“BMW” ເຜີຍກໍາໄລໄຕມາດ 3 ຫຼຸດລົງ 27 % ເຫດລາຄາຊິ້ນສ່ວນສູງ ຈາກສົງຄາມການຄ້າ

ສໍານັກຂ່າວຣອຍເຕີລາຍງານວ່າ ຜູ້ຜະລິດລົດຍົນບີເອັມດັບເບິນຢູ (BMW) ເປີດເຜີຍວ່າ ກໍາໄລຈາກການດໍາເນີນງານໄຕມາດ 3 ຫຼຸດລົງກວ່າ 27 % ເເຕະທີ່ 1,75 ພັນລ້ານຢູໂຣ ຫຼື ປະມານ 2 ພັນລ້ານໂດລາ ພາຍຫຼັງປະກາດດັ່ງກ່າວຫຸ້ນຂອງ “BMW” ຕົກກວ່າ 2.6 % ໃນຕະຫຼາດແຟຣງເຟິຣດ

ກ່ອນໜ້ານີ້ນັກວິເຄາະຄາດການວ່າ ລາຍໄດ້ສະເລ່ຍກ່ອນຈ່າຍດອກເບ້ຍ ແລະ ພາສີຂອງບໍລິສັດຢູ່ທີ່ 1,795 ພັນລ້ານຢູໂຣ

ບໍລິສັດກ່າວວ່າ ແມ່ນວ່າການສົ່ງມອບລົດຍົນຫລູຈະເພີ່ມຂື້ນເລັກໜ້ອຍ ແຕ່ຜົນການດໍາເນີນງານຂອງຍອດຂາຍໝວດຍານຍົນຫຼຸດລົງເຫຼືອ 4.4% ຈາກລະດັບ 8.6% ໃນປີກ່ອນໜ້ານີ້ເຊິ່ງຕໍ່າກວ່າເປົ້າໝາຍທີ່ກໍານົດໄວ້ 8-10%

ນອກຈາກນີ້ລາຍໄດ້ຂອງບໍລິສັດຍັງຖືກກົດດັນຈາກຄ່າວັດຖຸດິບທີ່ສູງຂື້ນ ສະກຸນເງິນທີ່ເພີ່ມຂື້ນ ການຮັບປະກັນພາສີລະຫວ່າງຈີນ ແລະ ສະຫະລັດອາເມຣິກາ ລວມເຖິງສົງຄາມລາຄາໃນຢູໂຣບ

ຢ່າງໃດກໍ່ຕາມ BMW ຈັດຕັ້ງກຸ່ມເທັກໂນໂລຢີຮ່ວມກັບຜູ້ຜະລິດແບັດເຕີລີ່ຈາກສະວີເດນ “Northvolt” ແລະ “Umicore” ຂອງເບລຢ້ຽມເພື່ອພັດທະນາຫວ່ງໂຊ້ສໍາລັບເຊລລແບດເຕີລີ່ໃນຢູໂຣບລວມເຖິງການພັດທະນາຜະລິດ ແລະ ການຣີໄຊເຄິລ

“ເມື່ອທຽບກັບປີ 2017 ຄ່າໃຊ້ຈ່າຍລ່ວງໜ້າທີ່ເພີ່ມຂື້ນປະມານ 1 ພັນລ້ານຢູໂຣສໍາລັບຄວາມຄ່ອງຕົວໃນອານາຄົດ ແລະ ຜົນກະທົບຈາກອັດຕາແລກປ່ຽນ ແລະ ການປ່ຽນແປງດ້ານລາຄາວັດຖຸດິບເຊິ່ງມີມູນຄ່າສູງກວ່າ 3 ພັນລ້ານຢູໂຣໄດ້ຮັບການຄາດການໄວ້ວ່າເປັນຜົນກໍາໄລໃນປີນີ້” ບໍລິສັດກ່າວ

Be the first to comment

Leave a Reply

Your email address will not be published.


*