“ຣັດເຊຍ” ປະເດີມສະໜາມສຸດຫຼູ ຖະລົ່ມ “ຊາອຸ” ໝົດສະພາບ 5 – 0

ເສິກເຕະບານໂລກ 2018 ນັດເປີດສະໜາມໃນຮອບທຳອິດ ກຸ່ມ A ທີ່ສັງວຽນລຸຊນິກິ ສະເຕດ້ຽມ ນະຄອນມອສໂກວ ປະເທດຣັດເຊຍ ເມື່ອຄືນວັນພະຫັດທີ່ຜ່ານມາ ຣັດເຊຍ ທີມເຈົ້າພາບມີຄິວລົງດວນ ຊາອຸດິອາຣາເບຍ

ເຄິ່ງແລກເຈົ້າຖິ່ນ ເຊິ່ງສະກົດຄຳວ່າຊະນະບໍ່ເປັນມາແລ້ວ 7 ນັດຕິດຕໍ່ກັນ ສ້າງສັນເກມໄດ້ເໜືອກວ່າຢ່າງຊັດເຈນ ແລະ ອອກນຳໄປກ່ອນ 2 – 0 ຈາກ ຍູລິ ກາຊິນສກີ ນາທີ່ 12 ແລະ ເດນີສ ເຊີລີເຊຟ ນາທີທີ່ 43 ເຂົ້າສູ່ເຄິ່ງຫຼັງ ຣັດເຊຍ ຍັງເຮັດຜົນງານໄດ້ຢ່າງຍອດຍ້ຽມ ແລະ ໜີໄປເປັນ 3 – 0 ຈາກການໂຂກຂອງ ອາເຕມ ຊູບາ ນາທີທີ່ 71 ຈາກຊ່ວງທົດນາທີ່ບາດເຈັບ 90+1 ເຊີລີເຊຟ ກໍ່ມາຍິງປະຕູທີ່ 2 ຂອງຕົນເອງ ແລະ ເປັນປະຕູໃຫ້ຣັດເຊຍ ນຳຫ່າງ 4 – 0 ເທົ່ານັ້ນຍັງບໍ່ພໍຊ່ວງທົດນາທີບາດເຈັບນາທີທີ່ 90+4 ອາເລັກເຊນເດີ ໂກໂລວິນ ປັ່ນຟຣີຄິກສຸດງາມເປັນປະຕູຕອກຝາໂລງໃຫ້ຣັດເຊຍ ຖະລົ່ມ ຊາອຸດິອາໂລເບຍ ສິ້ນສະພາບ 5 – 0 ເກັບ 3 ແຕ້ມເຂົ້າກະເປົາໄດ້ຢ່າງສວຍງາມ

 

 

Be the first to comment

Leave a Reply

Your email address will not be published.


*