ເກົາຫຼີໃຕ້ ລົງທືນພັດທະນາລະບົບຄົມມະນາຄົມ ເຊື່ອມລະຫວ່າງເກົາຫຼີໃຕ້ກັບເກົາຫຼີເໜືອ

ສໍານັກຂ່າວຕ່າງປະເທດລາຍງານຈາກນະຄອນໂຊລ ປະເທດເກົາຫຼີໃຕ້ ເມື່ອວັນທີ່ 8 ພະຈິກ 2018 ວ່າ ໂດຍອ້າງຂໍ້ມູນຈາກແຫຼງຂ່າວ ວ່າກະຊວງລວມຊາດຂອງເກົາຫຼີໃຕ້ມີແຜນໃຊ້ງົບປະມານມູນຄ່າ 295,100 ລ້ານວອນ (ປະມານ 260 ລ້ານໂດລາ) ສໍາລັບໂຄງການພັດທະນາລະບົບໂຄງສ້າງພື້ນຖານດ້ານຄົມມະນາຄົມທັງເສັ້ນທາງລົດໄຟ ແລະ ຖະໜົນຫຼວງ ເຊື່ອມລະຫວ່າງເກົາຫຼີໃຕ້ກັບເກົາຫຼີເໜືອ ໂດຍແຜນການໃຊ້ງົບປະມານຈະແບ່ງເປັນການໃຫ້ລ້າປະມານ 186,400 ລ້ານວອນ (ປະມານ 160 ລ້ານໂດລາ) ແລະ ອີກ 108,700 ລ້ານວອນ(ປະມານ 100 ລ້ານໂດລາ) ເປັນສິນເຊື່ອດອກເບ້ຍຕໍ່າ


ຄວາມເຄື່ອນໄຫວດັ່ງກ່າວເປັນໄປຕາມຜົນການຫາລືລະຫວ່າງເຈົ້າໜ້າທີ່ລະດັບສູງຂອງເກົາຫຼີເໜືອ ແລະ ເກົາຫຼີໃຕ້ ທີ່ໝູ່ບ້ານປັນມຸນຈອມ ເມື່ອກາງເດືອນຕຸລາ ທີ່ຜ່ານມາ ໂດຍເບື້ອງຕົ້ນມີການປະເມີນວ່າໂຄງການດັ່ງກ່າວຈະເປັນການຟື້ນຟູເສັ້ນທາງຄົມມະນາຄົມທີ່ຕັດຂາດໄປຕັ້ງແຕ່ສະໄໝສົງຄາມເກົາຫຼີລະຫວ່າງ 1925 -1928 ໜ້າຈະເລີ່ມຂື້ນຢ່າງເປັນທາງການຊ່ວງທ້າຍເດືອນພະຈິກ ຫຼື ຕົ້ນເດືອນທັນວານີ້ ແມ່ນວ່າເປັນສັນຍານທີ່ດີ ລ່າສຸດຄວາມພະຍາຍາມຟື້ນຟູຄວາມສໍາພັນລະຫວ່າງສອງປະເທດ ຢ່າງໃດກໍ່ຕາມ ພັກຝ່າຍຄັດຄ້ານເກົາຫຼີໃຕ້ຕັ້ງຂໍ້ສັງເກດວ່າ ລັດຖະບານໂຊລຂອງປະທານາທິບໍດີມຸນ ແຈ-ອິນ ກໍາລັງລະເມີດມາດຕາການຂວໍ້າບາດຂອງຄະນະມົນຕີຄວາມໝັ້ນຄົງແຫ່ງສະຫະປະຊາຊາດ (ຢູເອັນເອສຊີ) ຫຼືບໍ່


ຂະນະດຽວກັນ ທ່ານນາງ ຄັງ ຄະຢອງ-ຮວາ ລັດຖະມົນຕີວ່າກະຊວງການຕ່າງປະເທດເກົາຫຼີໃຕ້ ກ່າວວ່າການທີ່ກໍານົດການພົບຫາລືລະຫວ່າງ ທ່ານ ໄມ ປອມແປໂອ ລັດຖະມົນຕີວ່າກະຊວງການຕ່າງປະເທດສະຫະລັດ ກັບເຈົ້າໜ້າທີ່ລະດັບສູງຂອງເກົາຫຼີເໜືອ ເຊິ່ງເດີມທີ່ຈະຕ້ອງມີຂື້ນໃນນະຄອນນິວຢອກ ໃນວັນພະຫັດທີ່ 8 ພະຈິກ ນີ້ຕາມເວລາທ້ອງຖິ່ນ ມີອັນຕ້ອງເລື່ອນອອກໄປກ່ອນ “ຕາມຄໍາຂໍ” ຂອງລັດຖະບານປຽງຢາງ ທັງນີ້ ທ່ານນາງຄັງບໍ່ໄດ້ໃຫ້ຂໍ້ມູນກ່ຽວກັບ “ເຫດຜົນ” ຂອງເກົາຫຼີເໜືອໃນການເລື່ອນການປະຊຸມຄັ້ງນີ້ ແຕ່ລັດຖະບານປຽງຢາງປະກາດເມື່ອອາທິດຜ່ານມາວ່າ ພ້ອມຮື້ຟື້ນໂຄງການພັດທະນາອາວຸດຫາກສະຫະລັດບໍ່ຜ່ອນຄາຍມາດຕາການຂວໍ້າບາດ.

 

Be the first to comment

Leave a Reply

Your email address will not be published.


*