແຕ່ງພັນທຸກໍາໝູໃຫ້ກາຍເປັນໝູກ້າມມັດ ມີຕົ້ນແບບມາຈາກຄະນະຈຸລຊີວະວິທະຍາຂອງມະຫາວິທະຍາໄລແຫ່ງຊາດໂຊລ ປະເທດເກົາຫຼີໃຕ້ ເພື່ອຮັບມືກັບວິກິດຂາດແຄນຊີ້ນໝູໃນອານາຄົດ

ໂດຍບັນດາຟາຣມໝູໃນກໍາປູເຈຍ ຈະແຍກໝູຕັດແຕ່ງພັນທຸກໍາໄວ້ຄອກລະໂຕ ເພື່ອກໍານົດໃຫ້ໝູມີຂະໜາດໃຫຍ່ກວ່າໝູປົກກະຕິເຖິງ 2 ເທົ່າ ແລະ ເພື່ອໃຫ້ໄດ້ຊີ້ນໝູຫຼາຍກວ່າ ແລະ ໄຂມັນໜ້ອຍກວ່າ ແມ່ນວ່ານັກວິທະຍາສາດຢືນຢັນວ່າ ໝູຕັດແຕ່ງພັນທຸກໍາປອດໄພ ແຕ່ບັນດາຜູ້ຮັກສັດປະນາມວ່າເປັນຝັນຮ້າຍຂອງອຸດສາຫະກໍາຊີ້ນສັດ


ຢ່າງໃດກໍ່ຕາມ ສະຫະພາບຢູໂຣບ (ອີຢູ) ປະກາດຫ້າມນໍາເຂົ້າອາຫານທີ່ເຮັດຈາກໝູປະເພດນີ້ ເນື່ອງຈາກວິຕົກດ້ານຄວາມປອດໄພ ແລະ ຄຸນນະພາບຂອງຊີ້ນໝູ.

Be the first to comment

Leave a Reply

Your email address will not be published.


*