20 ປີ ອົງການກວດສອບແຫ່ງລັດ ມີຜົນງານພົ້ນເດັ່ນຫຼາຍດ້ານ

ອົງການກວດສອບແຫ່ງ ລັດ ໄດ້ຈັດພິທີສະເຫຼີມສະ ຫຼອງວັນສ້າງຕັ້ງອົງການກວດ ສອບແຫ່ງລັດ ຄົບຮອບ 20 ປີ (5 ສິງຫາ 1998-5 ສິງຫາ 2018) ໃນວັນທີ 10 ສິງຫານີ້ ທີ່ຫ້ອງປະຊຸມອົງການດັ່ງກ່າວ ໂດຍໃຫ້ກຽດເຂົ້າຮ່ວມຂອງ ທ່ານ ຄຳພັນ ພົມມະທັດ ກຳ ມະການກົມການເມືອງສູນ ກາງພັກ ຄະນະເລຂາທິການ ສູນກາງພັກ ຫົວໜ້າຫ້ອງວ່າ ການສູນກາງພັກ, ທ່ານ ນາງ ວຽງທອງ ສີພັນດອນ ປະທານ ອົງການກວດສອບແຫ່ງລັດ, ແຂກຖືກເຊີນ ພ້ອມດ້ວຍພະ ນັກງານ-ລັດຖະກອນເຂົ້າຮ່ວມ ຢ່າງພ້ອມພຽງ. ໃນພິທີ, ທ່ານນາງ ວຽງທອງ ສີພັນດອນ ໄດ້ຫວນຄືນມູນເຊື້ອ ແລະການ ເຄື່ອນໄຫວວຽກງານຂອງອົງ ການກວດສອບຍາດມາໄດ້ໃນ ຕະຫຼອດໄລຍະ 20 ປີທີ່ຜ່ານ ມາ ຊຶ່ງທ່ານໄດ້ຍົກໃຫ້ເຫັນ ດ້ານດີ- ດ້ານອ່ອນ, ຂໍ້ຄົງຄ້າງ ແລະ ບົດຮຽນທີ່ຖອດຖອນໄດ້, ພ້ອມທັງຍົກໃຫ້ເຫັນຜົນງານ, ວຽກງານວິຊາສະເພາະ ຊຶ່ງ ສາມາດຈັດຕັ້ງປະຕິບັດໄດ້ສຳ ເລັດຕາມທິດທາງ ແລະ ແຜນ ການກວດສອບແຕ່ລະປີໄດ້ ທັງໝົດ 612 ເທື່ອ.

 

ໃນນັ້ນ, ໄດ້ກວດສອບບົດສະຫຼຸຸບຂາດ ຕົວການຈັດຕັ້ງປະຕິບັດແຜນ ງົບປະມານແຫ່ງລັດຢູ່ບັນດາ ກະຊວງ, ອົງການ, ບັນດາ ແຂວງ ແລະ ນະຄອນຫຼວງ ວຽງຈັນ ຈຳນວນ 383 ເທື່ອ, ກວດສອບທະນາຄານຈຳ ນວນ 25 ເທື່ອ, ກວດສອບວິສາ ຫະກິດ ຈຳນວນ 72 ເທື່ອ, ກວດສອບໂຄງການເງິນ ກູ້ຢືມ ແລະ ຊ່ວຍເຫຼືອຈາກຕ່າງປະ ເທດ ຈຳນວນ 113 ເທື່ອ, ກວດ ສອບສ້າງຄວາມເຂັ້ມແຂງກັບ ສາກົນ ແລະ ປະເທດຮ່ວມມື ຍຸດທະສາດຈຳນວນ 19 ເທື່ອ, ເຊັນບົດບັນທຶກຜົນການກວດ ສອບ 418 ບົດ, ອອກບົດແຈ້ງ ຜົນການກວດສອບໄດ້ຈຳ ນວນ 418 ບົດ, ສ້າງບົດສະ ຫຼຸຸບຜົນການກວດສອບບົດ ສະຫຼຸຸບຂາດຕົວການຈັດຕັ້ງ ແຜນງົບປະມານແຫ່ງລັດ ລາຍງານຕໍ່ກອງປະຊຸມສະ ພາ, ສ້າງບົດສະຫຼຸຸບຜົນການ ກວດສອບບົດສະຫຼຸຸບຂາດຕົວ ການຈັດຕັ້ງແຜນງົບປະມານ ແຫ່ງລັດລາຍງານຕໍ່ລັດຖະ ບານ, ສົ່ງຂໍ້ມູນຜົນການກວດ ສອບບົດສະຫຼຸຸບຂາດຕົວ ການ ຈັດຕັ້ງປະຕິບັດແຜນງົບປະ ມານແຫ່ງລັດ ໃຫ້ອົງການກວດ ກາລັດຖະບານສືບຕໍ່ກວດກາ ຈຳນວນ 15 ຄັ້ງ, ກອງປະຊຸມ ສະພາແຫ່ງຊາດ ໄດ້ອອກມະ ຕິຮັບຮອງເອົາຜົນການກວດ ສອບບົດສະຫຼຸຸບຂາດຕົວ ການ ຈັດຕັ້ງແຜນງົບປະມານແຫ່ງ ລັດ ຈຳນວນ 8 ສະບັບ.

