ຍິງຊາວອາເມຣິກາ ນ້ຳຫນັກ 133 ກິໂລ ຄາດຕະກຳແຟນໂຕເອງດ້ວຍການນັ່ງທັບ

ເວັບໄຊ ເດິຊັນ ສື່ດັງຂອງອັງກິດລາຍງານ ໃນວັນທີ 4 ທັນວາ 2018 ວ່າ ນາງວິນດີ້ ໂທມັສ ຍິງຊາວອາເມຣິກາໄວ 44 ປີ ອາດຖືກໂທດຈໍາຄຸກສູງສຸດ 36 ປີ ຈາກຂໍ້ຫາຄາດຕະກໍາ ທ້າວຄີໂນ ບັດເລີຣ ແຟນໜຸ່ມ ດ້ວຍການທຸບຕີ ແລະ ນັ່ງທັບໄປເທິງຮ່າງ ເຊິ່ງວ່າ ນາງວິນດີ້ ມີນໍ້າໜັກໂຕຫຼາຍເຖິງ 133 ກິໂລກຼາມ ເຮັດໃຫ້ ທ້າວຄີໂນ ຂາດອາກາດຫາຍໃຈຈົນເສຍຊີວິດ


ໂດຍເຫດການເກີດຂື້ນທີ່ເຮືອນຂອງທັງຄູ່ ເຊິ່ງຕັ້ງຢູ່ໃນເມືອງອີຣີ ລັດເພນຊິລເວເນຍ ປະເທດສະຫະລັດອາເມຣິກາ ໃນວັນເກີດເຫດ ນາງວິນດີ້ ດື່ມເຫຼົ້າ ແລະ ກຽມອອກໄປຊື້ໂຄເຄນມາເສບ ຈຶ່ງໄດ້ຜິດຖຽງກັນຢ່າງຮຸນແຮງ ຈົນເຮັດໃຫ້ ນາງວິນດີ້ ທຸບຕີແຟນໜຸ່ມດ້ວຍຄວາມໂມໂຫ ລວມເຖິງການຈັບມີດແທງທີ່ມື ແລະ ເອົາຂາໂຕະຟາດ ຈາກນັ້ນໄດ້ນັ່ງທັບເທິງໜ້າເອິກ ທ້າວຄີໂນ ຈົນນິ້ງໄປ ເມື່ອໄດ້ສະຕິ ນາງລຸກຂື້ນມາເບິ່ງແຟນໜຸ່ມ ແຕ່ພົບວ່າເຂົາເສຍຊີວິດໄປແລ້ວ ກ່ອນນາງຈະໂທແຈ້ງຕໍາຫຼວດດ້ວຍຄວາມຕົກໃຈ ແລະ ກີດຮ້ອງບອກເຈົ້າໜ້າທີ່ວ່າເຂົາຫາກໍ່ຂ້າແຟນໜຸ່ມໄປ


ທັງນີ້ ຕໍາຫຼວດໄດ້ຈັບກຸມໂຕ ນາງວິນດີ້ ໃນຂໍ້ຫາຄາດຕະກໍາ ຜົນການຊັນນະສູດສົບຂອງ ທ້າວຄີໂນ ລະບຸວ່າ ຖືກກົດທັບດ້ວຍນໍ້າໜັກຈໍານວນຫຼາຍບໍລິເວນໜ້າເອິກ ຄໍ ແລະ ຫົວ ເຮັດໃຫ້ເກີດອາການບາດເຈັບຮຸນແຮງ ແລະ ຂາດອາກາດຫາຍໃຈຈົນເສຍຊີວິດ ຢ່າງໃດກໍ່ຕາມສານຕັດສິນວ່າ ນາງວິນດີ້ ມີຄວາມຜິດໃນຂໍ້ຫາຄາດຕະກໍາໂດຍບໍ່ເຈດຕະນາ ເພາະຄວາມໃຈຮ້າຍຊົ່ວວູບ ບໍ່ໄດ້ໄຕ່ຕອງໄວ້ກ່ອນ ແຕ່ເນື່ອງຈາກໃຫ້ຄໍາສາລະພາບສານຈຶ່ງຫຼຸດໂທດໃຫ້ເຄິ່ງໜຶ່ງ ຈາກເດີມມີໂທດຈໍາຄຸກ 20-40 ປີ ຫຼຸດເຫຼືອ 18-36 ປີ ເຊິ່ງຈະມີການພິຈາລະນາໂທດອີກຄັ້ງໃນວັນທີ່ 10 ທັນວານີ້

Be the first to comment

Leave a Reply

Your email address will not be published.


*