ນັກວິຊາການຍັງປະຫຼາດໃຈ ເກີດພາຍຸໝຸນລຽງລາຍເທິງໂລກພ້ອມກັນ 10 ໜ່ວຍ

ສໍານັກຂ່າວຕ່າງປະເທດລາຍງານວ່າ ພາຍຸເຮີລິເຄນຟໍເຣນ ກໍາລັງຂື້ນຝັ່ງຖະລົ່ມຊາຍຝັ່ງຕາເວັນອອກຂອງສະຫະລັດອາເມລິກາ ຂະນະທີ່ພາຍຸຊຸບເປີໄຕ້ຝຸ່ນມັງຄຸດກໍ່ກໍາລັງເຄື່ອນໂຕປົກຄຸມຟິລິປິນທັງປະເທດ ນັບເປັນພາຍຸ 2 ໜ່ວຍທີ່ໃຫຍ່ທີ່ສຸດໃນປະຫວັດສາດທີ່ກໍາລັງສ້າງຄວາມເສຍຫາຍໃຫ້ກັບໂລກໜ່ວຍນີ້ໃນເວລານີ້

ຈາກສະພາບອາກາດອັນໂຫດຮ້າຍຂອງພາຍຸໝຸນເຂດຮ້ອນໃນໄລຍະນີ້ ຍັງເຮັດໃຫ້ຜູ້ສື່ຂ່າວພະຍາກອນອາກາດອາວຸໂສຕ້ອງປະຫຼາດໃຈກັບສະພາບອາກາດຂອງໂລກຊ່ວງນີ້ ເພາະຕະຫຼອດຊີວິດການເຮັດວຽກສາຍນີ້ຂອງເຂົາ ເກືອບບໍ່ເຄີຍພົບເຈິແບບນີ້ມາກ່ອນ ເມື່ອພົບວ່າມີພາຍຸຝົນເຂດຮ້ອນທີ່ກໍ່ໂຕສ້າງພະລັງງານພ້ອມໆກັນຫຼາຍເຖິງ 10 ໜ່ວຍໃນເວລາດຽວກັນ

“ທິມ ເຮລເລີຣ” ຜູ້ສື່ຂ່າວພະຍາກອນອາກາດຊ່ອງ ABC News ໄດ້ໂພສໃນທະວິດເຕີຂອງເຂົາເມື່ອວັນພະຫັດທີ່ 13 ກັນຍາ ຜ່ານມາ ອິນໂຟກຣາຟຟິກເຜີຍໃຫ້ເຫັນພາຍຸຝົນເຂດຮ້ອນໃນມະຫາສະໝຸນປາຊີຟິກ ແລະ ມະຫາສະໝຸດແອດແລນຕິກ ລວມທັງໝົດ 8 ໜ່ວຍປະກອບດ້ວຍ ພາຍຸເຮີລິເຄນຟໍເຣນທີ່ກໍາລັງເຂົ້າສູ່ຊາຍຝັ່ງສະຫະລັດອາເມລິກາ ພາຍຸເຮີລິເຄນເຮເລນາທີ່ພັດຂື້ນທາງທິດເໜືອໃຈກາງມະຫາສະໝຸດແອນແລນຕິກ ລວມທັງຍັງມີພາຍຸໂຊນຮ້ອນໄອແຊດ ແລະ ຄວາມກົດອາກາດຕໍ່າກໍາລັງແຮງອີກ 2 ໜ່ວຍ

ສ່ວນບໍລິເວນມະຫາສະໝຸດປາຊິຟິກນັ້ນ ມີພາຍຸໂຊນຮ້ອນໂອລິເວຍ ພາຍຸດີເປຣສຊັ່ນພອລ ແລະຄື້ນອາກາດຕໍ່າກໍາລັງແຮງນອກຊາຍຝັ່ງແມັກຊິໂກ ທັງນີ້ຫາກລວມ ພາຍຸຊຸບເປີໄຕ້ຝຸ່ນມັງຄຸດໂຊນຮ້ອນບາຣີດ ທີ່ຢູ່ມະຫາສະໝຸດປາຊິຟິກຕາເວັນອອກໄກ ຈະພົບວ່າມີພາຍຸຝົນເກີດຂື້ນພ້ອມກັນລຽງລາຍເຖິງ 10 ໜ່ວຍກັນເລີຍ

ຜູ້ສື່ຂ່າວພະຍາກອນອາກາດອາວອຸໂສທ່ານນີ້ ຍັງໂພສວ່າ ຕະຫຼອດການເຮັດວຽກພະຍາກອນອາກາດທາງໂທລະທັດມາ 35 ປີ ທ່ານບໍ່ເຄີຍເຫັນສະພາບອາກາດແບບນີ້ມາກ່ອນ ການເກີດພາຍຸພ້ອມໆກັນຫຼວງຫຼາຍປານນີ້

Be the first to comment

Leave a Reply

Your email address will not be published.


*