 

ໃນພິ ທີຍັງໄດ້ມີການຍ້ອງຍໍໃຫ້ກົມ ກອງ ແລະ ບຸກຄົນ ທີ່ມີຜົນ ງານດີເດັ່ນໃນການປະກອບ ສ່ວນພັດທະນາວຽກງານອົງ ການກວດສອບ, ປະດັບຫຼຽນ ໄຊອິດສະຫຼະຊັ້ນ II ຈຳນວນ 1 ໜ່ວຍ ໃຫ້ອົງການກວດສອບ ແຫ່ງລັດ, ມອບຫຼຽນໄຊແຮງ ງານຊັ້ນ II ໃຫ້ຈຳນວນ 5 ທ່ານ, ຫຼຽນໄຊແຮງງານ ຊັ້ນ III ໃຫ້ຈຳນວນ 6 ທ່ານ. ໃນພິທີ ຍັງໄດ້ຮັບຟັງບົດ ໂອ້ລົມຂອງທ່ານ ຄຳພັນ ພົມ ມະທັດ ຊຶ່ງທ່ານໄດ້ເນັ້ນໃຫ້ ອກສລ ສືບຕໍ່ສຶກສາອົບຮົມ ການເມືອງ-ແນວຄິດ ໃຫ້ພະ ນັກງານ, ນັກກວດສອບແຫ່ງ ລັດໃຫ້ເປັນປົກກະຕິ ເພື່ອສ້າງ ໃຫ້ພະນັກງານມີຄວາມໜັກ ແໜ້ນ, ມີຄຸນສົມບັດສິນທຳປະ ຕິວັດ, ມີຈັນຍາບັນ, ຈັນຍາທຳ, ມີຄວາມບໍລິສຸດສັດຊື່, ສືບຕໍ່ ປັບປຸງກົງຈັກໃຫ້ມີຄວາມເຂັ້ມ ແຂງຂຶ້ນຕື່ມ, ສືບຕໍ່ກໍ່ສ້າງ ແລະ ຍົກລະດັບພະນັກງານ-ນັກ ກວດສອບທາງດ້ານວິຊາສະ ເພາະກວດສອບ ໃຫ້ຫັນເປັນ ນັກກວດສອບມືອາຊີບ ເພື່ອ ຕອບສະໜອງຕາມຄວາມຮຽກ ຮ້ອງຕ້ອງການຂອງວຽກງານ ໃນສະເພາະໜ້າ ແລະ ຍາວ ນານ ແລະ ເອົາໃຈໃສ່ວຽກ ງານອື່ນໆອີກ.

(ຂ່າວ: ແສງຈັນ)

Be the first to comment

Leave a Reply

Your email address will not be published.


*