ມຽນມາຈັດປະຊຸມສັນຕິພາບປາງຫຼວງຮອບທີ່ 3

ສຳນັກຂ່າວເອເຟພີລາຍງານຈາກນະຄອນເນປິດໍປະເທດມຽນມາເມື່ອວັນທີ່ 12 ກໍລະກົດວ່າ ນາງອອງ ຊານ ຊູຈີ ຜູ້ນຳລັດຖະບານພົນລະເຮືອນມຽນມາກ່າວວ່າ ການບັນລຸຂໍ້ຕົກລົງສັນຕິພາບກັບຊົນກຸ່ມນ້ອຍໃນປະເທດ ຄືພາລະກິດສຳຄັນທີ່ສຸດຂອງລັດຖະບານ  ແຕ່ທ່ານແບ່ງສັນອຳນາດກັບກອງທັບ ຊື່ງສູ້ຮົບກັບຊົນກຸ່ມນ້ອຍຫຼາຍກຸ່ມດົນຫຼາຍທົດສະຕະວັດ
ລະຫວ່າງພິທີເລີ່ມການປະຊຸມສັນຕິພາບປາງຫຼວງຮອບທີ່ 3 ໃນນະຄອນເນປິດໍເມື່ອວັນພຸດ ພົນເອກ ອາວຸໂສມິນ ອ່ອງຫລ່າຍ ຜູ້ບັນຊາການທະຫານສູງສຸດມຽນມາ ກ່າວວ່າ ຊົນກຸ່ມນ້ອຍຮັບຜິດຊອບຕໍ່ການຢຸດສະງັກຂອງຂະບວນການສັນຕິພາບ ຊື່ງເຮັດໃຫ້ “ປະເທດຂອງເຮົາກຳລັງຈົມນ້ຳຕາຍ” ພ້ອມກັບຮຽກຮ້ອງຕໍ່ຄະນະຜູ້ແທນທີ່ເຂົ້າຮ່ວມການປະຊຸມ ໃຫ້ຮ່ວມກັນກວາດລ້າງການສູ້ຮົບດ້ວຍອາວຸດຂອງພົນລະເຮືອນ ຊື່ງຂັດຂວາງການພັດທະນາປະເທດ


ທາງດ້ານພົນໂທ ເສ່ງ ວິນ ລັດຖະມົນຕີປ້ອງກັນປະເທດ ເຜີຍຕໍ່ຜູ້ສື່ຂ່າວວ່າກຸ່ມຕິດອາວຸດຊົນກຸ່ມນ້ອຍບໍ່ພະຍາຍາມພຽງພໍ ໃນການຄວບຄຸມຄວາມຂັດແຍ່ງທີ່ດຳເນີນຢູ່ ຊົນກຸ່ມນ້ອຍຕ້ອງຄວບຄຸມປະຊາຊົນຂອງຕົນເອງ ຫາກປະຊາຊົນໃນສັງກັດບໍ່ມີວິໃນ ບັນຫາອາດເກີດຂື້ນ


ການປະຊຸມປາງຫຼວງຮອບທີ່ 3 ຊື່ງຈະມີຂື້ນເປັນເວລາ 6 ມື້ ເປັນຄວາມພະຍາຍາມຂອງຊູຈີທີ່ຈະນຳຊົນກຸ່ມນ້ອຍເຂົ້າສູ່ຂໍ້ຕົກລົງຢຸດຍິງໃຫ້ຫຼາຍຂື້ນ ປັດຈຸບັນມີ 10 ກຸ່ມທີ່ລົງນາມຢຸດຍິງກັບລັດຖະບານມຽນມາແລ້ວ ແຕ່ຍັງມີອີກຢ່າງນ້ອຍ 7 ກຸ່ມ ລວມເຖິງຫຼາຍກຸ່ມໃຫ່ຍສຸດ ແລະມີອິດທິພົນຫຼາຍທີ່ສຸດ ທີ່ຍັງສູ້ຮົບ ຊື່ງທ່ານນາງ ຊູຈີ ກ່າວເມື່ອວັນພຸດວ່າຍິນດີຕ້ອນຮັບເຂົ້າຮ່ວມຂະບວນການສັນຕິພາບຕະຫຼອດເວລາ


ຈາກຂໍ້ມູນຂອງມູນນິທິເອເຊຍກວ່າ 1 ໃນ 3 ຂອງເມືອງຕ່າງໆ ທົ່ວມຽນມາ ໄດ້ຮັບຜົນກະທົບຈາກຄວາມຂັດແຍ່ງທີ່ຍັງບໍ່ໄດ້ຮັບການແກ້ໄຂ ການສູ້ຮົບຮຸນແຮງທີ່ສຸດເກີດຂື້ນໃນລັດຄະສິ່ນ ທາງພາກເຫນືອສຸດເຮັດໃຫ້ປະຊາຊົນກວ່າ 100,000 ຄົນຕ້ອງອົບພະຍົບຫນີຄວາມຮຸນແຮງນາຍພົນສຸມລຸດ ກັນ ມໍ ຜູ້ບັນຊາການກອງກຳລັງຊົນກຸ່ມນ້ອຍໃນນາມ ກອງທັບກະຊິ່ນອິດສະຫຼະ (ເຄໄອເອ) ເຜີຍຕໍ່ຜູ້ສື່ຂ່າວຂະນະເດີນທາງເຖິງໂຮງແຮມທີ່ພັກໃນນະຄອນເນປິດໍ ເມື່ອວັນອັງຄານວ່າ ຫນື່ງໃນເປົ້າຫມາຍຂອງການປະຊຸມຄັ້ງນີ້ຄື ຮື້ຟື້ນຊ່ອງທາງການສື່ສານພື້ນຖານກັບຝ່າຍລັດຖະບານມຽນມາ ແລະເຂົາຫວັງວ່າການສູ້ຮົບຈະຄ່ອຍໆລົດລົງ

Be the first to comment

Leave a Reply

Your email address will not be published.


*