ເບິ່ງສະຖິຕິທິມຊາດລາວ ພົບ ທິມຊາດມຽນມາ ກ່ອນວັດກັນໃນຄໍ່າຄືນນີ້ AFF Suzuki Cup 2018 ເວລາ 19:30 ນາທີ ແຂ່ງຂັນຢູ່ສະໜາມກິລາແຫ່ງຊາດຫຼັກ16.

ຕາມການບັນທຶກຂອງສະຫະພັນບານເຕະນາໆຊາດ ຫລື FIFA ທິມຊາດລາວພົບກັບທິມຊາດມຽນມາ 16 ຄັ້ງ, ມຽນມາເປັນຝ່າຍເຮັດໄດ້ດີກວ່າ ຊະນະ 13 ສະເໝີ 3 ມຽນມາຍິງໄດ້ 50 ປະຕູ, ລາວຍິງໄດ້ 8 ປະຕູ. ຫລ້າສຸດພົບກັນລາຍການບານໂລກ 2018 ຮອບຄັດເລືອກ 2 ນັດ, ສະເໝີກັນ 2-2 ທີ່ນະຄອນຫລວງວຽງຈັນ ແລະ ມຽນມາຊະນະ 3-1 ຢູ່ບາງກອກ ປະເທດໄທ.

ພົບກັນໃນການຊິງແຊ້ມອາຊຽນ ຫລື AFF Suzuki Cup 4 ຄັ້ງ, ມຽນມາ ຊະນະ 3 ສະເໝີ 1 ຫລ້າສຸດພົບກັນໃນຮອບຄັດເລືອກ ເມື່ອປີ 2014 ເປັນມຽນມາ ເປີດບ້ານຊະນະ ທິມຊາດລາວ 2-1. ຜົນງານດີສຸດຂອງມຽນມາໃນລາຍການນີ້ ສາມາດເຂົ້າເຖິງຮອບຮອງຊະນະເລີດໃນປີ 2004 ແລະ 2016 ມຽນມາເປັນທິມເກົ່າແກ່ ມີປະຫວັດຜົນງານເຄີຍເປັນຮອງແຊ້ມອາຊີ ປີ 1968, ໄດ້ຫລຽນຄຳເອຊຽນເກມ 1966 ແລະ 1970, ຫລຽນຄຳຊີເກມ 5 ສະໄຫມ.

ສ່ວນທິມຊາດລາວ ບໍ່ເຄີຍຜ່ານເຂົ້າເຖິງຮອບ 4 ທິມສຸດທ້າຍເໝືອນກັບກຳປູເຈຍ, ບຣູໄນ ແລະ ຕີມໍເລັສເຕ້. ຂໍເຊີນຊວນທຸກທ່ານຮ່ວມຊົມ ຮ່ວມເຊຍ ແລະ ສົ່ງກຳລັງໃຈໃຫ້ນັກກິລາລາວໃນການແຂ່ງຂັນຄັ້ງນີ້ ເວລາ 19:30 ທີ່ສະໜາມກິລາແຫ່ງຊາດ ຫລັກ 16 ບັດເຂົ້າຊົມ 10,000 ແລະ 20,000 ກີບ, ມີຂາຍໜ້າສະໜາມ.

Info: ຂ່າວກີລາ Lao National TV
Photo: ສະຫະພັນບານເຕະແຫ່ງຊາດລາວ Lao Football Federation

ใส่ความเห็น

อีเมลของคุณจะไม่แสดงให้คนอื่นเห็น ช่องข้อมูลจำเป็นถูกทำเครื่องหมาย *