ປາກີສະຖານ ຂັບໄລ່ NGO ຕ່າງປະເທດ 18 ອົງກອນ

ສໍານັກຂ່າວຕ່າງປະເທດລາຍງານຈາກນະຄອນອິສລາມາບັດ ປະເທດປາກີສະຖານ ເມື່ອວັນທີ່ 5 ທັນວາ 2018 ວ່າ ກຸ່ມອົງກອນນອກພາກລັດ (ເອັນຈີໂອ) ທີ່ຖືກລັດຖະບານປາກີສະຖານຂັບໄລ່ອອກນອກປະເທດ ລວມເຖິງເວິລດ ວິຊັ່ນ, ແພທໄຟເດີຣ, ແພລນ ອິນເຕີນາຊັ່ນແນລ, ໂທຣແຄຣ, ເຊເຟີຣເວິລດ ແລະ ກຸ່ມແອກຊັ່ນເອດ ທີ່ເປີດເຜີຍເມື່ອອາທິດຜ່ານມາວ່າ ກໍາລັງປິດສໍານັກງານ ແລະ ລອຍແພພະນັກງານ ຫຼັງຈາກໄດ້ຮັບແຈ້ງຈາກລັດຖະບານປາກີສະຖານ ໃຫ້ຢຸດປະຕິບັດການ ແລະ ໃຫ້ອອກນອກປະເທດ

ທ່ານນາງ ຮີເທີຣ ນາວເອິຣທ ໂຄສົກຍິງກະຊວງການຕ່າງປະເທດສະຫະລັດ ກ່າວວ່າ ສະຫະລັດຮູ້ສຶກ “ເສຍໃຈ” ກັບການຕັດສິນໃຈຂອງປາກີສະຖານ ຫຼາຍກຸ່ມໃນຈໍານວນ 18 ກຸ່ມທີ່ຖືກຂັບໄລ່ ເຮັດວຽກໃນປາກີສະຖານດົນຫຼາຍປີແລ້ວ ແລະ ຈ້າງຊາວປາກີສະຖານລວມຫຼາຍພັນຄົນ ເຮັດວຽກເພື່ອປັບປຸງຄຸນນະພາບຊີວິດຂອງປະຊາຊົນລະດັບຮາກຫຍ້າເປັນຈໍານວນຫຼາຍ

ກະຊວງປ້ອງກັນຄວາມສະຫງົບປາກີສະຖານ ປະຕິເສດຄໍາຮ້ອງອຸທອນຂອງເອັນຈີໂອ 18 ກຸ່ມ ທີ່ໄດ້ຮັບຜ່ອນຜັນໃຫ້ປະຕິບັດການຕໍ່ໄປໄດ້ ຂະນະທີ່ທາງການຮັບເລື່ອງອຸທອນ
ຫຼາຍອົງກອນຊ່ວຍເຫຼືອລະຫວ່າງປະເທດ ແລະ ນັກການທູດຕາເວັນຕົກ ກ່າວວ່າທາງການປາກີສະຖານຂາດຄວາມໂປ່ງໃສ ໃນຂັ້ນຕອນຂັບໄລ່ ແລະ ທົບທວນຄໍາຮ້ອງອຸທອນ.

Be the first to comment

Leave a Reply

Your email address will not be published.


*