ຕຳຫຼວດມາເລເຊຍຍຶດ “ສິນຄ້າຫຼູ-ເງີນຕາຕ່າງປະເທດ” ຈາກບ້ານ “ນາຈິບ”

ສຳນັກຂ່າວຕ່າງປະເທດລາຍງານຈາກນະຄອນກົວລາລັມເປີປະເທດມາເລເຊຍເມື່ອວັນທີ່ 18 ພຶດສະພາວ່າ ກອງບັງຄັບການປາບປາມການກະທຳຜິດກ່ຽວກັບອາດຊະຍາກຳທາງເສດຖະກິດຂອງມາເລເຊຍອອກຖະແຫຼງການກ່ຽວກັບປະຕິບັດການກວດຄົ້ນສະຖານທີ່ຊື່ງມີຄວາມເຊື່ອມໂຍງກັບອະດີດນາຍົກລັດຖະມົນຕີນາຈິບ ຣາຊັຄ ວ່າເຈົ້າໜ້າທີ່ກວດຄົ້ນສະຖານທີ່ໄປແລ້ວຢ່າງໜ້ອຍ 6 ແຫ່ງ ລວມເຖິງທຳນຽບນາຍົກລັດຖະມົນຕີ ແລະບ້ານພັກປະຈຳຕຳແໜ່ງນາຍົກລັດຖະມົນຕີທີ່ເມືອງປຸດຮາຈາຍາ ແລະຫ້ອງພັກໃນອາພາດເມັ້ນສຸດຫຼູແຫ່ງໜື່ງໃນເຂດໃຈກາງນະຄອນກົວລາລັມເປີ ຊື່ງມີການຍົກກຳລັງກວດຄົ້ນເມື່ອຊ່ວງເຊົ້າຂອງວັນສຸກຕາມເວລາທ້ອງຖິ່ນ


ທັງນີ້ ສິ່ງຂອງທີ່ເຈົ້າໜ້າທີ່ລວບລວມ ແລະຍຶດໄວ້ເປັນຫຼັກຖານ ສ່ວນໃຫ່ຍເປັນເອກະສານຊື່ງພະນັກງານສືບສວນຕັ້ງສົມມຸດຖານໃນເບື້ອງຕົ້ນ ວ່າໜ້າຈະເປັນປະໂຫຍດກັບການສອບສວນຄະດີການທຸຈະລິດໃນກອງທຶນພັດທະນາແຫ່ງຊາດ “ວັນເອັມດີບີ” ຂະນະທີ່ສິ່ງຂອງທີ່ມີການຍຶດໄດ້ຈາກສະເພາະອາພາດເມັ້ນໃນເຂດບູກິດ ບິນຕັງ ຊື່ງເປັນສະຖານທີ່ເປ້ົາໜາຍແຫ່ງທີ່ 6 ລວມເຖິງກະເປົ໋າຖືແບຣນເນມລາຄາແພງ 284 ໜ່ວຍ ເຄື່ອງເພັດ 72 ຊຸດ ຊື່ງໃນກ່ອງ ຖືກບັນຈຸເຄື່ອງເພັດ ແລະແຕ່ລະໜ່ວຍຍັງມີເງີນຕາຕ່າງປະເທດຫຼາກຫຼາຍສະກຸນເງີນອີກຈຳນວນໜື່ງເຊື່ອງໄວ້ອີກດ້ວຍ ຊື່ງເຈົ້າໜ້າທີ່ຈະນຳໄປຄຳນວນມູນຄ່າຕໍ່ໄປ


ການເຄື່ອນໄຫວດັ່ງກ່າວຂອງເຈົ້າໜ້າທີ່ເກີດຂື້ນພຽງ 1 ອາທິດ ຫຼັງການກັບມາຮັບຕຳແໜ່ງນາຍົກລັດຖະມົນຕີມາເລເຊຍຂອງ ດຣ.ມະຫາເທ ໂມຣັມຫມັດ ຊື່ງສັ່ງຮື້ຟື້ນການສືບສວນສອບສວນຄະດີທຸຈະລິດໃນກອງທຶນ ວັນດີເອັມດີ ທັນທີ ແລະຢືນຢັນຈະບໍ່ມີການປະນີປະນອມກັບຜູ້ກະທຳຜິດ ບໍ່ວ່າຈະເປັນໃຜກໍ່ຕາມ ຫຼັງເມື່ອຊ່ວງທ້າຍອາທິດທີ່ຜ່ານມາ ສັ່ງຫ້າມທ່ານນາຈິບ ແລະນາງຣອສມາ ມານຊໍ ຖິຍາ ເດີນທາງອອກນອກປະເທດ ໂດຍທ່ານນາຈິບ ເປັນຜູ້ກໍ່ການຍັກຢອກເງີນໄປແລ້ວຫຼາຍກວ່າ 4,500 ລ້ານດອລລາໂດຍ 681 ລ້ານດອລລາ ຖືກໂອນເຂົ້າບັນຊີເງີນຝາກຂອງທ່ານນາຈິບ.

Be the first to comment

Leave a Reply

Your email address will not be published.


*