ກອງບັນຊາການປ້ອງກັນເຄື່ອນທີ່ກະຊວງປ້ອງກັນຄວາມສະຫງົບຈັດຕັ້ງສະເຫຼີມສະຫຼອງວັນສ້າງຕັ້ງກຳລັງຂອງຕົນ ຄົບຮອບ 17 ປີ

ພິທີສວນສະໜາມເພື່ອເປັນ ການສະເຫຼີມສະຫຼອງວັນສ້າງ ຕັ້ງກອງບັນຊາການປ້ອງກັນ ເຄື່ອນທີ່ກະຊວງປ້ອງກັນຄວາມ ສະຫງົບໄດ້ຈັດຂຶ້ນໃນຕອນເຊົ້າ ຂອງວັນທີ 01 ພະຈິກ 2018 ນີ້ ໂດຍເປັນກຽດເຂົ້າຮ່ວມຂອງ ທ່ານ ພົນຕີ ສົມແກ້ວ ສີລາ ວົງ ເລຂາທິການສູນກາງພັກ ລັດຖະມົນຕີກະຊວງປ້ອງກັນ ຄວາມສະຫງົບ ມີບັນດາຜູ້ຕ່າງ ໜ້າຈາກກົມກອງອ້ອມຂ້າງກະ ຊວງປ້ອງກັນຄວາມສະຫງົບ ແລະ ພະນັກງານບຳນານອະດີດ ການນຳຈາກກອງບັນຊາການ ປ້ອງກັນເຄື່ອນທີ່ ແລະ ພະນັກ ງານ-ນັກຮົບພາຍໃນກົມກອງ ເຂົ້າຮ່ວມ.

ພິທີສວນສະໜາມໄດ້ເລີ່ມ ຈາກກ້ອນກຳລັງນາຍຕຳຫຼວດ ປະຈຳການ, ກ້ອນກອງພັນກຽດ ຕິຍົດສາຍກວດ, ກ້ອນກອງພັນ 133, ກ້ອນກອງພັນຕີພິເສດ ສາຍກວດ, ກ້ອນນາຍຕຳຫຼວດຍິງ, ກ້ອນການສະແດງມວຍວິ ຊາສະເພາະ 25 ຈັງຫວະ ແລະ 38 ຈັງຫວະ, ສະແດງມວຍເທ ຄອນໂດ ແລະ ສະແດງວິຊາສະ ເພາະການແກ້ໄຂນັກເລງກວນ ເມືອງອາລະວາດໃນຕົວເມືອງ ແລະ ວິທີຈັບກຸ່ມຄົນບໍ່ດີທີີ່ມີຕົວ ປະກັນ, ຊົມການສະແດງໂດດ ຕຶກ 5 ຊັ້ນຂອງກຳລັງຕີພິເສດ ທັງຍິງ ແລະ ຊາຍ, ຊົມການທົດ
ລອງຫຸ່ນຍົນເກັບກູ້ລະເບີດ ແລະ ຫຸ່ນຍົນຍິງທຳລາຍລະເບີດຂອງກົມວິທະຍາສາດ-ປະຫວັດສາດການທະຫານກະຊວງປ້ອງກັນ ປະເທດເຂົ້າສະແດງຮ່ວມໃນຄັ້ງ ນີ້ຕື່ມອີກ.

