ໂຫດຈົນຮ້ອງຂໍຊີວິດບໍ່ທັນ!! ໜ່ວຍປະຕິບັດການພິເສດຈາກຣັດເຊຍ ທີ່ຜູ້ກໍ່ການຮ້າຍຕ້ອງຜະຫວາ.

ໃນປັດຈຸບັນແຕ່ລະປະເທດນັ້ນລ້ວນແຕ່ກໍ່ຕັ້ງໜ່ວຍງານທີ່ມີຫນ້າທີ່ຮັບຜິດຊອບກັບ “ ສະຖານະການພິເສດ ” ທີ່ກ່ຽວກັບຄວາມໝັ່ນຄົງຂອງປະເທດ ລວມໄປເຖິງການຮັກສາຄວາມບໍ່ສະຫງົບທີ່ອາດຈະເກີດຂຶ້ນໄດ້ທຸກເມື່ອຊຶ່ງພວກ ຮ້ອງໜ່ວຍງານພວກນີ້ວ່າ: “ ໜ່ວຍປະຕິບັດການພິເສດ ” ສະເປນາ” ຊຶ່ງຊື່ສຽງຂອງພວກເຂົານັ້ນຮ້ອງໄດ້ວ່າ ເປັນ ທີ່ຢ້ານກົວຂອງບັນດາຜູ້ກໍ່ການຮ້າຍເລີຍວ່າ “ ໂຫດ ” ແບບບໍ່ມີການຕໍ່ລອງ ເລື່ອງລາວຂອງພວກເຂົາຈະເປັນແນວໃດ ເລື່ອນລົງໄປເບິ່ງພ້ອມໆກັນ.

“ ສະເປຊນາ ” ກໍ່ຕັ້ງຂຶ້ນໃນປີ 1949 ພາຍໃຕ້ການນຳກັບຂອງກອງບັນຊາການຫະຫານສູງສຸດແຫ່ງສະຫະພັນລັດເຊຍ ປັດຈຸບັນນັ້ນມີກໍາລັງພົນສັງກັດຢູ່ຖຶງ 15,000 ຄົນ. ໜ່ວຍປະຕິບັດການພິເສດ ສະເປຊນາ ນັ້ນເປັນຊື່ຮ້ອງລວມໆ ຂອງໜ່ວຍປະຕິບັດການພິເສດທີ່ມີຢູ່ໃນລັດເຊຍຊຶ່ງຈະແບ່ງໄປສັງກັດຕາມໜ່ວຍງານຕ່າງໆ ເຊັ່ນ: ກອງທັບບົກ ກອງທັບເຮືອ ຫຼືໜ່ວຍງານທີ່ມີຄວາມຮັບຜິດຊອບໃນດ້ານຄວາມໝັ່ນຄົງ ໂດຍຈະແຍກໄປຕາມລັກສະນະຂອງ ພາລະກິດທີ່ຮັບຜິດຊອບເຊັ່ນ: ການປ້ອງກັນກໍ່ວິນາດສະກຳປາບປາມໄພຄຸກຄາມຈາກອາຊາຍາກຳ.

ການທີ່ຊາຍຊາວລັດເຊຍຈະໄດ້ເຂົ້າໄປສັງກັດໃນຫນ່ວຍປະຕິບັດການພິເສດ ສະເປຊນາ ໄດ້ນັ້ນຕ້ອງບອກເລີຍວ່າ ພວກເຂົາເປັນຍອດຄົນເພາະການທົດສອບນັ້ນຖືວ່າໂຫດພໍສົມຄວນ ເພາະຕ້ອງມີທັງຄວາມອົດທົນ ຄວາມສະຫຼາດ ທີ່ຜ່ານມາດຕະຖານ ແລະຝີມືໃນການຕໍ່ສູ້ທັ່ງແບບມື ແລະ ການໃຊ້ອາວຸດຍົກຕົວຢ່າງເຊັ່ນ: ການທົດສອບການຈູ່ໂຈມຜູ້ ກໍ່ການຮ້າຍເພື່ອຊ່ວຍຕົວປະກັນ ຊຶ່ງຜູ້ທີ່ທົດສອບນັ້ນຈະຕ້ອງລອຍຕົວເອົາໜ້າລົງຈາກດ້ານເທິງຂອງອາຄານລົງມາທີ່ພື້ນ ແລະ ບຸກເຂົາໄປຊ່ວຍຕົວປະກັນໂດຍຕ້ອງຍິງຜູ້ກໍ່ການຮ້າຍ ຊຶ່ງຈະມີກະສຸນໃນປືນ4ນັດ ແລະຈະຕ້ອງຍິງໃຫ້ເຂົ້າເປົ້າ2ນັດ ພາຍໃນໄລຍະເວລາບໍ່ຮອດ 2ນາທີຊຶ່ງຖ້າເຮັດບໍ່ໄດ້ແນ່ນອນວ່າຈະບໍ່ຕ້ອງຜ່ານການທົບສອບ.

