ປະເທດລາວ ກັບຄໍລັບຊັ່ນ (ສໍ້ລາດບັງຫລວງ)

ເມື່ອບໍ່ດົນມານີ້ເວັບໄຊ ທຣານສແພເຣນຊີ ອິນເຕີເນຊັ່ນແນລລາຍງານກ່ຽວກັບອັນດັບຄວາມໂປ່ງໃສຂອງປະເທດວ່າ: ເບິ່ງຄືວ່າທຸກຝ່າຍເຫັນຄືກັນວ່າ ສະພາວະຄໍລັບຊັ່ນໃນລາວຮ້າຍແຮງລົງກວ່າປີທີ່ຜ່ານມາ  “ທຸກຝ່າຍ” ທີ່ວ່ານີ້ ມີຕັ້ງແຕ່ເຈົ້າໜ້າທີ່ຂອງລັດ ສະມາຊິກສະພາແຫ່ງຊາດ ຈົນໄປເຖິງອົງກອນອິດສະຫຼະລະຫວ່າງປະເທດທີ່ຈັດເຮັດດັດຊະນີຊີ້ສະພາວະຄໍລັບຊັ່ນໃນນານາປະເທດເປັນປະຈໍາທຸກປີຢ່າງ ທຣານສແພເຣນຊີ ອິນເຕີເນຊັ່ນແນລ ກັບປະຊາຊົນດິນແດນທົ່ວໄປເມື່ອທ້າຍເດືອນກຸມພາ ອົງການເພື່ອຄວາມໂປ່ງໃສນານາຊາດ ປັບຫຼຸດອັນດັບຄວາມໂປ່ງໃສຂອງລາວຫຼຸດລົງ 12 ອັນດັບ ມາຢູ່ອັນດັບທີ່ 135 ຈາກຈໍານວນທັງໝົດ 180 ປະເທດໃນກາງເດືອນມີນາ

 

ເຈົ້າໜ້າທີ່ລະດັບສູງຂອງລາວຄົນໜຶ່ງເຊິ່ງຂໍບໍ່ເປີດເຜີຍຊື່ ບອກວ່າ ເມື່ອປີ 2017 ທີ່ຜ່ານມາ ທາງການລາວສູນເສຍຜົນປະໂຫຍດໄປໃຫ້ກັບການຄໍລັບຊັ່ນຕະຫຼອດທັງປີລວມເປັນເງີນ 50 ລ້ານໂດລາ ສູງກວ່າມູນຄ່າຄໍລັບຊັ່ນລວມເມື່ອປີກ່ອນໜ້ານັ້ນເຖິງ 3 ເທົ່າໂຕ

ໜັງສືພິມວຽງຈັນທາມສ ລາຍງານໄວ້ໃນວັນທີ່ 15 ມີນາ ເຊັ່ນກັນວ່າ ສະເພາະໃນສ່ວນຂອງໂຄງການເພື່ອພັດທະນາທັງຫຼາຍຂອງລັດ ເກີດການ “ລະເມີດກົດໝາຍ” ແລະ “ລະເມີດວິໄນທາງການເງີນ” ຂື້ນໂດຍທັງ “ໜ່ວຍງານຂອງລັດ” ແລະ “ພາກເອກະຊົນ” ລວມແລ້ວເຮັດໃຫ້ລັດສູນເສຍເງີນເປັນມູນຄ່າກວ່າ 1 ລ້ານລ້ານກີບ

