ຊິງທີ່ 3 ບານໂລກ ! ອັງກິດດວນເດືອດ ເບລຢຽມ ເຄນ ວັດຄົມ ລູກາກູ

“ສິງໂຕຄຳລາມ”ອັງກິດ ກຽມ ຈັດເຕັມສູບນຳລ່າປະຕູໂດຍ ແຮລີ່ ເຄນ ເກມພົບ “ຜີສາດແດງແຫ່ງຢູໂຣບ” ເບລຢຽມ ທີ່ມີ ໂຣເມລູ ລູກາກູ ພ້ອມປິດສະກໍ ໃນເສິກບານໂລກ 2018 (ນັດຊິງທີ່ 3) ຄືນວັນເສົາທີ່ 14 ກໍລະກົດນີ້ ເວລາ 21:00 ໂມງ ທີ່ສະໜາມ ເຊນປີເຕີເບຣີກ ສະເຕດ້ຽມ , ເຊນປີເຕີເບຣີກ , ປະເທດຣັດເຊຍ ປສະໜາມກາງ)

ໂຣເບຣໂຕ້ ມາຣຕິເນຊ ເທຣນເນີ “ຜີສາດແດງແຫ່ງຢູໂຣບ” ເບລຢຽມ ເສຍດາຍກັບຄວາມພ່າຍແພ້ໃຫ້ຝຣັ່ງ 0-1 ຕົກຮອບອົດເຂົ້າຊິງຊະນະເລີດເປັນຄັ້ງທຳອິດໃນປະຫວັດສາດ ແຕ່ເກມນີ້ເປັນໂອກາດໃຫ້ພວກເຂົາຄວ້າອັນດັບ 3 ເຊິ່ງເປັນຜົນງານທີ່ດີທີ່ສຸດກ່ອນໜ້ານີ້ຄືການຄວ້າອັນດັບ 4 ໃນປີ 1986


ສໍາລັບຂ່າວດີກໍ່ຄືການໄດ້ ໂທມັສ ເມີນິເຢ່ຣ ວິງແບັກຂວາໂຕເກັ່ງພົ້ນໂທດແບນກັບມາເປັນໂຕເລືອກໄດ້ອີກຄັ້ງຄາດວ່າຈະກັບມາເປັນໂຕຈິງທັນທີ

ນັກເຕະພ້ອມລົງສະໜາມທັງໝົດ ແຕ່ວ່າມີໂອກາດທີ່ ມາຣຕິເນຊ ຈະໃຫ້ໂອກາດທີ່ເຄີຍເປັນໂຕເລືອກທຳອິດຢ່າງ ດຣີສ ເມີເທ່ນສ ແລະ ຢານນິກ ແຟເຣຣ່າ ກາຣຣາສໂກ້ ຈະກັບມາເຊັ່ນກັນ

ຂະນະທີ່ ອັ໊ດນານ ຢານາໄຊ ຜູ້ຍິງປະຕູໄຊໃນເກມທໍາອິດຈະກັບມາໃນຮອບແບ່ງກຸ່ມ , ໂທມັສ ແຟຣມາເລ່ນ , ມິຊີ່ ບາດຊູອາຢີ ກໍ່ມີລຸ້ນລົງໂຕຈິງ ໂດຍທີ່ ໂຣມາລູ ລູກາກູ, ເຄວິນ ເດິ ບອຍ , ເອເດັນ ອາຣຊາຣ ສາມໂຕເກັ່ງຈະຍັງລົງສະໜາມປະຄອງທີມຕໍ່ໄປຄືເກົ່າ


ທາງດ້ານ “ສິງໂຕຄຳລາມ” ອັງກິດ ອົກຫັກກັນທັງຊາດກັບການແພ້ໃຫ້ໂຄເອເຊຍ 1-2 ຢຸດເສັ້ນທາງແຫ່ງຄວາມຝັນໄວ້ທີ່ຮອບຮອງຊະນະເລີດ ແຕ່ກໍ່ມີໂອກາດເຮັດຜົນງານດີສຸດນັບຕັ້ງແຕ່ແຊ້ມໂລກ 1966 ຫາກຄວ້າອັນດັບ 3 ໄດ້ໃນຄັັ້ງນີ້

ແກເຣັດ ເຊົາເກດ ຄົງຕ້ອງມີການປັບທັບພໍສົມຄວນຈາກການທີ່ ຄີແຣນ ທຣິປເປຍ ວິງແບັກຂວາ ມີອາການບາດເຈັບຈົນຕ້ອງຍ່າງອອກສະໜາມກ່ອນຈົບເກມຊ່ວງຕໍ່ເວລານັດເຈິໂຄຣເອເຊຍ


ຂະນະທີ່ ໄຄລ ວອກເກີ ກັບ ຈໍແດນ ເຮນເດີສສັນ ກໍໍ່ບໍ່ເຕັມຮ້ອຍ ນັດນີ້ຕ້ອງເຊັກຟິດ ດ້ານ ແອຊລີ່ ຍັງ ແລະ ເດເລ່ ອັລລີ່ ກໍ່ອອກອາການໝົດເຊັ່ນກັນ
ແນວຮັບ ຟິລ ໂຈນສ ຈະໄດ້ລົງແທນຖ້າ ວອຄເກີ ບໍ່ຟິດ ສ່ວນ ວິງແບັັກຂວາຈະເປັນໂອກາດຂອງ ເທຣນສ ອາເລັກຊານເດີ ອາຣໂນລດ ດ້ານຊ້າຍ ແດນນີ່ ໂຣສລົງໂຕຈິງ
ກາງສະໜາມ ເອຣິກ ດາຍເອີຣ ສຽບແທນ ເຮນໂດ້ ຫຼີ້ນຄູ່ກັບ ຟາບຽນ ເດລຟ ສ່ວນແດນໜ້າ ແຮລີ່ ເຄນ ກັບຕັນທີມຕ້ອງລົງຕໍ່ເພາະລຸ້ນດາວຍິງເກີບທອງຄຳຢູ່ດ້ວຍ ໂດຍອາດຈະມີການພັກ ຣາຮືມ ສະເຕີລິງ ແລ້ວໃຊ້ ມາຣຄັສ ແຣຊຟອດ ຫຼື ວາຣດີ້ ລົງແທນ

Be the first to comment

Leave a Reply

Your email address will not be published.


*