ຢຶດສັດປ່າ, ຊາກສັດປ່າ ພ້ອມເຄື່ອງປ່າຂອງດົງ ທີ່ພວມຈະລຳລຽງອອກນອກປະເທດ

ນສພ ສະຫວັນພັດທະນາລາຍງານໃຫ້ຮູ້ວ່າ: ໃນວັນທີ 5 ພະຈິກ 2018 ເຈົ້າໜ້າທີ່ກອງກວດກາປ່າໄມ້ ແຂວງສະຫວັນນະເຂດ ໄດ້ ກວດຢຶດສັດປ່າ, ຊາກສັດປ່າ ພ້ອມດ້ວຍເຄື່ອງປ່າຂອງດົງ ຈຳນວນຫຼາຍລາຍການ ແລະ ລົດກະບະຟອດແລນເຈີ້ (ສີ ຂາວ) ໝາຍເລກທະບຽນ 34G -14226 ທີ່ໃຊ້ເປັນພາຫະນະ, ເຊິ່ງຂັບຂີ່ໂດຍທ້າວ ຫງວຽນ ແທັງຈຸງ ເປັນຄົນສັນຊາດ ຫວຽດນາມ ໂດຍສາມາດຢຶດ ໄດ້ຢູ່ບໍລິເວນທາງເລກ 9 (ເຂດ ເມືອງເຊໂປນ) ຕາມການສັນ ນິຖານເບື້ອງຕົ້ນເຄື່ອງດັ່ງກ່າວ ຄາດວ່າໄດ້ມີການເກັບຊື້ຢູ່ເຂດ ເມືອງພີນ.


ທ່ານ ສີພາວັນ ໄຊສີ ຮອງ ຫົວໜ້າກອງກວດກາປ່າໄມ້ ແຂວງ ໄດ້ຊີ້ແຈງໃຫ້ນັກຂ່າວ ພວກເຮົາຮູ້ວ່າ: ໃນການປະຕິ ບັດການຢຶດສັດປ່າ, ຊາກສັດ ປ່າ ແລະເຄື່ອງປ່າຂອງດົງຄັ້ງ ນີ້ປະກອບມີ: ຂີ້ຊີຈຳນວນ 5 ສອບ, ນ້ຳໜັກ 197 ກິໂລ, ໜໍ່ ໄມ້ແຫ້ງ ຈຳນວນ 1 ກະສອບ, ໜັກ 8 ກິໂລ, ດອກເຜິ້ງ 1 ກະ ສອບ, ໜັກ 5 ກິໂລ. ນອກນັ້ນ ກໍ່ມີຊາກໝູປ່າຈຳນວນ 1 ໂຕ, ໜັກ 35 ກິໂລ, ຊາກເໝັ້ນ 1 ໂຕ, ໜັກ 10 ກິໂລ, ຊາກເຫງັນ 2 ໂຕ, ໜັກ 10 ກິໂລ, ຈາກນັ້ນ ກໍ່ ຍັງມີສັດທີ່ຍັງມີຊີວິດຄື: ເຫງັນ ຈຳ ນວນ 3 ໂຕ, ໜັກ 9 ກິໂລ, ງູ ສິງ ຈຳນວນ 2 ຖົງ, ໜັກ 13 ກິ ໂລ, ເຕົ່າ ແລະແລນຢ່າງລະ1ໂຕ ໂດຍທາງເຈົ້າໜ້າທີ່ໄດ້ຢຶດໄວ້ ພ້ອມທັງສອບຖາມຄົນຂັບລົດ ວ່າ: ສັດຈຳນວນດັ່ງກ່າວໄດ້ ມີ ຄົນຝາກເມືອປະເທດຫວຽດ ນາມ ໂດຍທີ່ເຈົ້າຂອງລົດບໍ່ຮູ້ວ່າ ແມ່ນຫຍັງ. ແຕ່ເຈົ້າໜ້າທີ່ບໍ່ຍັງ ບໍ່ທັນເຊື່ອຄຳໃຫ້ການຂອງຜູ້ ກ່ຽວພ້ອມທັງຍັງຈະຊອກຫາ ຕົ້ນຕໍເຈົ້າຂອງເຄື່ອງດັ່ງກ່າວ ເພື່ອມາລົງໂທດ.


ຈາກນັ້ນ, ມາໃນຕອນບ່າຍ ຂອງວັນທີ 6 ພະຈິກ ທາງເຈົ້າ ໜ້າທີ່ກອງກວດກາປ່າໄມ້ ແຂວງ ກໍ່ໄດ້ນຳຊາກສັດທີ່ຢຶດ ໄດ້ໄປທຳລາຍຖິ້ມ. ເຊິ່ງໃນການ ທຳລາຍຄັ້ງນີ້ໂດຍມີທ່ານ ຄຳ ລຸຍ ຍາດຕິວົງ ຫົວໜ້າພະແນກ ກະສິກຳ-ປ່າໄມ້ແຂວງ ພ້ອມ ດ້ວຍທ່ານຫົວໜ້າຂະແໜງປ່າ ໄມ້, ຂະແໜງລ້ຽງສັດ-ສັດຕະ ວະແພດ, ຄະນະກອງກວດກາ ປ່າໄມ້ທີ່ຂຶ້ນກັບພະແນກ ກໍ່ໄດ້ ເຂົ້າຮ່ວມເປັນສັກຂີພະຍານໃນຄັ້ງນີ້ດ້ວຍ. ສຳລັບສັດທີ່ມີຊີວິດ ທາງເຈົ້າໜ້າທີ່ຈະໄດ້ຟື້ນຟູເພື່ອ ໃຫ້ສັດແຂງແຮງແລ້ວຈຶ່ງນຳ ໄປປ່ອຍຄືນສູ່ທຳມະຊາດ.


ຂ່າວ: ລຳເງິນ ອາດສະດາຈັນ

Be the first to comment

Leave a Reply

Your email address will not be published.


*