ສານ ສ. ອາເມຣິກາ ສັ່ງ “ຈອນສັນ ແອນຈອນສັນ” ຈ່າຍຄ່າຊົດເຊຍ 4.960 ລ້ານໂດລາ

ເມື່ອວັນທີ່ 13 ກໍລະກົດ 2018 ສໍານັກຂ່າວຣອຍເຕີ ລາຍງານວ່າ ສານລັດມີສຊູ ປະເທດສະຫະລັດ ອາເມຣິກາ ມີຄຳສັ່ງໃຫ້ບໍລິສັດ ຈອນສັນ ແອນ ຈອນສັນ ຈ່າຍເງີນຊົດເຊີຍໃຫ້ແກ່ຜູ້ຍິງ 22 ຄົນ ເປັນຈຳນວນເງີນປະມານ 4.690 ລ້ານໂດລາ ຫຼັງຈາກກ່າວຟ້ອງຮ້ອງຫາວ່າໃສສານທາລ (talc) ໃນຜະລິດຕະພັນແປ້ງຂອງບໍລິສັດດັ່ງກ່າວ ເປັນເຫດໃຫ້ພວກເຂົາເກີດໂລກມະເຮັງຮັງໄຂ່


ບີບີຊີ ແຈ້ງວ່າ ຄໍາສັ່ງຂອງຄະນະສານໃນລັດມິສຊູຣີດັ່ງກ່າວ ຕໍ່ບໍລິສັດ ຈອນສັນ ແອນ ຈອນສັນ ໂດຍເປັນເງີນຊົດເຊີຍກວ່າ 500 ລ້ານໂດລາ ແລະ ຂໍ້ຫາເຊິງລົງໂທດອີກ 4.100 ລ້ານໂດລາ ມີຂື້ນໃນຂະນະທີ່ບໍລິສັດເວດສະພັນບໍລິສັດນີ້ກຳລັງຕໍ່ສູ້ຄະດີທາງກົດໝາຍຫຼວງຫຼາຍເຖິງປະມານ 9000 ຄະດີ ທີ່ກ່ຽວຂ້ອງກັບແປ້ງຈອນສັນ ເຊິ່ງເປັນຊິກເນເຈີ ຫຼື ແປ້ງຊື່ດັງຂອງບໍລິສັດນີ້ ຂະນະທີ່ດ້ານຈອນສັນ ແອນ ຈອນສັນ ໄດ້ສະແດງຄວາມຜິດຫວັງຢ່າງຍິ່ງຕໍ່ຄຳສັ່ງດັ່ງກ່າວຂອງຄະນະສານ ແລະ ມີແຜນຈະຍື່ນອຸທອນຕໍ່ໄປ

ທັງນີ້ເມື່ອປີ 2017 ສານປະຈໍາລັດເຊນຫລຸຍ ມີຄຳສັ່ງໃຫ້ ບໍລິສັດ ຈອນສັນ ແອນ ຈອນສັນ ຈ່າຍເງີນຊົດເຊຍກວ່າ 110 ລ້ານໂດລາ ແກ່ນາງ ໂລອີສ ສເລມ ຍິງຊາວອາເມລິກາໄວ 62 ປີ ຈາກ ລັດມີສຊູຣີ ທີ່ໄດ້ຟອງດຳເນີນຄະດີທາງກົດໝາຍວ່າແປ້ງເດັກຈອນສັນ ແອນ ຈອນສັນ ເປັນເຫດໃຫ້ນາງປ່ວຍໂລກມະເຮັງຮັງໄຂ່ ເມື່ອປີ 2012 ຫຼັງຈາກໄດ້ໃຊ້ງານແປ້ງນີ້ດົນເຖິງ 40 ປີ


ສານພິພາກສາວ່າ ທາງບໍລິສັດຜິດທີ່ບໍ່ໄດ້ແຈ້ງເຕືອນຜູ້ບໍລິໂພກເຖິງຄວາມສ່ຽງຂອງຜະລິກຕະພັນຢ່າງພຽງພໍ ໂດຍກ່ອນໜ້ານີ້ເຊື່ອວ່າ ສານທາລກໃນແປ້ງ ເຊິ່ງເຮັດມາຈາກ ແຮ່ໃຍຫີນຊະນິດໜຶ່ງ ອາດຈະເຮັດໃຫ້ເກີດມະເຮັງຮັງໄຂ່ໄດ້ ຢ່າງໃດກໍ່ຕາມຜູ້ຊ່ຽວຊານບອກວ່າຍັງບໍ່ມີຫຼັກຖານທາງວິທະຍາສາດທີ່ຢືນຢັນເຖິງຄວາມເຊື່ອມໂຍງກັນດັ່ງກ່າວ

Be the first to comment

Leave a Reply

Your email address will not be published.


*