“ຣັດເຊຍ-ຈີນ” ຈັບມືທາງດ້ານເສດຖະກິດຄາດມູນຄ່າການຄ້າສູງສູ່ລະດັບ 200,000 ລ້ານໂດລາສະຫະລັດ

ທ່ານ ດິມິທຣີ ເມດເວເດຟ ນາຍົກລັດຖະມົນຕີຣັດເຊຍ ເປີດເຜີຍຫຼັງການປະຊຸມລະດັບຜູ້ນໍາລະຫວ່າງຣັດເຊຍ ແລະ ຈີນ ຄັ້ງທີ່ 23 ທີ່ນະຄອນປັກກິ່ງ ປະເທດຈີນ ເມື່ອວັນທີ່ 7 ພະຈິກ 2018 ລະບຸວ່າມູນຄ່າການຄ້າລະຫວ່າງຣັດເຊຍ ແລະ ຈີນ ສາມາດພຸ່ງສູງຂື້ນໄດ້ເຖິງ 200,000 ລ້ານໂດລາສະຫະລັດ

ທ່ານ ເມດເວເດຟ ລະບຸວ່າຄວາມສໍາພັນລະຫວ່າງການຄ້າທະວິພາຄີຂອງຣັດເຊຍ ແລະ ຈີນນັ້ນກໍາລັງກ້າວໄປສູ່ມູນຄ່າລະດັບ 100,000 ລ້ານໂດລາສະຫະລັດ ໃນປີນີ້ ແລະ ມູນຄ່າການຄ້າໃນລະດັບ 200,000 ລ້ານໂດລາ ກໍ່ມີຄວາມເປັນໄປໄດ້

ທ່ານ ເມດເວເດຟ ເປີດເຜີຍອີກວ່າ ຜູ້ນໍາຈີນ ແລະ ຣັດເຊຍເຫັນດີເອກະພາບກັນທີ່ຈະສະໜັບສະໜູນທຸລະກິດຂະໜາດນ້ອຍພັດທະນາການຄ້າດ້ານອິເລັກໂທຣນິກ ລວມໄປເຖິງການພັດທະນາລະບົບຈ່າຍເງິນອິເລັກໂທຣນິກ ອີກນຳ ໂດຍຣັດເຊຍໃຫ້ຄໍາໝັ້ນວ່າຈະເຮັດວຽກຢ່າງຕໍ່ເນື່ອງ ເພື່ອຫຼຸດກໍາແພງພາສີໃນຫຼາຍມິຕິ.

Be the first to comment

Leave a Reply

Your email address will not be published.


*