ອາເມຣິກາ ຮຽກຄືນຊີ້ນດິບ 5 ລ້ານກິໂລກຼາມ ຫຼັງພົບເຊື້ອ salmonella ຕົ້ນເຫດຊາວອາເມຣິກາເຈັັບປ່ວຍນັບຮ້ອຍຄົນ

ສໍານັກຂ່າວຕ່າງປະເທດລາຍງານ 5 ທັນວາ 2018 ວ່າ ເຈົ້າໜ້າທີ່ໜ່ວຍຄວາມປອດໄພຂອງອາຫານ ແລະ ບໍລິການກວດສອບ (FSIS) ພາຍໃຕ້ກະຊວງກະສິກຳຂອງສະຫະລັດເປີດເຜີຍວ່າເມື່ອວັນທີ 4 ທັນວາ ວ່າສະຫະລັດຮຽກຄືນຜະລິດຕະພັນຊີ້ນດິບປະມານ 5 ລ້ານກິໂລກຼາມ ຫຼັງຈາກທີ່ປະຊາຊົນຫຼາຍຮ້ອຍຄົນເຈັບປ່ວຍຈາກການຕິດເຊື້ອ salmonella ເຊິ່ງເປັນແບກທີເຣຍທີ່ເປັນສາເຫດຂອງອາຫານເປັນພິດທີ່ພົບຫຼາຍທີ່ສຸດ


ເຈົ້າໜ້າທີ່ລະບຸວ່າ ພົບລາຍງານການລະບາດໃນ 25 ລັດ ມີຜູ້ປ່ວຍແລ້ວ 246 ຄົນ ເຊິ່ງເກີດອາການໃນລະຫວ່າງວັນທີ່ 5 ສິງຫາ – 16 ຕຸລາ ໂດຍມີຜູ້ເຈັບປ່ວຍ 56 ຄົນໄດ້ເຂົ້າຮັັບການຮັກສາທີ່ໂຮງໝໍ ໂດຍຊີ້ນດິບທີ່ເຂົ້າຄ່າຍຊີ້ນທີ່ຍັງບໍ່ໄດ້ແປຮູບ ລວມເຖິງຊີ້ນທີ່ຢູ່ໃນບັນຈຸພັນທີ່ລະບຸຕັ້ງແຕ່ວັນທີ່ 26 ກໍລະກົດ ເຖິງ 7 ກັນຍາ

ຂະນະທີ່ລາຍງານຂອງວໍຊິງຕັນໂພສລະບຸວ່າ ຊີ້ນດິນທີ່ຖືກຮຽກຄືນນັ້ນໄດ້ແກ່ Kroger, Laura’s Lean ແລະ JBS generic  ດ້ານເອຟເອສໄອເອສແນະນໍາໃຫ້ຜູ້ບໍລິໂພກບໍ່ຄວນຈະກິນຊີ້ນເຫຼົ່ານີ້ທີ່ຊື້ໄປ ຄວນຖິ້ມຫຼືບໍ່ກໍ່ສົ່ງກັບຄືນໄປຍັງຮ້ານຄ້າທີ່ຊື້ມາ


ສໍາລັບອາການທີ່ຜູ້ປ່ວຍ ຫລັງກິນຊີ້ນທີ່ມີເຊື້ອແບກທີເຣຍດັ່ງກ່າວເຂົ້າໄປນັ້ນໃນ 12-72 ຊົ່ວໂມງຈະມີອາການຖອກທ້ອງ ປວດທ້ອງເຊັ່ນດຽວກັບການເປັນໄຂ້.

Be the first to comment

Leave a Reply

Your email address will not be published.


*