ຜູ້ຊາຍ 5 ປະເພດທີ່ບໍ່ຄວນເສຍເວລາ ຍົກມືລາດ່ວນໆໄດ້ເລີຍ

1. ຜູ້ຊາຍປະເພດພໍ່ພວງມະໄລ:
ສັງເກດງ່າຍໆ ຜູ້ຊາຍປະເພດນີ້ເປັນຜູ້ຊາຍທີ່ມັກປ່ອຍໂຕຕາມສະບາຍ ລອຍໄປລອຍມາ ບໍ່ເປັນຫລັກເປັນແຫລ່ງ ເປັນພວກນັກທິດສະດີຫລາຍກວ່ານັກປະຕິບັດ ຫລັກການນມາເຕັມ ແຕ່ເອົາເຂົ້າແທ້ໆກົບເກື່ອນ ໂດຍສະເພາະມຸມມອງເລື້ອງຄວາມສໍາພັນເວົ້າງ່າຍໆວ່າການແຕ່ງງານບໍ່ແມ່ນເປົ້າຫມາຍຫລັກຂອງເຂົາເລີຍແມ້ແຕ່ຫນ້ອຍ ບອກເລີຍວ່າຜູ້ຊາຍປະເພດນີ້ບໍ່ຄວນເອົາໂຕເຂົ້າໄປສ່ຽງຈະດີທີ່ສຸດ


2. ຜູ້ຊາຍປະເພດມັກແກ້ໂຕ:
ຜູ້ຊາຍປະເພດນີ້ຈະມີຄໍາວ່າ (ຂໍໂທດ) ຕາມຕິດເປັນເງົາຕາມໂຕ ນັ້ນເປັນເພາະເຂົາຮູ້ໂຕວ່າເຂົາພ້ອມທີ່ຈະຫັກຂໍ້ສັນຍາ ແລະ ແຜນການທີ່ຕົກລົງກັບເຮົາໄດ້ສະເຫມີ ແລະ ຕາມມາດ້ວຍຄຳແກ້ໂຕສາລະພັດສິ່ງ ທີ່ເວົ້າໂນ້ມນ້າວໃຫ້ເຮົາເຊື່ອວ່າເຂົາບໍ່ໄດ້ມີເຈດຕະນາທີ່ຈະເຮັດຜິດ ແຕ່ບອກໄວ້ບ່ອນນີ້ເລີຍວ່າເຫດການແບບນີ້ຈະເກີດຂື້ນຊໍ້າ ແລະ ຊໍ້າອີກ ຈົນເຖິງມື້ທີ່ເຮົາທົນກັບເຂົາບໍ່ໄດ້ເອງ


3. ຜູ້ຊາຍປະເພດຂີ້ຖີ່:
ແນ່ນອນວ່າເມື່ອເຮົາຕົກລົງທີ່ຈະອອກເດດກັນ ການຊື້ຫາສິ່ງຂອງຕ່າງໆໃຫ້ຄົນຮັກ ເບິ່ງຄືວ່າຈະເປັນເລື້ອງພື້ນຖານທີ່ທຸກຄູ່ຮັກເຮັດໃຫ້ກັນ ແຕ່ຈະເປັນເລື່ອງແປກທັນທີ ຖ້າຜູ້ຊາຍທີ່ເຮົາອອກເດດຢູ່ນັ້ນ ບໍ່ເຄີຍແມ້ແຕ່ຈະຊື້ຂອງເລັກໆນ້ອຍໆໃຫ້ກັບເຮົາເລີຍ ພວກດອກໄມ້, ນໍ້າຫອມ ຫລື ສິ່ງຂອງທີ່ເຂົາເອງກໍ່ຮູ້ວ່າເຮົາມັກ ສິ່ງເຫລົ່ານີ້ເຄີຍຕົກເຖິງມືເຮົາແດ່ບໍ່ ບາງຄັ້ງມັນກໍ່ມີເສັ້ນບາງໆກັ້ນຢູ່ລະຫວ່າງຜູ້ຊາຍຂີ້ຖີ່ ກັບໃຊ້ເງິນເປັນ ລອງຄິດເບິ່ງໃຫ້ດີໆ
4. ຜູ້ຊາຍປະເພດຫມົກມຸ້ນແຕ່ເລື້ອງອະດີດ:
ໃຜທີ່ເດດກັບຜູ້ຊາຍແບບນີ້ບອກໃຫ້ຮູ້ເລີຍວ່າຫນັາເຈັບໃຈທີ່ສຸດ ເຮັດໄດ້ແນວໃດຄົບກັບເຮົາຢູ່ແຕ່ກັບເວົ້າເຖິງເລື້ອງໃນອະດີດກັບຄົນເກົ່າຫນ້າຕາເສີຍ ເຜີໆອາດມີປຽບທຽບລະຫວ່າງເຮົາກັບແຟນເກົ່າຂອງເຂົາອີກດ້ວຍ ບໍ່ມີຜູ້ຍິງຄົນໃດທີ່ຈະຢາກຢູ່ກັບຜູ້ຊາຍແບບນີ້ ຖ້າເບິ່ງແລ້ວເຂົາບໍ່ຫນ້າລືມຕາອ້າປາກຈາກອະດີດເກົ່າໆໄດ້ ກໍ່ປ່ອຍເຂົາໄປໂລດ ແລ້ວເຮົາຍ່າງອອກໄປຫາອະນາຄົດທີ່ລໍຖ້າຢູ່ຂ້າງຫນ້າດີກວ່າ


5. ຜູ້ຊາຍປະເພດພາລານອຍ (ມັກຫາເລື້ອງ ຫວາດລະແວງ):

ຜູ້ຊາຍແບບນີ້ຕິດນິໃສເອົາອົກເອົາໃຈເປັນພິເສດ ເຂົາມີຄວາມກະຕືລືລົ້ນຢາກທີ່ຈະຮູ້ວ່າເຮົາຢູ່ໃສ ເຮັດອັນໃດຢູ່ກັບໃຜ ບາງຄັ້ງກໍ່ເບິ່ງຄືວ່າຈະຫວາດລະແວງເກີນເຫດ ຈົນເຮົາຮັບມືເກືອບບໍ່ໄຫວ ເພາະແຕ່ລີວັນເຂົາຈະຫາປະເດັນມາຫຍຸ້ງກັບເຮົາໄດ້ຫມົດມື້ ເອົາງ່າຍໆແບບນີ້ ລອງຖາມໂຕເອງເບິ່ງແລ້ວກັນວ່າເຮົາພ້ອມຈະຢູ່ກັບຄົນແບບນີ້ໄປຕະຫລອດຫລືບໍ່


ໃນເມື່ອພວກຜູ້ຍິງທັງຫລາຍຮູ້ແລ້ວວ່າຜູ້ຊາຍປະເພດໃດທີ່ເຮົາບໍ່ຄວນເສຍເວລາອອກເດດນໍາ ຕໍ່ໄປເຮົາຈະໄດ້ຮູ້ໂຕແຕ່ເນີ້ນໆ ແລະ ຫາວິທີຫລົບຫລີກໄດ້ທັນ ຈະໄດ້ບໍ່ຕ້ອງເສຍເວລາ ເພື່ອຕາມຫາຄົນທີ່ບໍ່ແມ່ນອີກຕໍ່ໄປ

Be the first to comment

Leave a Reply

Your email address will not be published.


*