ປະຊາຊົນ ເຂດ 2 ບ້ານຫ້ອມ-ສີຖານໃຕ້ ຫຼາຍກວ່າ 100 ຫຼັງຄາເຮືອນ ໄດ້ຮັບຜົນກະທົບຈາກນໍ້າຖ້ວມ

ຈາກສະພາບການປະລິມານນໍ້າ ໃນແມ່ນໍ້າຂອງສູນຂຶ້ນ ສົ່ງຜົນໃຫ້ໃຫ້ເຂົ້າຖ້ວມເຮືອນຂອງປະຊາຊົນທີ່ອາໃສຢຄ່ຈຸກທີ່ມີຄວາມສ່ຽງ ເຊິ່ງລວມໄປເຖິງເຂດ 2 ບ້ານຫ້ອມ ແລະ ສີຖານໃຕ້ ເມືອງຫາດຊາຍຟອງນະຄອນຫຼວງວຽຈັນ ທີ່ຖືກນໍ້າຂອງໄຫຼເຂົ້າຖ້ວມເຮືອນຂອງປະຊາຊົນຫຼາຍກວ່າ 100 ຫຼັງຄາເຮືອນ ພ້ອມສົ່ງຜົນກະທົບຕໍ່ເນື້ອທີ່ການຜະລິດສ້າງຄວາມເສຍຫາຍຫຼາຍສົມຄວນ.

ຈາກການລົງຕິດຕາມສະພາບນໍ້າຖ້ວມຢູ່ເມືອງຫາດຊາຍຟອງ ຂອງ ສະມາຊິກສະພາປະຊາຊົນນະຄອນ ຫຼວງວຽງຈັນ ໃນວັນທີ 21 ສິງຫາ 201ຂ ເຫັນວ່າ: ຢູ່ເຂດ 2 ບ້ານຫ້ອມໄດ້ຖືກນໍ້າຖ້ວມສວນຜັກບ້ານໂພສີ 6 ເຮັກຕາ 15 ຄອບຄົວ ບ້ານປ່າຝາງ 1 ເຮັກຕາ 4 ຄອບຄົວ ບ້ານສະຫວ່າງ 3 ເຮັກຕາ ນໍ້າຖ້ວມ 13 ຄອບຄົວ ບ້ານໂພເງິນມີ 3 ໄລ່ 1 ຄອບອຄົວ ຫາດກັນຊາ 20 ເຮັກຕາ 15 ຄອບອຄົວ ບ້ານດອນເກີດ 80 ເຮັກຕາ 60 ຄອບຄົວ ໃນນັ້ນມີສັດລ້ຽງງົວ ຄວາຍ ເປັດ ໄກ່ ແລະ ອື່ນໆ ບ້ານຫ້ອມໃຕ້ 33 ຄອບຄົວ.

ສ່ວນຢູ່ເຂດສີຖານໃຕ້ປະລິມານນໍ້າໄດ້ໄຫຼເຂົ້າຖ້ວມເຮືອນ ແລະ ສວນຂອງປະຊາຊົນບ້ານໂຄກຊາຍ ສີຖານໃຕ້ ປັດຈຸບັນຖືກນໍ້າຖ້ວມ 110 ຫຼັງຄາເຮືອນ ແລະ ເກີດມີດິນເຈື່ອນໜັກແຄມຂອງເຂດບ້ານຊາຍຟອງເໜືອ ດັ່ງນັ້ນຈຶ່ງເຕືອນໃຫ້ປະຊາຊົນຈົ່ງມີສະຕິລະຕົວຢ່າງລະມັດລະວັງ ແລະ ຮັກສາວັດຖຸສິ່ງຂອງມີຄ່າໄວ້ໃຫ້ດີ ເນື່ອງຈາກວ່າລະດັບນໍ້າໃນປັດຈຸບັນຍັງບໍ່ທັນໄດ້ລົດລະດັບລົງເທື່ອ.

Be the first to comment

Leave a Reply

Your email address will not be published.


*