“ບານໂລກ” 2018 ຣັດເຊຍ ເປີດສາກຍິ່ງໃຫຍ່ “ຣ໊ອບບີ ວິລລ້ຽມ” ຮ່ວມເປີດໂຊ

ການແຂ່ງຂັນບານໂລກ 2018 ເປີດສາກຂື້ນແລ້ວຢ່າງຍິ່ງໃຫຍ່ ທີ່ສະໜາມລຸຊນິກິ ສະເຕດ້ຽມ ຄວາມຈຸ 81.000 ຄົນ ໃນນະຄອນມອສໂກ ປະເທດຣັດເຊຍ ເມື່ອເວລາ 21:30 ນາທີ ຂອງວັນພະຫັດທີ 14 ມິຖຸນາ ທີ່ຜ່ານມາ ຕາມເວລາປະເທດລາວ ໂດຍມີທ່ານ ວະລາດິເມຍ ປູຕິນ ປະທານາທິບໍດີຣັດເຊຍ ຮ່ວມເປັນປະທານໃນພິທີ


ສຳລັບພິທີເປີດຄັ້ງນີ້ເນັ້ນໄປທີ່ການສະແດງປະກອບດົນຕີທີ່ສະທ້ອນໃຫ້ເຫັນເຖິງທຸກຢ່າງທີ່ເປັນຣັດເຊຍໂດຍມີນັກສະແດງຮ່ວມປະມານ 500 ຄົນ ໄຮໄລຂອງງານຢູ່ທີ່ໂຊຈາກ ຣ໊ອບບີ ວິລລ້ຽມ ປ໊ອບສະຕາຊື່ດັງຈາກອັງກິດ ທີ່ລົງມາຮ້ອງເພັງຮິດຢ່າງ Let Me Entertain You ,feel ແລະ Rock DJ ລວມທັງການສະແດງຂອງ ໄອດາ ກາຣິຟູລລິນາ ນັກຮ້ອງສຽງໂຊປຣາໂນຊາວຣັດເຊຍ ປິດທ້າຍດ້ວຍການສະແດງດອກໄມ້ໄຟຢ່າງຍິ່ງໃຫຍ່


ສຳລັບການສະແດງທັງໝົດເກືອບ 30 ນາທີ ຫຼື ພຽງເຄິ່ງຊົ່ວໂມງກ່ອນທີ່ເກມນັດເປີດສະໜາມລະຫວ່າງ ຣັດເຊຍ ຊາດເຈົ້າພາບກັບ ຊາອຸດິອາຣາເບຍ ແລະ ຈະເລີ່ມແຕະໃນເວລາ 22 :00 ນາທີ ຕາມເວລາປະເທດລາວ

Be the first to comment

Leave a Reply

Your email address will not be published.


*