ໃນພິທີສະຫາຍພົນຈັດຕະວາ ຈັນສະແຫວງ ທິບຄູນທອງ ຄະ ນະພັກກະຊວງ ຫົວໜ້າກອງບັນ ຊາການປ້ອງກັນເຄື່ອນທີ່ໄດ້ຂຶ້ນ ສະຫຼຸບຜົນງານໂດຍຫຍໍ້ຂອງ ກຳລັງປ້ອງກັນເຄື່ອນທີ່ຄົບຮອບ 17 ປີຄືແຕ່ວັນທີ 27 ກຸມພາປີ 2007-27 ກຸມພາປີ 2018 ນີ້ ເຊິ່ງຕະຫຼອດໄລຍະ 17 ປີຜ່ານ ມາກຳລັງປ້ອງກັນເຄື່ອນທີ່ໄດ້ມີ ຜົນງານຫຼາຍດ້ານໂດຍພາຍໃຕ້ ການຊີ້ນຳໂດຍກົງຮອບດ້ານ ຂອງກະຊວງປ້ອງກັນຄວາມສະ ຫງົບໃນເມື່ອກ່ອນກອງດັ່ງກ່າວ ມີຊື່ວ່າກອງພັນ 208 ແລະ 209 ໄລຍະນັ້ນມີພຽງ 3 ຫ້ອງ ແລະ ວິຊາສະເພາະ ແລະ 4 ກອງຮ້ອຍ ຂຶ້ນກັບມີຈຳນວນພົນ 206 ສະ ຫາຍ, ຍິງ 17 ສະຫາຍ ໂດຍອີງ ຕາມຄວາມຮຽກຮ້ອງຕ້ອງການ ຂອງສັງຄົມ ແລະ ຕາມການເຕີບ ໃຫຍ່ຂະຫຍາຍຕົວຂອງພັກຂອງ ປະເທດຊາດ ກຳລັງປ້ອງກັນ ເຄື່ອນທີ່ມີຄວາມເຕີບໃຫຍ່ທັງປະ ລິມານ ແລະ ຄຸນະພາບກະຊວງ ປ້ອງກັນຄວາມສະຫງົບຈຶ່ງຕົກ ລົງປ່ຽນຈາກກອງພັນ 208 ມາ ເປັນກອງບັນຊາການປ້ອງກັນ ເຄື່ອນທີ່ແຕ່ວັນທີ 27/2/2007 ເຊິ່ງປັດຈຸບັນຄົບຮອບ 17 ປີ ເຊິ່ງໂຄງຮ່າງການຈັດຕັ້ງປັດຈຸ ບັນມີ 9 ກົມກອງຂຶ້ນກັບມີ 4 ຫ້ອງ ແລະ 3 ກອງພັນນ້ອຍຂຶ້ນ ກັບມີສູນເຝິກອົບຮົມວິຊາສະ ເພາະມີກອງຮ້ອຍສືບຂ່າວຂຶ້ນ ກັບສຳລັບທ້ອງຖິ່ນມີ 18 ກົມ ກອງຈັດໃຫ້ມີ 18 ກອງພັນຂຶ້ນ ກັບ.

ໃນຕອນທ້າຍພິທີທ່ານລັດຖະ ມົນຕີກະຊວງປ້ອງກັນຄວາມສະ ຫງົບກໍໄດ້ສະແດງຄວາມຊົມ ເຊີຍຕໍ່ການເຕີບໃຫຍ່ຂະຫຍາຍ ຕົວທາງປະລິມານ ແລະ ຄຸນະ ພາບຂອງກອງບັນຊາການປ້ອງ ກັນເຄື່ອນທີ່ໃນປັດຈຸບັນ ພ້ອມ ທັງຮຽກຮ້ອງໃຫ້ສືບຕໍ່ຮັກສາມູນ ເຊື້ອສິ່ງທີ່ດີ ແລະ ປັບປຸງບັນຫາ ຂອດອັດຕັນຕ່າງໆສຶກສາອົບຮົມ ການເມືອງແນວຄິດ, ປັບປຸງວິ ຊາສະເພາະໃຫ້ທັນສະໄໝເພື່ອ ທັນກັບສະພາບການໃນປັດຈຸບັນ ໃຫ້ມີຄວາມວ່ອງໄວຮັບປະກັນ.
ໂດຍ: ສອນໄຊ

ຂໍ້ມູນ: ນສພ ກອງທັບ

Be the first to comment

Leave a Reply

Your email address will not be published.


*