ອາເມລິກາຟ້ອງ 12 ເຈົ້າຫນ້າທີ່ ຂ່າວກອງຣັດເຊຍແຊກແຊງເລືອກຕັ້ງ

ສຳນັກຂ່າວຕ່າງປະເທດລາຍງານຈາກນະຄອນວໍຊິງຕັນປະເທດອາເມລິກາເມື່ອວັນທີ່ 13 ກໍລະກົດວ່າທ່ານຣ໊ອດ ໂຣເຊນສໄຕນ ລັດຖະມົນຕີກະຊວງຍຸດຕິທຳອາເມລິກາ ຖະແຫຼງເມື່ອວັນສຸກວ່າຄະນະສືບສວນສອບສວນອິດສະຫຼະຂອງສຳນັກງານສອບສວນກາງ (ເອຟບີໄອ) ໂດຍທ່ານໂຣເບິຣຕ ມຸລເລີຣ ໄອຍະການພິເສດ ແລະອະດີດຜູ້ອຳນວຍການເອຟບີໄອ ຍື່ນເອກະສານຄວາມຍາວ 29 ຫນ້າຕໍ່ສານລັດຖະບານກາງໃນນະຄອນວໍຊິງຕັນ ສັ່ງຟ້ອງພົນລະເມືອງສັນຊາດຣັດເຊຍ 12 ຄົນ ຊື່ງເປັນເຈົ້າຫນ້າທີ່ຂອງຫນ່ວຍຂ່າວກອງທະຫານ (ຈີອາຣຢູ) ຖານຮ່ວມກັນປະຕິບັດການ “ໂຈມຕີທາງໄຊເບີຄັ້ງໃຫ່ຍ” ຕໍ່ລະບົບຄອມພິວເຕີຂອງພັກເດໂມແຄຣດ ເພື່ອຈາລະກຳຂໍ້ມູນສຳຄັນກ່ຽວກັບນາງຮິລລາຣີ ຄລິນຕັນ ຄູ່ແຂ່ງຂອງປະທານາທິບໍດີໂດນັລ ທຣັມ ໃນການເລືອກຕັ້ງເມື່ອປີ 2016

ທັງນີ້ ສຳນວນຟ້ອງລະບຸດ້ວຍວ່າ “DCLeaks” ແລະ “Guccifer 2.0” ເຜີຍແຜ່ຂໍ້ມູນທັງຫມົດທີ່ຈາລະກຳມາໄດ້ໄວ້ເທີງຖານຂໍ້ມູນຂອງເວັບໄຊວິກິລີກສ ແມ່ນວ່າພະນັກງານສືບສວນກວດພົບຮ່ອງຮອຍຂອງການຈາລະກຳຂໍ້ມູນທັງຈາກຄອມພິວເຕີຂອງຄະນະກຳມະການການເລືອກຕັ້ງໃນຫຼາຍລັດ ເຊັ່ນລັດຈໍເຈຍ ລັດໄອໂອວາ ແລະລັດຟໍລຣິດາ ແຕ່ຄວາມເສຍຫາຍທີ່ເກີດຂື້ນບໍ່ໄດ້ມີຜົນກະທົບຕໍ່ຜົນການນັບຄະແນນ

ຂະນະດຽວກັນ ໂຣເຊນສໄຕນກ່າວວ່າກ່ອນຖະແຫຼງຢ່າງເປັນທາງການເຂົາແຈ້ງເລື່ອງນີ້ໃຫ້ຜູ້ນຳອາເມລິກາຮັບຊາບແລ້ວ ແລະຢືນຢັນວ່າຂະບວນການກວດສອບໃນທຸກຂັ້ນຕອນ ເປັນໄປຕາມກົດຫມາຍ ຢ່າງໃດກໍ່ຕາມ ຄວາມເຄື່ອນໄຫວຂອງກະຊວງຍຸດຕິທຳອາເມລິກາໃນຄັ້ງນີ້ເກີດຂື້ນພຽງບໍ່ເທົ່າໃດມື້ກ່ອນປະທານາທິບໍດີທຣັມ ແລະປະທານາທິບໍດີວາລາດີເມຍ ປູຕິນ ຈະພົບຫາລືກັນຢ່າງເປັນທາງການ ທີ່ນະຄອນເຮລຊິງກິ ໃນວັນທີ່ 16 ກໍລະກົດນີ້ ທ່າມກາງສຽງຮຽກຮ້ອງຂອງສະມາຊິກລະດັບແກນນຳຂອງທັງພັກຣີພັບລິກັນ ແລະພັກເດໂມແຄຣດໃນສະພາຄອງເກຣສໃຫ້ຜູ້ນຳອາເມລິກາຍົກເລີກການປະຊຸມຄັ້ງນີ້

ແລະທ່ານທຣັມ ກ່າວລະຫວ່າງການຢ້ຽມຢາມສະຫະລາຊອານາຈັກໃນອາທິດນີ້ ວ່າການພົບຫາລືກັບຜູ້ນຳຣັດເຊຍຈະເກີດຂື້ນຕາມກຳນົດການເດີມ ແລະເຊື່ອຫມັ້ນໃນການສ້າງເສີມຄວາມສຳພັນທີ່ດີກັບລັດຖະບານຣັດເຊຍພ້ອມທັງກ່າວດ້ວຍວ່າ ເຂົາຄືຄົນທີ່ “ກ້າຫານ” ປະເຊີນຫນ້າກັບຣັດເຊຍຫຼາຍກວ່າຜູ້ນຳອາເມລິກາຄົນໃດ ແລະຕຳຫນິຄວາມເຄື່ອນໄຫວລ່າສຸດຂອງມຸລເລີຣວ່າເປັນ “ການລ້າແມ່ມົດ” ດ້ານທ່ານຢູຣິ ຢູຊາຄອຟທີ່ປຶກສາຂອງທ່ານປູຕິນ ກ່າວວ່າທຳນຽບເຄຣມລິນເບີ່ງທຣັມເປັນ “ຄູ່ເຈລະຈາທີ່ດີ”

Be the first to comment

Leave a Reply

Your email address will not be published.


*