ເຮືອບິນ 2 ລໍາຂອງກອງທັບສະຫະລັດ ຕົກໃນທະເລຍີ່ປຸ່ນ ເຈົ້າໜ້າທີ່ເລັ່ງຄົ້ນຫາຜູ້ສູນຫາຍ

ສຳນັກຂ່າວຊິນຫົວລາຍງານວ່າ ໃນວັນທີ່ 6 ທັນວາ 2018 ວ່າເຮືອບິນສອງລໍາຂອງສະຫະລັດ ຕົກໃນທະເລບໍລິເວນຫ່າງອອກໄປຈາກຝັ່ງຂອງປະເທດຍີ່ປຸ່ນປະມານ 322 ກມ ໂດຍອ້າງອີງຈາກແຫຼ່ງຂໍ້ມູນຂອງລັດຖະບານຍີ່ປຸ່ນ


ເຮືອບິນນາວິກໂຍທິນຂອງສະຫະລັດອາເມຣິກາ ປະກອບດ້ວຍເຮືອບິນເຕີມນ້ຳມັນ C-130 ແລະ ເຄື່ອງບິນຂັບໄລ່ F/A-18 ຕົກລົງໃນທະເລນອກຝັ່ງຂອງແຂວງໂຄຊິ ຫຼັງຈາກອອກບິນຈາກສະຖານີ ອິວາກູນິ (Iwakuni Marine Corp Station) ຂອງສະຫະລັດໃນຍີ່ປຸ່ນ ໂດຍຄາດວ່າສາເຫດເກີດຈາກການຕໍາກັນລະຫວ່າງເຕີມນໍ້າມັນກາງອາກາດ ເຫດເກີດເມື່ອກາງເດິກຂອງວັນນີ້ເວລາ 02:00 ໂມງ ຕາມເວລາທ້ອງຖິ່ນ


ຂະນະທີ່ເຈົ້າໜ້າທີີ່ຂອງຍີ່ປຸ່ນໄດ້ຊ່ວຍຊີວິດນາວິກໂຍທິນໄດ້ແລ້ວ 1 ຄົນ ແລະ ກໍາລັງດໍາເນີນການຄົ້ນຫາ ແລະ ຊ່ວຍເຫຼືອນັກບິນທີ່ຍັງສູນຫາຍອີກ 6 ຄົນ.

ใส่ความเห็น

อีเมลของคุณจะไม่แสดงให้คนอื่นเห็น ช่องข้อมูลจำเป็นถูกทำเครื่องหมาย *