ປະທານປະເທດ ຢ້ຽມຢາມກອງພົນທີ 1

ວັນທີ 2 ພະຈິກນີ້, ສະຫາຍ ບຸນຍັງ ວໍລະຈິດ ເລຂາທິການ ໃຫຍ່ ຄະນະບໍລິຫານງານສູນ ກາງພັກ ປປ ລາວ, ປະທານປະ ເທດ ພ້ອມດ້ວຍຄະນະໄດ້ລົງ ເຄື່ອນໄຫວຢ້ຽມຢາມ ແລະ ພົບ
ປະໂອ້ລົມບັນດານາຍທະຫານ ກອງພົນທີ 1 ເນື່ອງໃນໂອກາດ ກະກຽມຂໍ່ານັບຮັບຕ້ອນ ແລະ ສະເຫຼີມສະຫຼອງວັນສ້າງຕັ້ງກອງ ທັບປະຊາຊົນລາວ ຄົບຮອບ 70 ປີ.

ກອງພົນທີ 1 ແມ່ນກຳລັງ ເຄື່ອນທີ່ຂອງກະຊວງປ້ອງກັນ ປະເທດ, ມີພາລະບົດບາດ, ໜ້າ ທີ່ປະສານສົມທົບກັບບັນດາກົມ ກອງເຄື່ອນໄຫວເຮັດໜ້າທີ່ປ້ອງ
ກັນຊາດ-ປ້ອງກັນຄວາມສະ ຫງົບຢູ່ບັນດາເຂດໃຈກາງ ທັງ ຫັນລົງກໍ່ສ້າງຮາກຖານການ ເມືອງ, ປັບປຸງກໍ່ສ້າງກຳລັງ ແລະ ເພີ່ມພູນຜະລິດຜົນກໍ່ສ້າງ ພະລາທິການກັບທີ່.
ໃນການພົບປະໂອ້ລົມຕໍ່ນາຍ ທະຫານກອງພົນດັ່ງກ່າວ, ສະ ຫາຍ ເລຂາທິການໃຫຍ່ ໄດ້ສະ ແດງຄວາມຍ້ອງຍໍຊົມເຊີຍຕໍ່ຜົນ ງານ ແລະ ໄຊຊະນະທີ່ກົມກອງ ຍາດມາໄດ້ໃນໄລຍະທີ່ຜ່ານມາ ພ້ອມທັງໄດ້ຮຽກຮ້ອງໃຫ້ບັນດາ ນາຍທະຫານ ຈົ່ງພ້ອມກັນເສີມ ຂະຫຍາຍທາດແທ້ມູນເຊື້ອອັນ ດີງາມຂອງກອງທັບປະຊາຊົນ ລາວ, ເຂົ້າໃນການເຄື່ອນໄຫວ ເຮັດວຽກງານປ້ອງກັນຊາດ- ປ້ອງກັນຄວາມສະຫງົບ,​ ປັບປຸງ ກໍ່ສ້າງກຳລັງ, ແກ້ໄຂຊີວິດການ ເປັນຢູ່, ເຮັດສຳເລັດໜ້າທີ່ການ ເມືອງທີ່ໄດ້ຮັບມອບໝາຍ ແລະ ເຮັດໃຫ້ກົມກອງມີຄວາມໜັກ ແໜ້ນ, ເຂັ້ມແຂງ ຂຶ້ນເປັນກ້າວໆ.

ສະຫາຍ ບຸນຍັງ ວໍລະຈິດ ຍັງ ຮຽກຮ້ອງໃຫ້ບັນດານາຍທະ ຫານໃນກອງພົນທີ 1 ພ້ອມກັນ ແຂ່ງຂັນສ້າງຂະບວນການດ້ານ ຕ່າງໆໃຫ້ຟົດຟື້ນແຂງແຮງ ແລະ ຕໍ່ເນື່ອງ ເພື່ອຂໍ່ານັບຮັບຕ້ອນວັນ ສ້າງຕັ້ງກອງທັບປະຊາຊົນລາວ ຄົບຮອບ 70 ທີ່ຈະມາເຖິງ

ພາບຂ່າວ: ນສພ ກອງທັບ Lao people’s Army News

Be the first to comment

Leave a Reply

Your email address will not be published.


*