ຜາສາດຫີນວັດພູຈຳປາສັກ ທີ່ຕັ້ງມໍລະດົກໂລກ ງຽບເຫງົາ ນັກທ່ອງທ່ຽວຫຼຸດໜ້ອຍຖອຍລົງ

ເມື່ອບໍ່ດົນມານີ້ ນສພ Vientiane Time ລາຍງານວ່າ ຜາສາດຫີນວັດພູຈຳປາສັກ ຊຶ່ງເປັນມໍລະດົກໂລກ ປັດຈຸບັນນີ້ ງຽບເຫງົາ ນັກທ່ອງທ່ຽວພາຍໃນ ແລະຕ່າງປະເທດໄປທ່ຽວຊົມບໍ່ຫຼາຍ ເຖິງແມ່ນວ່າ ໄດ້ມີການປັບປຸງຄ່າເຂົ້າຊົມແລ້ວກໍຕາມ “ກ່ອນໜ້ານີ້ ມີຫຼາຍຄົນຈົ່ມເລື່ອງຄ່າເຂົ້າຊົມວ່າແພງ ແລະນີ້ ອາດເປັນສາເຫດທີ່ເຂົາເຈົ້າບໍ່ຢາກມາທ່ຽວ” ທ່ານ ໃຈເພັດ ສິລິຈັນໂທ ພະນັກງານຢູ່ທີ່ຜາສາດຫີນວັດພູ ກ່າວ

ແຕ່ເຖິງຢ່າງໃດກໍຕາມ ທາງຜູ້ສຳປະທານສະຖານທີ່ໄດ້ມີການປັບປຸງຄ່າທຳນຽມແລ້ວ ໂດຍໄດ້ຫຼຸດຄ່າເຂົ້າຊົມລົງມາຕັ້ງແຕ່ເດືອນກ່ອນ ເພື່ອຫວັງດຶງດູດນັກທ່ອງທ່ຽວພາຍໃນ ແລະຕ່າງປະເທດໃຫ້ຫຼາຍຄືເກົ່າ ແຕ່ກ່ອນຄ່າເຂົ້າຊົມແມ່ນຢູ່ທີ່ 20,000 ກີບຕໍ່ຄົນ ສຳລັບຄົນລາວ ຄົນຕ່າງປະເທດ ເກັບ 50,000 ກີບຕໍ່ຄົນ ເມື່ອເຂົ້າໄປແລ້ວທາງສະຖານທີ່ມີລົດໄຟຟ້າໃຫ້ຂີ່ ເຊິ່ງເປັນການປະຢັດເວລາຂອງນັກທອງທ່ຽວ ບໍ່ຕ້ອງຍ່າງໄປເອງ

ຕອນນີ້ຄ່າເຂົ້າຊົມ ສຳລັບຄົນລາວທີ່ບໍ່ຕ້ອງການໃຊ້ລົດໄຟຟ້າ ຈ່າຍຄ່າເຂົ້າພຽງແຕ່ 5,000 ກີບ ຖ້າໃຊ້ລົດໄຟຟ້າ ແມ່ນຈ່າຍ 20,000 ກີບ ຄົນຕ່າງປະເທດ ຖ້າຢາກຍ່າງເອົາ ຈ່າຍແຕ່ 35,000 ກີບ ໃຊ້ລົດໄຟຟ້າ ຈ່າຍ 50,000 ກີບ

 

ແຕ່ກ່ອນ ນັກທ່ອງທ່ຽວ ບໍ່ຢາກໃຊ້ລົດໄຟຟ້າ ແຕ່ເລືອກທີ່ຈະຍ່າງເອົາ ນີ້ກໍແລ້ວແຕ່ນັກທ່ອງທ່ຽວ ແຕ່ຄ່າທຳນຽມຍັງເກັບລາຄາເດີມ ຈະໃຊ້ຫຼືບໍ່ໃຊ້ ກໍລາຄາເດີມ ແລະນີ້ ກໍຖືວ່າເປັນເຫດຜົນທີ່ນັກທ່ອງທ່ຽວ ບໍ່ມີຄວາມເພິ່ງພໍໃຈກັບການບໍລິການ ບັດນີ້ ທາງສະຖານທີ່ ໄດ້ມີການປ່ຽນແປງລາຄາແລ້ວ ແລະຫວັງວ່າ ນັກທອງທ່ຽວຈະມາທ່ຽວຊົມຫຼາຍຄືເກົ່າ

ຮຽບຮຽງໂດຍ: Sithon999
ທີ່ມາ: Vientiane Time

Be the first to comment

Leave a Reply

Your email address will not be published.


*