ພາຍໃນການທົດສອບຄັ້ງໜຶ່ງນັ້ນຈະມີຜູ້ເຂົ້າສະໝັກຮ່ວມ 100 ຄົນແຕ່ວ່າຜູ້ທີ່ຜ່ານນັ້ນກັບມີພຽງ 3-4 ຄົນເທົ່ານັ້ນໃນແຕ່ລະຮຸ່ນຈຸດເດັ່ນຂອງໜ່ວຍປະຕິບັດການພິເສດ ສະເປຊນາຊນັ້ນຢູ່ບ່ອນທີ່ມີຄວາມເດັດຂາດ ໃນການຈັດການກັບສະຖານະການຕ່າງໆຊຶ່ງເປັນທີ່ຮູ້ກັນວ່າ ຫາກໜ່ວຍສະເປຊນາ ຖູກຮ້ອງໃຫ້ເຂົ້າມາຄວບຄຸມສະຖານະການນັ້ນຈະ ຕ້ອງມີຝ່າຍກົງກັນຂ້າມເສຍຊີວິດຢ່າງແນ່ນອນເພາະພວກເຂົາມີຄະຕິວ່າ “ ບໍ່ມີການຕໍ່ລອງນອກຈາກຍອມແພ້ ”

ດັ່ງເຊັ່ນເຫດການຖະຫຼົ່ມກຸ່ມກະບົດເຊເຊນ ທີ່ເຂົ້າບຸກຍຶດໂຮງລະຄອນພ້ອມກັບຕົວປະກັນຮ່ວມພັນ ຄົນໃຈກາງນະຄອນຫຼວງ ມອດສະໂກໃນປີ 2002 ໂດຍກຸ່ມກະບົດ ໄດ້ຍື່ນຂໍ້ສະເໜີໃຫ້ລັດເຊຍຖອນກໍາລັງຫະຫານອອກຈາກ ເຊສະເນີຍ ພາຍໃນ 7 ມື້ຫາກບໍ່ຍອມທຳຕາມພວກເຂົາຈະຂ້າຕົວປະກັນ 10 ຄົນທຸກໆຊົ່ວໂມງ. ເຫດການໄດ້ດໍາເນີນໄປ ກ່ວາ 4ວັນ ຈົນທາງການລັດເຊຍໄດ້ຮ້ອງໜ່ວຍ ສະເປຊນາຊ ເຂົ້າມາເພື່ອຢຸດຕິເຫດການທັ້ງໝົດ ເຊິ່ງເຈົ້າໜ້າທີ່ໄດ້ບຸກເຂົ້າ ໄປທາງລະບົບລະບາຍອາກາດ ແລະ ທຳການໂຈມຕີດ້ວຍກ໋າດພິດ ຜົນທີ່ໄດ້ກໍ່ຄືສະມາຊິກກຸ່ມກະບົດທັ້ງ 39 ຄົນນັ້ນເສຍຊີວິດໃນທີ່ເກີດເຫດທັ້ງໝົດ ແລະທີ່ຫນ້າເສົ້າເສຍໃຈກໍ່ຄືຕົວປະກັນຮ່ວມ 130 ຄົນກໍ່ເສຍຊີວິດຈາກການບຸກ ເຂົ້າໄປຂອງໜ່ວຍສະເປຊນາຊດ້ວຍເຊັ່ນກັນ.

ຈາກເຫດການທີ່ເກີດຂຶ້ນນັ້ນເຮັດໃຫ້ມີສຽງວິພາກວິຈານເຖິງການເຮັດວຽກຂອງໜ່ວຍ ສະເປຊນາຊ ແລະຄໍາສັ່ງຈາກເບື້ອງເທິງຄ່ອນຂ້າງຫຼາຍທີ່ຈະ ມືໜັກ ພໍສົມຄວນຈົນເປັນສາເຫດໃຫ້ມີຜູ້ເສຍຊີວິດຫຼາຍ ຂະໜາດນີ້ແນ່ນອນວ່າສິ່ງທີ່ພວກເຂົາເຮັດນັ້ນ ອາດຈະເບິ່ງໂຫດຮ້າຍຈົນມີຄົນຮ້ອງວ່າ: ຫາກຖືກຈັບເປັນຕົວປະກັນໃນລັດເຊຍແລະ ຖ້າຢາກຈະລອດຄວນທີ່ຈະຈັບປືນມາຕໍ່ສູ້ດີກ່ວາ ເພາະມີໂອກາດຮອດຫຼາຍກ່ວາ. ນັ້ນກໍ່ເປັນສຽງທີ່ຢືນຢັນໄດ້ເປັນຢ່າງດີ ສະເປຊນາຊ ນັ້ນໂຫດຮ້າຍຂະໜາດ.

Be the first to comment

Leave a Reply

Your email address will not be published.


*