ທ່ານ ບຸນທອງ ຈິດມະນີ ຮອງນາຍົກລັດຖະມົນຕີ ເຊິ່ງຮັບໜ້າທີ່ເປັນປະທານສໍານັກງານຕໍ່ຕ້ານຄໍລັບຊັ່ນແຫ່ງຊາດລາວອີກຕໍາແໜ່ງບອກໄວ້ໃນກອງປະຊຸມສະພາແຫ່ງຊາດເມື່ອເດືອນຕຸລາປີຜ່ານມາຢ່າງກົງໄປກົງມາວ່າ ໃນໂຄງການກໍ່ສ້າງພື້ນຖານໂຄງຮ່າງຕ່າງໆຂອງລັດ ຍິ່ງນັບມື້ “ຍິ່ງໂຫດຮ້າຍຂື້ນເລື້ອຍໆ” “ຕົວຢ່າງເຊັ່ນ ຕົ້ນທືນການຕັດທາງໄລຍະ 1 ກິໂລແມັດນັ້ນຢູ່ທີ່ 400,000 ໂດລາ ແຕ່ລັດຖະບານຕ້ອງຈ່າຍເງີນເພື່ອການນີ້ໄປເຖິງ 1.7 ລ້ານໂດລາຕໍ່ກິໂລແມັດ ນັ້ນຄືລັດຖະບານຕ້ອງສູນເສຍປະໂຫຍດໄປກວ່າ 1.3 ລ້ານໂດລາ”

ລັດຖະບານລາວພະຍາຍາມຈັດການກັບຄໍລັບຊັ່ນພາຍໃນປະເທດຢູ່ ຢ່າງເຊັ່ນ ເມື່ອບໍ່ດົນມານີ້ ເຈົ້າແຂວງອັດຕະປື ທາງພາກຕາເວັນອອກສຽງໃຕ້ຂອງປະເທດ ຖືກຖອດຖອນອອກຈາກຕໍາແໜ່ງ ແຖມຖືກດໍາເນີນຄະດີທີ່ມີສ່ວນກ່ຽວຂ້ອງກັບການຕັດໄມ້ຜິດກົດມາຍໃນພື້ນທີ່  ແລະ ເຈົ້າແຂວງຊຽງຂວງຖືກປົດອອກຈາກຕຳແໜ່ງດ້ວຍຂໍ້ຫາດຽວກັນ

ແຕ່ເຈົ້າໜ້າທີ່ທີ່ກ່ຽວຂ້ອງກໍ່ຍັງຄົງຢືນຢັນວ່າເຈົ້າໜ້າທີ່ຂອງລັດໃນຫຼາຍລະດັບກໍ່ຍັງຄົງຄໍລັບຊັ່ນກັນຢ່າງກວ້າງຂວາງ  ເກີດການສໍ້ໂກງຂື້ນໃນໂຄງການພັດທະນາຫຼາຍໆໂຄງການເມື່ອເຈົ້າໜ້າທີ່ບໍ່ຊື່ສັດເຫຼົ່ານັ້ນມີການລັກເງິນ ແລະຊັບສິນຂອງລັດ ເງິນທີ່ຈັດໄວ້ສໍາລັບໂຮງຮຽນ ແລະ ບໍລິການສາທາລະນຸສຸກທັງຫຼາຍທົ່ວປະເທດ ການສໍ້ລາດບັງຫລວງມີໃຫ້ເຫັນກັນໂດຍທົ່ວໄປ ຈົນກາຍເປັນປະເພນີໄປແລ້ວ

“ຢ່າງເຊັ່ນວ່າ ຈະໄປຂໍຮັບບໍລິການຈາກໂຮງໝໍ ກໍ່ຈໍາເປັນຕ້ອງມີຊອງຂາວພ້ອມກັບ “ຄ່າກິນນໍ້າກິນໄນ”  ໄປດ້ວຍທຸກຄັ້ງ ບໍ່ກໍ່ຕ້ອງຖ້າກັນຢູ່ນັ້ນແຫຼະ”

ເຈົ້າໜ້າທີ່ເວົ້າເຖິງສາເຫດທີ່ເຮັດໃຫ້ມີການສໍ້ລາດບັງຫລວງລະບາດຫຼາຍຂະໜາດນີ້ວ່າ ເປັນເພາະການກວດສອບ ແລະ ກວດລ້າງຈັບກຸມທາງການນັ້ນພຽງລົງມືເຮັດໄປ “ແບບປາສິວປາສ້ອຍ” ບໍ່ເຄີຍຈັດການກັບ “ປາໃຫຍ່” ເລີຍຈັກເທື່ອ

ທີ່ມາ: https://www.transparency.org

 

Be the first to comment

Leave a Reply

Your email address will not be published.


*