ສຕລ ໃຈປ້ຳ ປະກາດອັດສີດເງີນ 200 ລ້ານກີບ ຫາກທີມຊາດລາວ ສາມາດ ຊະນະທີມຊາດ ຫວຽດນາມ ໃນນັດທຳອິດ ບານເຕະ AFF Suzuki cup

ສຕລ ໃນວັນທີ 5 ພະຈິກ 2018 ຢູ່ທີ່່ຫ້ອງປະຊຸມ ສະຫະພັນບານເຕະແຫ່ງຊາດລາວ , ທ່ານ ວີເພັດ ສີຫາຈັກຣ ປະທານ ສະຫະພັນບານເຕະແຫ່ງຊາດລາວ, ທ່ານ ຄຳໄພ່ ປຣະເສີດ ຮອງປະທານ ສະຫະພັນບານເຕະແຫ່ງຊາດລາວ, ທ່ານ ຄຳແພງ ວົງຂັນຕີ ຮອງປະທານ ສະຫະພັນບານເຕະແຫ່ງຊາດລາວ, ທ່ານ ປອ. ບຸນຍູ້ ສີສານ ຄະນະບໍລິຫານງານ ສະຫະພັນບານເຕະແຫ່ງຊາດລາວ ທັງເປັນຫົວຫນ້າຄະນະກຳມະການກົດຫມາຍ ສະຫະພັນບານເຕະແຫ່ງຊາດລາວ ໄດ້ໂອລົມໃຫ້ຄຳໂອວາດຕໍ່ຄະນະຄູຝຶກ ແລະ ນັກກິລາ ກິລາທີມຊາດກ່ອນເຂົ້າຮ່ວມການແຂ່ງຂັນບານເຕະ AFF SUZUKI CUP 2018.


ທ່ານ ວີເພັດ ສີຫາຈັກຣ ໄດ້ເຫນັ້ນຫນັກໃຫ້ນັກກິລາໃຫ້ມີຄວາມສາມັກຄີກັນ, ຕັ້ງໃຈຫລິ້ນໃຫ້ສຸດຄວາມສາມາດ ຕາງຫນ້າປະຊາຊົນລາວທັງປະເທດ, ຫລີກລ້ຽງທີ່ສຸດ ເລື່ອງລົ້ມບານ ແລະ ບໍ່ຊື່ສັດຕໍ່ທີມຊາດຂອງຕົນເອງ, ສຳລັບທີມຊາດລາວ ຖ້າຊະນະ ທາງ ສຕລ ໄດ້ອັດສີດເງິນ 200 ລ້ານກີບ ແລະ ຖ້າສະເຫມີ ແມ່ນອັດເງິນ 100 ລ້ານກີບ .

ການແຂ່ງຂັນ ທີມຊາດລາວ ໃນລາຍການແຂ່ງຂັນເຕະບານຊິງແຊ້ມອາຊຽນ ຫຼື AFF Suzuki Cup 2018 ຢູ່ກຸ່ມ ເອ ປະກອບມີ : ຫວຽດນາມ, ມາເລເຊຍ, ມຽນມາ ແລະ ກຳປູເຈຍ ເຊິ່ງໃນປີນີ້ທາງ ສະຫະພັນບານເຕະອາຊຽນ ແມ່ນໄດ້ນຳໃຊ້ລະບົບການແຂ່ງຂັນແບບໃຫມ່ ທີມຊາດລາວ ຈະໄດ້ເປັນເຈົ້າພາບ 2 ນັດໃນບ້ານ ແລະ ແຂ່ງຂັນນອກບ້ານ 2 ນັດ.
– ວັນພະຫັດ 08 ພະຈິກ 2018 ເວລາ 19:30 ທີມຊາດລາວ ພົບ ທີມຊາດຫວຽດນາມ ແຂ່ງຂັນຢູ່ທີ່ສະຫນາມກິລາແຫ່ງຊາດຫລັກ 16. ( ຖ່າຍທອດສົດ TVLAO HD )
– ວັນຈັນ 12 ພະຈິກ 2018 ເວລາ 19:45 ທີມຊາດມາເລເຊຍ ພົບ ທີມຊາດລາວ ແຂ່ງຂັນຢູ່ທີ່ສະຫນາມ Bukit Jalil National Stadium, Kuala Lumpur.


– ວັນສຸກ 16 ພະຈິກ 2018 ເວລາ 19:30 ທີມຊາດລາວ ພົບ ທີມຊາດມຽນມາ ແຂ່ງຂັນຢູ່ທີ່ສະຫນາມກິລາແຫ່ງຊາດຫລັກ 16. ( ຖ່າຍທອດສົດ TVLAO HD )
– ວັນອັງຄານ 20 ພະຈິກ 2018 ເວລາ 18:30 ທີມຊາດກຳປູເຈຍ ພົບ ທີມຊາດລາວ ແຂ່ງຂັນຢູ່ທີ່ສະຫນາມ National Olympic Stadium, Phnom Penh.


ສຳລັບປີ້ເຂົ້າຊົມ ນັດທີ່ ທີມຊາດລາວ ແຂ່ງຂັນຢູ່ບ້ານມີ:
– ປີ້ເຂົ້າຊົມລາຄາ 10.000 ກີບ
– ປີເຂົ້າຊົມລາຄາ 20.000 ກີບ

ແມ່ນສາມາດຊື້ໄດ້ຢູ່ທີ່ຫ້ອງການ ສະຫະພັນບານເຕະແຫ່ງຊາດລາວ ບ້ານຫ້ວຍຫົງ ແລະ ໃນມື້ທີ່ແຂ່ງຂັນເຊິ່ງມີຂາຍຢູ່ທີ່ຫນ້າສະຫນາມກິລາແຫ່ງຊາດຫລັກ 16.
ສອບຖາມຂໍ້ມູນເພີ້ມ: 021560821 ພະແນກການເງິນ ສະຫະພັນບານເຕະແຫ່ງຊາດລາວ.

ใส่ความเห็น

อีเมลของคุณจะไม่แสดงให้คนอื่นเห็น ช่องข้อมูลจำเป็นถูกทำเครื่องหมาย *