ສະປອນເຊີລາຍໃຫ່ຍພາກັນຈີກສັນຍາ ຫຼັງ “ຟ່ານ ປິງປິງ” ເຈິຄະດີໜີພາສີ ແລະຟອກເງິນ

ຟ່ານ ປິງປິງ ດາລາສາວຊື່ດັງທີ່ກາຍເປັນຂ່າວໂດງດັງໄປທົ່ວໂລກຫຼັງຖືກທາງການຈີນຈັບກຸມໂຕໃນຂໍ້ຫາຫຼີກລ່ຽງພາສີ ກໍາລັງປະເຊີນມໍລະສຸມຊີວິດຄັ້ງໃຫຍ່ ລ່າສຸດ ສື່ຊັ້ນນໍາຂອງອາເມຣິກາຢ່າງນິວຢອກທາມ ແລະ ສື່ຍັກໃຫຍ່ຂອງຮ່ອງກົງຢ່າງເຊົາໄຊນ່າ ມໍນິງ ໂພສ ລາຍງານວ່າ ສິນຄ້າແບນຫຼູລະດັບໂລກຫຼາຍແຫ່ງທີ່ເຄີຍໃຫ້ ຟ່ານ ປິງປິງ ເປັນພີເຊັນເຕີໂຄສະນາສິນຄ້າໃຫ້ ພາກັນຖອນໂຕຈາກດາລາສາວຜູ້ນີ້ ເນື່ອງຈາກບໍ່ຢາກສ້າງຄວາມຂຸ່ນເຄືອງໃຈໃຫ້ແກ່ລັດຖະບານປັກກິ່ງ ເພາະຈະພອຍເຮັດໃຫ້ທຸລະກິດແບຣນຫຼູຂອງບໍລິສັດໃນຕະຫຼາດຈີນເສຍຫາຍໄປນຳ

 

ແບຣນຫຼູທີ່ປະເດີມຍົກເລີກການເຮັດຂໍ້ຕົກລົງໃຫ້ ຟ່ານ ປິງປິງ ເປັນພີເຊັນເຕີລາຍທໍາອິດຄືມອງບລັງແບຣນບິກ ແລະ ເຄື່ອງປະດັບສັນຊາດເຢຍລະມັນ ທີ່ຈີກສັນຍາກັບດາລາສາວຊື່ດັງຂອງຈີນ ຕາມມາດ້ວຍເພິ ເບຍສ ບໍລິສັດເພັດຊັ້ນນໍາຂອງໂລກ ສັນຊາດອັງກິດ ເອົາພາບຂອງຟ່ານ ປິງປິງ ອອກຈາກເວັບໄຊເມື່ອອາທິດກ່ອນ ລວມທັງບໍ່ເຊີນ ຟ່ານ ປິງປິງ ໄປຮ່ວມເປີດຮ້ານໃໝ່ໃນຊີອານ

 

ນອກຈາກນີ້ ມີແບຣນເຄື່ອງສໍາອາງຫຼູ ອາຍຸ 190 ປີ ສັນຊາດຝຣັ່ງຢ່າງກອຣແລງ ທີ່ແຕ່ງຕັ້ງຟ່ານ ປິງປິງ ເປັນໂຄສົກຍິງຂອງບໍລິສັດຕັ້ງແຕ່ເດືອນທັນວາ ປີຜ່ານມາ ລວມທັງວ່າຈ້າງໃຫ້ຖ່າຍໂຄສະນາລິບສະຕິກເພື່ອເຜີຍແຜ່ໃນຊ່ວງກຸດຈີນທີ່ຜ່ານມາ ກໍ່ເກັບໂຄສະນາອັນນີ້ເຂົ້າໄວ ແລະ ໂຄສະນາອັນນີ້ກໍ່ບໍ່ປາກົດທາງສື່ສັງຄົມອອນໄລຂອງບໍລິສັດດ້ວຍ

Be the first to comment

Leave a Reply

Your email address will not be published.


*