ພິທີເປີດໂຮງງານອຸປະກອນລະເບີດ ພົນລະເຮືອນລາວເລກ 2

ນສພ ກອງທັບລາຍງານໃຫ້ຮູ້ວ່າ ພິທີເປີດໂຮງງານອຸປະ ກອນລະເບີດພົນລະເຮືອນລາວ ເລກ 2 ບໍລິສັດລາວຢູນ ຈໍາກັດ, ທີ່ແຂວງຫຼວງພະບາງ ໄດ້ຈັດ ຂຶ້ນໃນວັນທີ 26 ພະຈິກ 2018, ໂດຍມີ ທ່ານ ພົນຕີ ແອສະໄໝ ເລືອງວັນໄຊ, ຮອງລັດຖະມົນຕີ ກະຊວງປ້ອງກັນປະເທດ, ທ່ານ ພັນທອງ ພິດທຸມມາ ຮອງລັດ ຖະມົນຕີ ກະຊວງອຸດສາຫະກໍາ ແລະ ການຄ້າ, ທ່ານ ພົນຈັດ ຕະວາ ບຸນຊູ ດວງຄໍາມີ ຫົວໜ້າ ການເມືອງກອງບັນຊາການທະຫານແຂວງຫຼວງພະບາງ, ພົນ ຈັດຕະວາ ກິລະກອນ ບຸນນະຜົນ ຫົວໜ້າກົມໃຫຍ່ເຕັກນິກກອງ ທັບ, ທ່ານ ລີວຢູນຊຽນ ປະທານ ກຸ່ມບໍລິສັດລະເບີດພົນລະເຮືອນ ມົນທົນຢູນນານ ສປ ຈີນ, ຄະນະ ກົມໃຫຍ່, ຄະນະກົມ ແລະ ບັນ ດາແຂກຖືກເຊີນເຂົ້າຮ່ວມ.

ພັນເອກ ນິກອນ ແກ້ວ ພັນໄຕ ຫົວໜ້າກົມອຸດສາຫະກໍາ, ກົມໃຫຍ່ເຕັກນິກກອງທັບ, ໄດ້ກ່າວວ່າ: ໂຮງງານລະເບີດ ຜົນລະເຮືອນແມ່ນມີພຽງແຕ່ ແຫ່ງດຽວ ຕັ້ງຢູ່ເມືອງແກ້ວອຸດົມ ແຂວງວຽງຈັນ, ຄວາມສາມາດ ໃນການຜະລິດລະເບີດສະໜອງ ໃຫ້ຕະຫຼາດຕົວຈິງໄດ້ປີໜຶ່ງ 8.000 ໂຕນ ບໍ່ພຽງພໍຕາມ ຄວາມຮຽກຮ້ອງຕ້ອງການຂອງ ຕະຫຼາດ, ເພື່ອເປັນການຕອບ ສະໜອງກັບຄວາມຕ້ອງການ ຂອງຕະຫຼາດ, ກະຊວງປ້ອງກັນ ປະເທດ ຈິ່ງເຫັນດີໃຫ້ສ້າງໂຮງ ງານອຸປະກອນລະເບີດພົນລະ ເຮືອນລາວ ເລກ 2 ຂອງບໍລິສັດ ລາວຢູນ ຈໍາກັດ ຂຶ້ນອີກ 1 ແຫ່ງ ຢູ່ທີ່ບ້ານຫ້ວຍແປນ ເມືອງປາກ ອູ ແຂວງຫຼວງພະບາງ, ສ້າງຂຶ້ນ ໂດຍການຮ່ວມມືຂອງສອງຊາດ ລາວ-ຈີນ ລະຫວ່າງກົມອຸດສາ ຫະກໍາປ້ອງກັນຊາດ ກົມໃຫຍ່ ເຕັກນິກກອງທັບ ແລະ ກຸ່ມບໍລິ ສັດລະເບີດພົນລະເຮືອນ ມົນທົນ ຢູນນານ ສປ ຈີນ, ເຊິ່ງເປັນບໍລິ ສັດດຽວ ທີ່ໄດ້ຮັບການອະນຸ ຍາດຈາກ ລັດຖະບານໃຫ້ທໍາ ການຜະລິດ ແລະ ຈໍາໜ່າຍ ທາດລະເບີດ, ອຸປະກອນລະເບີດ ພົນລະເຮືອນ ເພື່ອນໍາໃຊ້ພາຍໃນ ປະເທດ ແລະ ສົ່ງອອກ, ສະນັ້ນ ເພື່ອຕອບສະໜອງຕາມຄວາມ ຮຽກຮ້ອງຕ້ອງການຂອງຕະ ຫຼາດທີ່ນໍາໃຊ້ລະເບີດພົນລະ ເຮືອນ.

ການກໍ່ສ້າງໂຮງງານອຸປະ ກອນລະເບີດພົນລະເຮືອນລາວ ເລກ 2 ແມ່ນໄດ້ເລີ່ມຕົ້ນແຕ່ ເດືອນສິງຫາ 2016, ນໍາເອົາ ເຄື່ອງຈັກເຂົ້າມາຕິດຕັ້ງໃນວັນທີ 1 ພຶດສະພາ 2018 ຮອດວັນທີ 24 ຕຸລາ 2018 ໂຮງງານໄດ້ ກໍ່ສ້າງ ແລະ ຕິດຕັ້ງເຄື່ອງຈັກອຸດ ສາຫະກໍາການຜະລິດໄດ້ສໍາເລັດ ຕາມການອອກແບບທີ່ໄດ້ກໍານົດ ໄວ້, ດ້ວຍທຶນ 12 ລ້ານໂດລາ ສະຫະລັດ, ໂຮງງານອຸປະກອນ ລະເບີດພົນລະເຮືອນລາວ ເລກ 2 ນີ້, ໄດ້ນໍາໃຊ້ເຕັກໂນໂລຢີທີ່ ທັນສະໄໝຂອງ ສປ ຈີນ, ຮັບປະ ກັນທາງດ້ານປະລິມານ ແລະ ຄຸນນະພາບສາມາດຜະລິດລະ ເບີດໄດ້ 20 ພັນໂຕນຕໍ່ປີ.

ໂດຍ: ຄໍາສຸກ ວິໄລວົງ

Be the first to comment

Leave a Reply

Your email address will not be published.


*