ເມືອງນ້ຳບາກ ກຽມຄວາມພ້ອມຮອບດ້ານໃນການຈັດງານແຂ່ງຂັນຊວ່ງເຮືອ ປະຈຳປີ 2018

ມາຮອດປັດຈຸບັນນີ້ ທຸກອານຸກຳມະການຮັບໃຊ້ວຽກງານ ແມ່ນໄດ້ແບ່ງວຽກ, ບັນຈຸບຸກຄະລາກອນ ເຂົ້າໃນທຸກໜ້າວຽກຢ່າງລະອຽດ ເພື່ອຮັບໃຊ້ງານສະເຫຼີມ-ສະຫຼອງປີທ່ອງທຽ່ວລາວ 2018 ຂອງເມືອງ ແລະ ງານແຂ່ງຂັນຊວ່ງເຮືອປະຈຳປີ ຂອງຊາວເມືອງນ້ຳບາກ. ທຸກຫ້ອງການ, ບ້ານ ແລະ ສະຖານທີ່ຈັດງານ ແມ່ນປະດັບປະດາດວ້ຍຄວາມຈົບງາມ ທັງກາງເວັນ ແລະ ກາງຄືນ.

 

ງານສະເຫຼີມ-ສະຫຼອງປີທ່ອງທຽ່ວລາວ 2018 ຂອງເມືອງນ້ຳບາກ ແມ່ນຈະໄດ້ຈັດຂື້ນໃນຕອນເຊົ້າຂອງວັນທີ 25 ສິງຫາ 2018 ຈະມີຂະບວນກ້ອນກຳລັງຕ່າງໜ້າເຜົ່າຕ່າງຯພາຍໃນເມືອງເຂົ້າຮວ່ມ, ມີການສະແດງສີລະປະວັນນະຄະດີຂອງບັນດາເຜົ່າ, ການຂັບລຳທ້ອງຖີ່ນ, ທຽ່ວຊົມງານຕະຫຼາດນັດ, ທຽ່ວຊົມສະຖານທີ່ທ່ອງທຽ່ວຕ່າງຯຂອງເມືອງ, ວັນທີ 26 ສິງຫາ 2018 ແມ່ນເປີດງານແຂ່ງຂັນຊວ່ງເຮືອປະຈຳປີ ເຊີ່ງໃນປີນີ້ມີເຮືອຊວ່ງຢູ່ແຕ່ລະບ້ານພາຍໃນເມືອງ, ພາຍໃນແຂວງ ເຂົ້າຮວ່ມທັງໝົດ 14 ລຳ ແບ່ງອອກເປັນ 2 ປະເພດຄື: ປະເພດເຮືອປະເພນີ ມີ 7 ລຳ ແບ່ງອອກເປັນ 2 ສາຍ.

 

ສາຍ A ມີເຮືອຊວ່ງບ້ານໂພນໄຊ, ເຮືອຊວ່ງບ້ານໂຄ້ງ, ເຮືອຊວ່ງບ້ານນ້ຳລາ, ເຮືອຊວ່ງບ້ານໂພນສະອາດ; ສາຍ B ມີເຮືອຊວ່ງບ້ານຟ້າ, ເຮືອຊວ່ງບ້ານນະຄອນ, ເຮືອຊວ່ງບ້ານລີ່; ປະເພດເຮືອສູດ ມີ 7 ລຳ ແບ່ງອອກເປັນ 2 ສາຍ. ສາຍ A ມີເຮືອຊວ່ງບ້ານໂພນສະອາດ, ເຮືອຊວ່ງບ້ານທ່າລີໃຕ້, ເຮືອຊວ່ງບ້ານລີ່, ເຮືອຊວ່ງບ້ານປາກມອງ; ສາຍ B ມີເຮືອຊວ່ງບໍລິສັດສິນໄຊ ຫຼວງພະບາງ, ເຮືອຊວ່ງບ້ານບົມ ແລະ ເຮືອຊວ່ງບ້ານຊາງ. ການແຂ່ງຂັນແມ່ນແບບເສຍ 2 ເທື່ອ ແລ້ວຄັດອອກພາຍໃນສາຍ, ມີການແຂ່ງຂັນກັນທັງໝົດຕ່ຳສຸດ 26 ລ່ອງ ແລະ ສູງສຸດ 30 ລ່ອງ.
ພອນສັກ ສິງດາລັກ

ນັກຂ່າວເມືອງນ້ຳບາກ

Be the first to comment

Leave a Reply

Your email address will not be published.


*