ຊາອຸດິອາຮະເບຍຮັບປາກອິນເດຍປ້ອນນ້ຳມັນໃຫ້ພໍພຽງ

ສຳນັກຂ່າວຣອຍເຕີລາຍງານຈາກນະຄອນນິວເດລີ ປະເທດອິນເດຍເມື່ອວັນທີ່ 17 ພຶດສະພາວ່າ ຖະແຫຼງການຂອງທາງການອິນເດຍມີຂື້ນໃນຂະນະທີ່ລາຄານ້ຳມັນດິບກັບສູງຂື້ນສູ່ລະດັບ 80 ດອລລາຕໍ່ບາຣເຣລ ເປັນຄັ້ງທຳອິດຕັ້ງແຕ່ປີ  2015 ຈາກປັດໃຈຄວາມວິຕົກເພີ່ມຂື້ນຕໍ່ການສົ່ງອອກນ້ຳມັນຂອງອີຣ່ານອາດມີບັນຫາ ຈາກການຂວ້ຳບາດຄັ້ງໃໜ່ຂອງອາເມລິກາ ແລະຈາກຜົນຜະລິດທີ່ຫລຸດລົງຢ່າງຫຼາຍໃນເວເນຊຸເອລາ


ທ່ານທາເມນດຣາ ປຣາທານ ລັດຖະມົນຕີກະຊວງປີໂຕຣລ້ຽມອິນເດຍ ເຜີຍທາງທະວິດເຕີວ່າ ທ່ານ ຄາຫລິດ ອັລ ຟາລິ ລັດຖະມົນຕີກະຊວງພະລັງງານຊາອຸດິອາຮະເບຍ ໃຫ້ຄຳໜັ້ນກັບວ່າ ຣິຢາດ ແລະປະເທດຜູ້ຜະລິດນ້ຳມັນລາຍອື່ນໆຈະ “ຮັບປະກັນການຈັດສົ່ງນ້ຳມັນໃຫ້ອິນເດຍຢ່າງພໍພຽງ ເພື່ອຊົດເຊຍສ່ວນຂາດທີ່ອາດເກີດຂື້ນ ແລະຮັບປະກັນວ່າລາຄາຈະຍັງຄົງບໍ່ແພງ”

ທ່ານປຣາທານ ກ່າວວ່າ ເຂົາໄດ້ສະແດງຄວາມວິຕົກກ່ຽວກັບລາຄານ້ຳມັນດິບທີ່ກຳລັງສູງຂື້ນ ແລະສົ່ງຜົນກະທົບທາງລົບຕໍ່ຜູ້ບໍລິໂພກ ແລະເສດຖະກິດຂອງອິນເດຍ ແລະກ່າວຢ້ຳຄວາມຈຳເປັນສຳລັບລາຄານ້ຳມັນດິບທີ່ໜັ້ນຄົງ ແລະພໍປະມານ

ອິນເດຍເປັນໜື່ງໃນປະເທດຜູ້ບໍລິໂພກພະລັງງານທີ່ເຕີບໂຕວ່ອງໄວທີ່ສຸດໃນໂລກ ປະຈຸບັນອິນເດຍໃຊ້ນ້ຳມັນຫຼາຍເປັນອັນດັບ 3 ຂອງໂລກ ຮອງຈາກອາເມລິກາ ແລະຈີນ
ອົງການກຸ່ມປະເທດຜູ້ສົ່ງອອກນ້ຳມັນ (ໂອເປກ) ແລະຣັດເຊຍ ປະເທດຜູ້ສົ່ງອອກນ້ຳມັນຫຼາຍທີ່ສຸດໃນໂລກ ຫລຸດປະລິມານການຜະລິດຂອງແຕ່ລະຝ່າຍລົງນັບຕັ້ງແຕ່ເດືອນ ມັງກອນ 2017 ຊ່ວຍຫລຸດນ້ຳມັນສ່ວນເກີນໃນສະຕ໊ອກທົ່ວໂລກລົງ.

Be the first to comment

Leave a Reply

Your email address will not be published.


*