ພັນລະຍາປະທານປະເທດ ມອບເງິນຊ່ວຍເຫຼືອຜູ້ປະສົບໄພ ນ້ຳຖ້ວມ ທີ່ເມືອງສະໜາມໄຊ

ທ່ານ ນາງ ຄຳເມິງ ວໍລະ ຈິດ ພັນລະຍາ ປະທານປະເທດ ແຫ່ງ ສປປ ລາວ ໄດ້ນຳເອົາ ເງິນຈຳນວນ 120 ລ້ານກີບ ມອບໃຫ້ແກ່ອຳນາດການປົກ ຄອງເມືອງສະໜາມໄຊ ແຂວງ ອັດຕະປື ເພື່ອນຳໄປຊ່ວຍເຫຼືອ ປະຊາຊົນຜູ້ປະສົບໄພນຳຖ້ວມ ຢູ່ເມືອງດັ່ງກ່າວ, ຊຶ່ງພິທີມອບ -ຮັບໄດ້ຈັດຂຶ້ນເມື່ອວັນທີ 10 ສິງຫາຜ່ານມາໂດຍການຮັບ ຂອງທ່ານ ບຸນໂຮມ ພົມມະ ສານ ເຈົ້າເມືອງໆສະໜາມໄຊ. ທັງເປັນຄະນະຮັບຜິດຊອບ ພາກສະໜາມຟື້ນຟູ ແລະ ແກ້ ໄຂຜົນກະທົບຈາກໄພພິບັດ ຂັ້ນແຂວງ.

 

ນອກນັ້ນພັນລະຍາ ປະທານປະເທດຍັງໄດ້ນຳເອົາ ເຄື່ອງໃຊ້ຄົວເຮືອນຈຳນວນ 1.800 ຊຸດ ມອບໃຫ້ປະຊາຊົນ ຜູ້ປະສົບໄພນ້ຳຖ້ວມເມືອງດັ່ງ ກ່າວຕື່ມອີກ ຊຶ່ງກ່າວຮັບໂດຍ ທ່ານ ນາງ ມີນາພອນ ໄຊສົມພູ ຮອງເລຂາພັກແຂວງ, ຄະນະຊີ້ ນຳປະຈຳພາກສະໜາມແກ້ໄຂ ໄພພິບັດ. ໂອກາດຮັບເງິນ ແລະ ເຄື່ອງຊ່ວຍເຫຼືອທ່ານ ບຸນໂຮມ ພົມມະສານ ໄດ້ຕາງໜ້າໃຫ້ ອຳນາດການ ປົກຄອງເມືອງສະ ແດງຄວາມຂອບໃຈຕໍ່ ທ່ານ ນາງ ຄຳເມິງ ວໍລະຈິດ ທີ່ໄດ້ ນຳເອົາເງິນ ແລະ ເຄື່ອງຊ່ວຍ ເຫຼືອມາມອບໃຫ້ຄັ້ງນີ້ ຊຶ່ງຈະ ໄດ້ນຳໄປຊ່ວຍປະຊາຊົນຜູ້ຖືກ ຜົນກະທົບໃຫ້ທົ່ວເຖິງທັນການ. ຕອນເຊົ້າຂອງວັນດຽວ ກັນນີ້, ພັນລະຍາຂອງປະທານ ປະເທດເຮົາຍັງໄດ້ມອບເງິນ 150 ລ້ານກີບ ໃຫ້ແກ່ຫ້ອງວ່າ ການປົກຄອງແຂວງອັດຕະປື ເພື່ອຊ່ວຍເຫຼືອຜູ້ປະສົບໄພນ້ຳ ຖ້ວມເຊ່ັນດຽວກັນ.

ພາບ-ຂ່າວ: ນສພ ປະຊາຊົນ

Be the first to comment

Leave a Reply

Your email address will not be published.


*