ເປີດສູນພັກຊົ່ວຄາວບ້ານຫາດຍາວ ເມືອງສະໜາມໄຊ ພາຍຫລັງກໍ່ສ້າງສໍາເລັດ

ຂປລ. ໃນວັນທີ 5 ກັນຍາ 2018ນີ້,ໄດ້ມີພິທີມອບ-ຮັບສູນພັກຊົ່ວຄາວຂອງຜູ້ປະສົບໄພນໍ້າຖ້ວມຈູດບ້ານຫາດຍາວ ເມືອງສະໜາມໄຊ ແຂວງອັດຕະປື. ພາຍຫລັງໄດ້ໃຊ້ເວລາລົງມືກໍ່ສ້າງມາໄດ້ 35 ວັນ. ຊຶ່ງປະກອບມີ 10 ຫລັງ ລວມ 140 ຫ້ອງ, ມີຫ້ອງນໍ້າ 5 ຫລັງ, ນໍ້າບາດານ 2 ບໍ່, ພ້ອມນັ້ນໃນເຮືອນຍັງປະກອບມີ: ລະບົບໄຟຟ້າ, ພັດລົມ, ຫ້ອງຄົວສໍາບັບແຕ່ງອາຫານ ເພື່ອອໍານວຍຄວາມສະດວກໃນການຊົມໃຊ້, ນອກຈາກນັ້ນກໍຍັງມີເຄື່ອງປະຖົມພະຍາບານ, ຖັງດັບເພີງ ແລະ ຕິດຕັ້ງລະບົບຮັກສາຄວາມປອດໄຟຕາມມາດຕະຖານສາກົນ.
ໃນພິທີດັ່ງກ່າວໂດຍມີທ່ານ ເລັດ ໄຊຍະພອນ ເຈົ້າແຂວງອັດຕະປື, ທ່ານ ອັນ ແຈ ຮຽນ ປະທານບໍລິສັດ sk, ມີບັນດາເຈົ້າເມືອງ, ອໍານາດການປົກຄອງ,ພໍ່ແມ່ປະຊາຊົນ, ພ້ອມດ້ວຍພາກສ່ວນທີ່ກ່ຽວຂ້ອງ ເຂົ້າຮ່ວມ.

Be the first to comment

Leave a Reply

Your email address will not be published.


*