ເຟຊບຸ໊ກ ເປີດໂຕບໍລິການຫາຄູ່ໃນປະເທດໄທ

ເມື່ອວັນທີ່ 8 ພະຈິກ 2018 ຜູ້ສື່ຂ່າວລາຍງານວ່າ ເຟຊບຸ໊ກ ປະກາດເປີດຕົວບໍລິການ ຫຼື ຟີເຈີໃໝ່ ຫາຄູ່ Facebook Dating ສໍາລັບຜູ້ຕ້ອງການຫາຄູ່ໃນປະເທດໄທ ຢ່າງເປັນທາງການ

ສໍາລັບປະເທດໄທຖືເປັນເທດທໍາອິດໃນພາກພື້ນເອເຊຍ ແລະ ເປັນປະເທດທີ່ 2 ໃນໂລກ ກັບການເປີດບໍລິການຫາຄູ່ໂດຍປະເທດທໍາອິດທີ່ມີບໍລິການຄື ໂຄລົມເບຍ ເປີດໃຫ້ບໍລິການເມື່ອເດືອນ ກັນຍາ 2018 ທີ່ຜ່ານມາ

ຜູ້ສື່ຂ່າວລາຍງານເພີ່ມເຕີມວ່າ ເບື້ອງຕົ້ນຟີເຈີຫາຄູ່ຈະເປີດໃຫ້ຜູ້ໃຊ້ງານສາມາດຈັບຄູ່ກັບຜູ້ໃຊ້ງານທີ່ມີຄວາມສົນໃຈຄ້າຍກັນໃນເຟສບຸ໊ກ ຜ່ານໜ້າໂປຣໄຟເດທຕິ້ງເຊິ່ງຢູ່ໃນແອັບເຟສບຸ໊ກ ແລະ ເລືອກເບິ່ງຂໍ້ມູນໂປຣໄຟ ເປັນຕົ້ນ

ທັງນີ້ ສາເຫດທີ່ເປີດຕົວໃນປະເທດໄທ ເພາະໂຊຊ້ຽວມີເດຍໄດ້ຮັບຄວາມນິຍົມ ມີຜູ້ໃຊ້ເຟສບຸ໊ກຈໍານວນຫຼາຍ ແລະ ລະບຸສະຖານະໂສດຈໍານວນຫຼາຍ.

ใส่ความเห็น

อีเมลของคุณจะไม่แสดงให้คนอื่นเห็น ช่องข้อมูลจำเป็นถูกทำเครื่องหมาย *