ອີຣັກ ວາງແຜນຈັບແກນນຳໂຫດໄອຊິສ ທີ່ເຜົານັກບິນຈໍແດນທັງເປັນໄດ້ແລ້ວ

ເມື່ອວັນທີ່ 16 ພຶດສະພາ 2018 ເວັບໄຊເດລີ່ເມລລາຍງານວ່າ ທ້າວ ຊັມດັມ ອັລ ຈາມາລ ແກນນຳລະດັບສູງຈອມໂຫດຂອງກຸ່ມຕິດອາວຸດລັດອິດສະລາມ ຫຼືໄອຊິສ ເຊີ່ງຢູ່ເບື້ອງຫຼັງການສັງຫານຊີວິດ ທ່ານໂມອັຊ ອັລ-ຄາຊາສເບ ອະດີດນັກບິນຈໍແດນ ຢ່າງໂຫດຮ້າຍປ່າເຖື່ອນ ດ້ວຍການເຜົາທັງເປັນຂະນະຢູ່ໃນກົງເຫຼັກ ຫຼັງເຮືອບິນຂັບໄລ່ຕົກໃນຊີເຣຍ ເມື່ອ 3 ປີກ່ອນນັ້ນ ໃນທີ່ສຸດ ທ້າວ ອັລ ຈາມາລ ໄດ້ຖືກຈັບກຸມແລ້ວໃນປະເທດອີຣັກ ພ້ອມທັງແກນນຳອີກ 3 ຄົນຂອງໄອຊິສ ເມື່ອອາທິດທີ່ຜ່ານມາ ໃນຂະນະທີ່ຜົນງານຄວາມໂຫດຮ້າຍປ່າເຖື່ອນຂອງ ອັລ ຈາມາລ ທີ່ຜ່ານມາ ເຖິງຂັ້ນເຮັດໃຫ້ເຂົາຖືກວາງໂຕໃຫ້ເປັນຜູ້ນຳກຸ່ມໄອຊິສໃນອານາຄົດເລີຍທີ່ດຽວ


ຕາມລາຍງານຂ່າວລະບຸວ່າ ກອງກຳລັງຄວາມໜັ້ນຄົງແຫ່ງອີຣັກໄດ້ວາງແຜນຫຼອກລໍ້ໃຫ້ເຫລົ່າຜູ້ນຳໄອຊິສເດີນທາງຈາກຖານທີ່ໜັ້ນໃນຊີເຣຍໄປຍັງອີຣັກ ດ້ວຍການສົ່ງຂໍ້ຄວາມໂທເລກຜ່ານທາງມືຖືຂອງທ້າວ ອິສສະມາອິລ ອັລ-ອິທາວີ ໜື່ງໃນຫົວໜ້າຝ່າຍສູ້ຮົບຂອງໄອຊິສ ຊື່ງຖືກຈັບກຸມໄດ້ກ່ອນໜ້ານັ້ນແລ້ວ ຈົນເຮັດໃຫ້ແກນນຳໄອຊິສທັງ 4 ຄົນ ລວມທັງທ້າວ ອັລ ຈາມາລ ຮີບເດີນທາງມາອີຣັກ ຕາມສະຖານທີ່ທີ່ນັດໜາຍຈົນຖືກຈັບກຸມໄດ້ທັງໜົດ


ທັງນີ້ຊາວໂລກຕ້ອງສຸດສະລົດ ເມື່ອໄດ້ເຫັນຄລິບວິດີໂອສຸດໂຫດທີ່ກຸ່ມໄອຊິສນຳມາເຜີຍແຜ່ເທິງໂລກອອນໄລຍ ບັນທຶກເຫດການເຜົາທັງເປັນນັກບິນຈໍແດນ ຊື່ງຢູ່ໃນຊຸດນັກໂທດສີສົ້ມ ຂະນະຖືກຄຸມຂັງຢູ່ໃນກົງເລັກ ລາຍລ້ອມດ້ວຍເຫຼົ່າສະມາຊິກໄອຊິສທີ່ແຕ່ງກາຍດ້ວຍຊຸດລາຍພາງ ໃສ່ໜວກໂມ່ງປົກຄຸມໃບໜ້າ ແລະມີອາວຸດຄົບມື

Be the first to comment

Leave a Reply

Your email address will not be published.


*