ສະຖານເອກອັກຄະຣາຊະທູດໄທປະຈຳລາວ ຊີ້ແຈງ ໃບຂັບຂີ່ລາວ-ໄທສາມາດໃຊ້ລະຫວ່າງກັນໄດ້ ແຕ່ຕ້ອງມີເອກະສານແປເປັນພາສາອັງກິດປະກອບນຳ

ປະກາດສະຖານເອກອັກຄະຣາຊະທູດແຫ່ງຮາຊະອານາຈັກໄທ
ທີ 29001/21

ເລື່ອງ: ການໃຊ້ໃບຂັບຂີ່ ສປປ ລາວ ໃນປະເທດໄທ

ຕາມທີ່ປະກົດເປັນຂ່າວໃນສື່ອອນລາຍວ່າ ໃບຂັບຂີ່ ສປປ ລາວ ໃຊ້ໃນປະເທດໄທພຽງແຕ່ເຂດຈັງຫວັດອຸດອນທານີ ນັ້ນ ສະຖານເອກອັກຄະຣາຊະທູດ ຂໍຮຽນດັ່ງນີ້:
1. ໃບຂັບຂີ່ໃນຮູບແບບ Smart Card ຂອງຣາຊະອານາຈັກໄທ ແລະ ສປປ ລາວ ສາມາດໃຊ້ໄດ້ລະຫວ່າງກັນ ຕາມຄວາມຕົກລົງ The Recognition of Domestic Driving License Issued by ASEAN Countries 1985 ແລະ ຂໍ້ຕົກລົງກຳໜົດລາຍລະອຽດ ການຂົນສົ່ງທາງບົກລະຫວ່າງລັດຖະບານແຫ່ງຣາຊະອານາຈັກໄທ ແລະ ລັດຖະບານແຫ່ງ ສປປ ລາວ ປີ ພ.ສ. 2544 ເຊິ່ງປະກອບດ້ວຍຄວາມຕົກລົງວ່າດ້ວຍການຂົນສົ່ງທາງບົກ ລະຫວ່າງລັດຖະບານແຫ່ງຣາຊະອານາຈັກໄທ ແລະ ລັດຖະບານແຫ່ງ ສປປ ລາວ ປີ ພ.ສ. 2542.

2. ເຖິງແມ່ນວ່າຄວາມຕົກລົງດັ່ງກ່າວ ທີ່ທັງສອງປະເທດໄດ້ລະບຸວ່າ ໃນກໍລະນີທີ່ໃບຂັບຂີ່ທີ່ບໍ່ໄດ້ອອກເປັນພາສາອັງກິດຕ້ອງມີເອກະສານການແປເປັນພາສາອັງກິດທີ່ໄດ້ຮັບການຮັບຮອງນິຕິກອນ (ຮັບຮອງຄວາມຖືກຕ້ອງຂອງເອກະສານ) ປະກອບສະເໝີ ຈຶ່ງສາມາດໃຊ້ໃນປະເທດອື່ນໄດ້.

3. ໂດຍທີ່ໃບຂັບຂີ່ຂອງ ສປປ ລາວ ອອກເປັນພາສາລາວ ແລະ ພາສາຝຮັ່ງຈຶ່ງອາດຕ້ອງໄດ້ຮັບການແປເປັນພາສາອັງກິດ ແລະ ຮັບຮອງນິຕິກອນກ່ອນ ຈຶ່ງສາມາດໃຊ້ໃນປະເທດໄທ ແລະ ປະເທດອື່ນໆໃນອາຊ້ຽນໄດ້.
ຈຶ່ງແຈ້ງມາເພື່ອຊາບໂດຍທົ່ວກັນ

ນະຄອນຫຼວງວຽງຈັນ ວັນທີ 9 ພະຈິກ 2018

Be the first to comment

Leave a Reply

Your email address will not be published.


*