ຕຳຫລວດເມືອງສີສັດຕະນາກມ້າງແກ໋ງລັກລົດອັນຕະລາຍມາດຳເນີນຄະດີ

ທ້າວ ຈິດຕະກອນ (ເລ້) ອາຍຸ 17 ປີ, ທ້າວ ນາເຊດ (ໃຫຍ່) ອາຍຸ 17 ປີ ແລະ ທ້າວ ພອນປະເສີດ (ບອຍ) ອາຍຸ 16 ປີທັງສາມຢູ່ບ້ານດອນດູ່, ເມືອງ ຫາດຊາຍຟອງນະຄອນຫລວງວຽງຈັນ, ຖືກເຈົ້າໜ້າທີ່ ປກສ ເມືອງສີສັດຕະນາກນະຄອນ ຫລວງວຽງຈັນ ຈັບຕົວມາດໍາ ເນີນ ຄະດີເມື່ອບໍ່ດົນນີ້, ຫລັງ ຈາກພວກເຂົາຮ່ວມກັນເຄື່ອນ ໄຫວລັກລົດຈັກໃນຕົວເມືອງ ຫລາຍຄັ້ງ.
ຜ່ານການສືບ ສວນ- ສອບສວນຂອງເຈົ້າໜ້າທີ່ ພວກເຂົາຮັບສາລະພາບວ່າ: ໄດ້ຮ່ວມກັນຂີ່ລົດເລາະຫາລັກ ລົດຈັກໃນເຂດຊຸມຊົນຫລາຍ ຄັ້ງຄື: ເມື່ອກາງເດືອນທັນວາ 2017 ໄດ້ລັກລົດຟີໂນ້ຢູ່ເຂດ ບ້ານວັດນາກ ແລະ ນັບແຕ່ ຕົ້ນປີມານີ້ ໄດ້ພາກັນໄປລັກ ລົດ ຈັກຢູ່ເຂດບ້ານຫ້ອມ, ບ້ານ ຊາຍຟອງ ແລະ ບ້ານໂພສີ ເມືອງຫາດຊາຍ ຟອງ, ບ້ານ ທ່າພະລານໄຊ, ບ້ານດົງສະ ຫວາດເມືອງສີສັດຕະນາກ ແລະ ເຂດບ້ານຊຽງຍືນ ເມືອງ ຈັນທະບູລີ ມາຫລາຍ ຄັ້ງກ່ອນ ຖືກເຈົ້າໜ້າທີ່ຈັບຕົວມາດຳ ເນີນຄະດີ./.

Be the first to comment

Leave a Reply

Your email address will not be published.


*