ເຮືອບັນທຸກນ້ຳມັນ ຕຳກັບເຮືອຮົບນໍເວ

ສຳນັກຂ່າວຕ່າງປະເທດລາຍງານຈາກປະເທດນໍເວເມື່ອວັນທີ່ 8 ພະຈິກ 2018 ວ່າ ທ່ານເບນ ວິໂຄຣເຣນ ຫົວຫນ້າສູນປະສານງານຮ່ວມກູ້ໄພພາກໃຕ້ຂອງນໍເວເປີດເຜີຍວ່າ ເກີດອຸບັດຕິເຫດເຮືອບັນທຸກນ້ຳມັນໂຊລາທີເອສ ຕຳກັບເຮືອຮົບຂອງກອງທັບເຮືອນໍເວເຊິ່ງເປັນເຮືອຟຣີເກດ ເຄເອັນເອັມ ເຣລຈີ ອິງສະຕັດ ໃກ້ກັບແຄມຝັ່ງທາງຕະເວັນຕົກຂອງນໍເວເມື່ອວັນພະຫັດທີ່ 8 ພະຈິກເຖິງ ແມ່ນວ່າຈະບໍ່ມີນ້ຳມັນຮົ່ວໄຫຼອອກມາ ແລະເຮືອບັນທຸກນ້ຳມັນໂຊລາ ທີເອສ ກໍ່ຕ້ອງກັບເຂົ້າທ່າເພື່ອກວດສອບ


ກ່ອນຫນ້າທີ່ຈະເກີດການຕຳກັນຂື້ນນັ້ນ ເຮືອບັນທຸກນ້ຳມັນໂຊລາ ທີເອສ ຫາກໍ່ຈະອອກຈາກສະຖານີຂົນສົ່ງນ້ຳມັນຂອງເອຄິນໍຣ ສະຕູເຣ ພ້ອມກັບນ້ຳມັນດິບ ເຮັດໃຫ້ສະຖານີຂົນສົ່ງນ້ຳມັນຕ້ອງປິດໃຫ້ບໍລິການຊົ່ວຄາວຕາມມາດຕະການຄວາມປອດໄພ ມີລາຍງານຜູ້ບາດເຈັບເລັກຫນ້ອຍ 8 ຄົນ


ສະຖານີຂົນສົ່ງນ້ຳມັນສະຕູເຣຈະຮັບນ້ຳມັນທີ່ສົ່ງມາທາງທໍ່ສົ່ງນ້ຳມັນຈາກແຫຼ່ງນ້ຳມັນໃນທະເລເຫນືອ ຈາກນັ້ນກໍ່ຈະສົ່ງຕໍ່ໄປຍັງຕະຫລາດໂລກໂດຍໃຊ້ເຮືອບັນທຸກນ້ຳມັນ


ເຮືອຟຣີເກດເຄເອັນເອັມ ເຣລຈີ ອິງສະຕັດ ມີນ້ຳເຂົ້າເຮືອແລະສ່ຽງທີ່ຈະຈົມ ແຕ່ລູກເຮືອທັງຫມົດ 137 ຄົນ ອົບພະຍົກອອກມາແລ້ວ ຫຼັງເຂົ້າຮ່ວມພາລະກິດຊ້ອມຮົບກັບກອງກຳລັງນາໂຕ (ອົງການສົນທິສັນຍາແອດແລນຕິດເຫນືອ) ໃນພາລະກິດປົກປ້ອງປະເທດນໍເວ

Be the first to comment

Leave a Reply

Your email address will not be published.


*