“ສະເຕເກນ” ເຊຟໂທດພາບາຣຊາ ບຽດຊະນະ ເຊບີຍາ ຄວ້າ “ຊູເປີຄັບ”

ເສິກບານສະເປນນີຊ ຊູເປີ ຄັບ 2018 ເມື່ອວັນອິດທີ່ 12 ສິງຫາ 2018 “ບາຣຊາ” ບາຣເຊໂລນ່າ ທີ່ນໍາທັບໂດຍ ລິໂອເນລ ເມສຊີ ຫລຸຍສ ຊົວເຣຊ ດວນແຂ້ງກັບ ເຊບີຍາ ຜົນການແຂ່ງຂັນປາກົດວ່າ ບາຣເຊໂລນ່າ ບຽດເອົາຊະນະ ເຊບີຍາ ໄປໄດ້ຢ່າງຫວຸດຫວິດທີ່ສຸດ 2-1 ຜະງາດຄວ້າແຊ້ມໄປຄອງເປັນສະໄໝທີ່ 13 (1983,1991,1992,1994,1996,2005,2006,2009,2010,2011,2013,2016,2018)


ເກມນີ້ ເຊບີຍາ ຂື້ນນໍາໄປກ່ອນ 1-0 ຈາກປະຕູຂອງ ພາໂບລ ຊາຣາເບຍ ນາທີທີ່ 9 ກ່ອນ “ບາຣຊາ” ມາລົວ 2 ເມັດຕິດແຊງຊະນະ 2-1 ຈາກປະຕູຂອງ ເກຣາຣດ ປີເກ ນາທີ 42 , ອຸສມານ ເດມເບເລ ນາທີ 78 ໂດຍ ເຊບີຍາ ມີໂອກາດລຸ້ນໄລ່ຕາມຕີສະເໝີ ເມື່ອໄດ້ຈຸດໂທດໃນນາທີສຸດທ້າຍ ແຕ່ ວີສຊາມ ເບນ ເຍດເດຣ ດາວຍິງຊາວຝຣັ່ງ ຊັດໄປຕິດເຊຟຂອງ ມາຣດ-ອັງເດຣ ເຕີ ສະເຕເກນ ຜູ້ຮັກສາປະຕູທີມຊາດເຢຍລະມັນ ເຮັດໃຫ້ ເຊບີຍາ ຕ້ອງພົບກັບຄວາມປາລາໄຊໄປຢ່າງນ່າເສຍດາຍ

Be the first to comment

Leave a Reply

Your email address will not be published.


*