ຮອງ ລັດຖະມົນຕີກະຊວງປ້ອງກັນປະເທດລາວ ຕ້ອນຮັບຄະນະຜູ້ແທນກົມໃຫຍ່ພະລາທິການກອງທັບປະຊາຊົນ ຫວຽດນາມ

ນສພ ກອງທັບ ລາຍງານໃຫ້ຮູ້ວ່າ ໃນວັນທີ 5 ພະຈິກ 2018 ນີ້, ສະຫາຍ ພົນຕີ ພູວົງ ວົງພົມ ຮອງ ລັດຖະມົນຕີກະຊວງປ້ອງກັນປະ ເທດ ໃຫ້ກຽດຕ້ອນຮັບສະຫາຍ ພົນຈັດຕະວາ ເຈີ່ນ ຢຸຍ ຢາງ ຫົວ ໜ້າກົມໃຫຍ່ພະລາທິການກອງ ທັບປະຊາຊົນຫວຽດນາມ ພ້ອມ ດ້ວຍຄະນະໃນໂອກາດເດີນທາງ ມາຢ້ຽມຢາມ ແລະ ເຮັດວຽກຢູ່ ສປປ ລາວ ແຕ່ວັນທີ 5-8 ພະ ຈິກ 2018.

ສະຫາຍຮອງລັດຖະມົນຕີກະ ຊວງປ້ອງກັນເທດໄດ້ສະແດງ ການຕ້ອນຮັບອັນອົບອຸ່ນ ແລະ ເຕັມໄປດ້ວຍໄມຕີຈິດມິດຕະພາບ ອັນດູູດດື່ມ, ສະນິດແໜ້ນຕໍ່ສະ ຫາຍຫົວຫນ້າກົມໃຫຍ່ພະລາທິ ການກອງທັບປະຊາຊົນຫວຽດ ນາມທີ່ເດີນທາງມາຢ້ຽມຢາມ ແລະ ເຮັດວຽກຢູ່ ສປປ ລາວ, ເປັນການເສີມສ້າງຄວາມສາມັກ ຄີມິດຕະພາບລະຫວ່າງສອງ ຝ່າຍໃນວຽກງານພະລາທິການ ກອງທັບລາວ-ຫວຽດນາມເປັນ ການແລກປ່ຽນຂໍ້ມູນ, ຄວາມຮູ້ ທິດສະດີຫຼັການແບບແຜນວີທີ ເຮັດວຽກໃຫ້ມີຄວາມຮັບປະກັນ ວ່ອງໄວ, ຊັດເຈນ, ສາມາດຕອບ ສະໜອງໄດ້ຕາມຄວາມຮຽກ ຮ້ອງຕ້ອງການໃນໄລຍະໃໝ່.

ພ້ອມດຽວກັນນັ້ນ, ສະຫາຍ ຫົວໜ້າກົມໃຫຍ່ພະລາທິການ ກອງທັບປະຊາຊົນຫວຽດນາມ ກໍໄດ້ສະແດງຄວາມຂອບອົກ ຂອບໃຈຕໍ່ການຕ້ອນຮັບອັນອົບ ອຸ່ນຂອງສະຫາຍຮອງລັດຖະ ມົນຕີກະຊວງປ້ອງກັນປະເທດ ພ້ອມທັງຢືນຢັນວ່າຈະສຶບຕໍ່ຮ່ວມ ມືຮອບດ້ານກັບຂະແໜງການວິ ຊາວຽກງານພະລາທິການກອງ ທັບສອງປະເທດໃຫ້ເດີນແມ່ນ ແລ່ນສະດວກຂຶ້ນຕື່ມ, ບໍ່ວ່າຈະ ເປັນຂະແໜງການແພດ, ນໍ້າມັນ ເຊື້ອໄຟ, ຂົນສົ່ງ ແລະ ຂະແໜງ ການອື່ນທີ່ສອງຝ່າຍເຫັນດີຊ່ວຍ ເຫລືອເຊິ່ງກັນ ແລະ ກັນໃຫ້ນັບ ມືກ້າວສູ່ລວງເລີກຈະເລີນງອກ ງາມຍິ່ງໆຂຶ້ນ, ເປັນການເສີມ ສ້າງ ແລະ ຮັດແໜ້ນຄວາມສາ ມັກຄີພິເສດ ແລະ ການຮ່ວມມື ຮອບດ້ານລະຫວ່າງສອງຊາດ, ສອງພັກ, ສອງລັດກໍຄືສອງກອງ ທັບລາວ-ຫວຽດນາມໃຫ້ແໜ້ນ ແຟ້ນເພີ່ມທະວີຄູນຍິ່ງໆຂຶ້ນ.

Be the first to comment

Leave a Reply

Your email address will not be published.


*