ຫຼວງພະບາງ ທຳລາຍສິນຄ້າໝົດອາຍຸ, ສິນຄ້ານຳເຂົ້າບໍ່ຖືກຕ້ອງ

ຫ້ອງການອຸດສາຫະກຳ ແລະ ການຄ້າ ເມືອງ ຫຼວງພະບາງ ໄດ້ຈັດພິທີທຳລາຍ ສິນຄ້າໝົດອາຍຸ, ສິນຄ້າເຊື່ອມຄຸນນະພາບ ແລະ ສິນຄ້ານຳເຂົ້າບໍ່ຖືກຕ້ອງ ໂດຍການເປັນປະທານຂອງ ທ່ານ ສົມດີ ພອນສະຫວັດ ຮອງເຈົ້າເມືອງຫຼວງພະບາງ, ມີ ບັນດາ ຫົວໜ້າ-ຮອງຫົວໜ້າຫ້ອງການອ້ອມຂ້າງ ຕະຫຼອດຮອດພະນັກງານ ແລະ ຫົວໜ່ວຍທຸລະກິດອ້ອມຂ້າງເຂົ້າຮ່ວມ.


ທ່ານ ສົມຈິດ ຈັນທາວັນ ຮອງຫົວໜ້າຫ້ອງການອຸດສາຫະກຳ ແລະ ການຄ້າ ເມືອງຫຼວງພະບາງ ໄດ້ໃຫ້ຮູ້ວ່າ: ເຈົ້າໜ້າທີ່ກວດກາການຄ້າ ເມືອງ ຫຼວງພະບາງ ໄດ້ເລີ່ມລົງກວດກາ ສິນຄ້າເຊື່ອມຄຸນນະພາບ, ສິນຄ້າໝົດອາຍຸການນຳໃຊ້, ສິນຄ້າປອມແປງ ແລະ ສິນຄ້ານຳເຂົ້າທີ່ບໍ່ຖືກຕ້ອງຕາມລະບຽບກົດໝາຍ ທີ່ມາວາງຂາຍຢູ່ຕາມທ້ອງຕະຫຼາດ ແລະ ບັນດາຮ້າຍຂາຍເຄື່ອງ ທັງຂາຍສົ່ງ-ຂາຍຍ່ອຍ ຢູ່ຕາມເທດສະບານ ເມືອງ ຫຼວງພະບາງ ມາແຕ່ວັນທີ່ 5 ກຸມພາ- 16 ກຸມພາ 2018 ແລະ ມີເປົ້າໝາຍຫຼັກທັງໝົດ 45 ຮ້ານ.

ໃນນັ້ນ ໄດ້ກວດພົບສິນຄ້າໝົດອາຍຸການນຳໃຊ້, ສິນຄ້າເຊື່ອມຄຸນນະພາບ ແລະ ສິນຄ້ານຳເຂົ້າບໍ່ຖືກຕ້ອງທັງໝົດ 36 ຮ້ານ ພ້ອມທັງຍຶດສິນຄ້າໄດ້ 2,114 ອັນ ແລະ ແບ່ງອອກເປັນ 4 ໝວດໃຫຍ່ຄື: 1. ປະເພດເຄື່ງໃຊ້ສຳອາງ, 2. ປະເພດເຄື່ອງດື່ມ, 3. ປະເພດອາຫານແຫ້ງ, ເຄື່ອງປຸງແຕ່ງສຳເລັດຮູບ, ຢາສູບ, ນໍ້າມັນເຄື່ອງ ແລະ ຕູ້ເກມຢອດຫຼຽນ. 4. ປະເພດໂທລະສັບມືຖືທີ່ລອກລຽນແບບ. ຊຶ່ງລວມມູນຄ່າສິນຄ້າທີ່ນໍາມາທໍາລາຍໃນຄັ້ງນີ້ທັງໝົດ 1,26 ຕື້ກີບ.

Be the first to comment

Leave a Reply

Your email address will not be published.


*