ໄວຣັດອີໂບລາ ກັບມາລະບາດຄັ້ງທຳອິດໃນຮອບ 5 ປີທີ່ສາທາລະນະລັດຄອງໂກ ເສຍຊີວິດແລ້ວ 25 ຄົນ

ສຳນັກຂ່າວຕ່າງປະເທດລາຍງານຈາກນະຄອນດາກາ ປະເທດເຊເນກັລ ເມື່ອວັນທີ່ 18 ພຶດສະພາວ່າ ກະຊວງສາທາລະນະສຸກຂອງສາທາລະນະລັດປະຊາທິປະໄຕຄອງໂກ (ດີອາຣຄອງໂກ) ອອກຖະແຫຼງການເມື່ອວັນພະຫັດ ເລື່ອງການພົບຜູ້ຕິດເຊື້ອໄວຣັດອີໂບລາໃນປະເທດອີກ 11 ຄົນ ແລະຢືນຢັນຜູ້ເສຍຊີວິດລາຍໃໜ່ 2 ຄົນ ໃນພູມມີພາກທາງຕາເວັນຕົກສຽງເໜືອຂອງປະເທດ ລວມເຖິງເມືອງມະດັນດາກາ ໃນພູມມີພາກອີເກວເຕີ ຊື່ງເປັນເມືອງຊຸມທາງການຄົມມະນາຄົມທີ່ສຳຄັນ ແລະຢູ່ບໍ່ຫ່າງຈາກນະຄອນກິນຊາຊາທີ່ເປັນເມືອງຫຼວງ


ຂະນະທີ່ຈຳນວນຜູ້ປ່ວຍສະສົມຈາກການແຜ່ລະບາດຄັ້ງໃໜ່ຂອງເຊື້ອໄວຣັດອີໂບລາຕັ້ງແຕ່ຕົ້ນເດືອນນີ້ ໄດ້ຮັບການຢືນຍັນແລ້ວ 14 ຄົນ ເປັນໄປໄດ້ 21 ຄົນ ແລະ ໜ່າສົງໃສ ອີກ 10 ຄົນ ສ່ວນຈຳນວນຜູ້ເສຍຊີວິດໄດ້ຮັບການຢືນຍັນແລ້ວ 3 ຄົນ ລວມເຄສເມື່ອວັນພະຫັດຈາກຈຳນວນຜູ້ເສຍຊີວິດທັງໜົດຢ່າງໜ້ອຍ 25 ຄົນ ດ້ານອົງການອານາໄມໂລກ (ດັບເບິລຢູເອຟໂອ) ອອກຖະແຫຼງການສະແດງຄວາມວິຕົກກັງວົນວ່າ ສະຖານະການແຜ່ລະບາດຂອງເຊື້ອໂລກອີໂບລາໃນເມືອງມະບັນດາກາ ທີ່ມີປະຊາກອນ 700.000 – 1.200.000 ຄົນ ເພີ່ມຄວາມສ່ຽງທີ່ເຊື້ອໂລກຈະແພ່ລະບາດເຖິງນະຄອນຫລວງກິນຊາຊາ ແລະແຜ່ລະບາດອອກສູ່ປະເທດເພື່ອນບ້ານ


ເບື້ອງຕົ້ນດັບເບິລຢູເອຊໂອໄດ້ສົ່ງວັກຊີນຊຸດໃຫ່ຍໄປຍັງນະຄອນກິນຊາຊາແລ້ວ ພ້ອມເຈົ້າໜ້າທີ່ພາກສະໜາມອີກ 30 ຄົນໃນການສີດວັກຊີນໃຫ້ກັບປະຊາຊົນໃນພື້ນທີ່ຫ່າງໄກ ທັງນີ້ ລາຍງານຂອງດັບເບິລຢູເອຊໂອລະບຸອີກວ່າ ເຊື້ອໄວຣັດອີໂບລາທີ່ແຜ່ລະບາດໃນດີອາຣຄອງໂກຄັ້ງນີ້ ເປັນສາຍພັນດຽວກັບທີ່ເຄີຍແຜ່ລະບາດໃນຫຼາຍປະເທດຂອງອັບຟຣິກາ ລະຫວ່າງປີ 2013 ເຖິງ 2015 ເປັນເຫດໃຫ້ມີຜູ້ເສຍຊີວິດຢ່າງໜ້ອຍ 11,300 ຄົນ ຮຸນແຮງທີ່ສຸດນັບຕັ້ງແຕ່ມີການຄົ້ນພົບເຊື້ອໄວຣັດຊະນິດນີ້ເທີງໂລກ ເມື່ອປີ 1976

Be the first to comment

Leave a Reply

Your email address will not be published.


*