ສິງກະໂປກຳໄລເກີນຄຸ້ມເປັນເຈົ້າພາບປະຊຸມສຸດຍອດ “ທຣັມ-ຄິມ”

Kim Jong Un and Donald Trump impersonators, Howard X, center right, and Dennis Alan, center left, pose for photographs at the Merlion Park, a popular tourist destination in Singapore, on Friday, June 8, 2018. Kim Jong Un lookalike who uses the name Howard X said he was detained and questioned upon his arrival in Singapore on Friday, days before a summit between the North Korean leader and President Donald Trump. (AP Photo/Wong Maye-E)

ສຳນັກຂ່າວຕ່າງປະເທດລາຍງານຈາກປະເທດສິງກະໂປເມື່ອວັນທີ່ 14 ມິຖຸນາວ່າ “ສິງກະໂປ” ນະຄອນລັດຂະໜາດນ້ອຍແຫ່ງເອເຊຍຕາເວັນອອກສຽງໃຕ້ກາຍເປັນຄຳທີ່ມີຜູ້ຄົນຄົ້ນຫາໃນກູເກິລຫຼາຍທີ່ສຸດໃນອາເມລິກາກວ່າ 2 ລ້ານຄັ້ງເມື່ອວັນຈັນຫຼື 1 ວັນກ່ອນການປະຊຸມສຸດຍອດ ຫຼັງຈາກຮູບຂອງຄິມໄປຍ່າງຫຼີ້ນໃນບາເທີງຊັ້ນດາດຟ້າໂຮງແຮມມາຣີນາ ເບແຊນໃນສິງກະໂປຖືກເຜີຍແຜ່ອອກໄປທົ່ວໂລກ ສ່ວນຄຳກ່ຽວຂ້ອງທີ່ມີຜູ້ຄົ້ນຫາກັນຫຼາຍທາງອິນເຕີເນັດ ລວມເຖີງສິງກະໂປຢູ່ທີ່ໃດ (Where is Singapore) ການປະຊຸມສຸດຍອດສິງກະໂປ ແລະເວລາໃນສິງກະໂປ


ສິງກະໂປໃຊ້ຈ່າຍເງີນໃນການຈັດປະຊຸມຄັ້ງນີ້ປະມານ 20 ລ້ານດອລລາສິງກະໂປ (15 ລ້ານໂດລາສະຫະລັດ) ຊື່ງແມ່ນວ່າຈະມີສຽງວິຈານຈາກປະຊາຊົນບາງສ່ວນ ແຕ່ກຸ່ມຜູ້ຊ່ຽວຊານດ້ານການຕະຫຼາດກ່າວວ່າ ຜົນປະໂຫຍດທີ່ສິງກະໂປຈະໄດ້ຮັບຫຼາຍກວ່າ 10 ເທົ່າ ໂດຍສະເພາະທາງດ້ານທ່ອງທ່ຽວ ຊື່ງຜູ້ຄົນທົ່ວໂລກໄດ້ກຳນົດໃຫ້ປະເທດຂະໜາດນ້ອຍແຫ່ງນີ້ເປັນໜື່ງໃນຈຸດໜາຍປາຍທາງໃນອະນາຄົດແລ້ວ


ການທ່ອງທ່ຽວຄອງສ່ວນແບ່ງປະມານ 4 % ຂອງຈີດີພີຂອງສິງກະໂປປີທີ່ແລ້ວມີຜູ້ໄປຢ້ຽມຢາມສູງເປັນສະຖິຕິເຖິງ 17.4 ລ້ານຄົນ ນັກທ່ອງທ່ຽວອັນດັບ 1 ຄືຈີນຕາມດ້ວຍອິນເດຍ
ແຕ່ເມື່ອບໍ່ເທົ່າໃດເດືອນກ່ອນໜ້ານີ້ ນິດຕະຍາສານການທ່ອງທ່ຽວ Time Out ໄດ້ຈັດອັນດັບສິງກະໂປຢູ່ໃນກຸ່ມເມືອງທີ່ໜ້າຕື່ນເຕັ້ນໜ້ອຍທີ່ສຸດໃນໂລກ


ແອນດຣູ ດາຣລິງ ຊີອີໂອ ແລະຜູ້ກໍ່ຕັ້ງສຳນັກງານການສື່ສານ ເວສເພຍ ເວນເຈີ ກ່າວວ່າ ລັດຖະບານສິງກະໂປຕ້ອງໃຊ້ເງີນຈຳນວນ 200 ລ້ານດອລລາສິງກະໂປ (150 ລ້ານດອນລາສະຫະລັດ) ໃນການໂຄສະນາປະຊາສຳພັນເພື່ອໃຫ້ໄດ້ຜົນລັບເທົ່າກັບທີ່ໄດ້ ຈາກການເປັນເຈົ້າພາບຈັດການປະຊຸມສຸດຍອດຄັ້ງນີ້

Be the first to comment

Leave a Reply

Your email address will not be published.


*